Levetekɔ 23:1 - Yálá laawoo hɛɓɛ (dc)

¹ Yai-Laa yɛ Moisə ɓa:

Yálá laawoo hɛɓɛ

¹ Yai-Laa yɛ Moisə ɓa:

Bible

¹ Yâwɛɛ è m̀o Mose ma a gɛɛ é

Levetekɔ 23:1 Iomraidhean Croise

Kɔlɔnikɔ Maa-ŋuŋ 23:31

Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Azaya 1:13

Ka hvo gɔ́ a yɛlɛ kulɔ pələ ɉú, nulu ɓɛlɛ hvo gwə́i, ɲąnįn dɔɔ nįnɛ̨ hɛlii ka kɛ bui, da túwɔ́ yələ hɛli, ə mą kɛ hɛli kpɛa-kpɛaɠaai ka kɛ bui, yili nąą wɛli hvo kɛa mą́ą́.

Izikiɛ 44:24

Kiti mɛ̨nį a kulɔ, diɛ ɓə a giti tee nuą; mąąnɛ̨ɛ̨ di kiti tee, yɛ bələi ŋą́ mąą tɔ́n naa la. Mąą nɛ̨ɛ̨ di nwɔ́ tiɓoɠaa da gwə́i mɛ̨nįɠaa kəlee pɔ mɛ̨nį kɛ nwɔ́ hɛliɠaai kəlee hu; diɛ nwɔ́ hvitɔɔ yələɠaa kaa a hvoló mąąhəɠɛɛɠaa.

Izikiɛ 45:17

«Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Izikiɛ 46:11

Ɉiɛ kulɔ yələɠaa da ɉɛli yələɠaa, Yálá kɔ́ hɛn a kɛ a Eifa tɔ̨nɔ̨, a nįŋɛ̨ nwɛi, da Eifa tɔ̨nɔ̨ a mɛlaa hilɛ nwɛi; mɛlaa lonnii di wɛi, yii lɔpee a too ɲəi; nwulɔ nwɛi, Eifa tɔ̨nɔ̨ da hin tɔ̨nɔ̨.

Levetekɔ 22:33

Ɲą́ą́ ɓə ka kulɔ Eziptə lɔi hu, əgɛ, ŋį́ kɛ a ka wɔ Yálá. Ɲą́ą́ ɓə gáá a Yai-Laa.»

Levetekɔ 23:2

«'Mo Israɛlə lonnii diɛ, yɛ́ diɛ: «Yai-Laa nwɔ hɛli kpɛa-kpɛai da həli, mąąnɛ̨ɛ̨ ka ka ɲąąkpɔn, əgɛ, ka mąąwiɛ. Voló kpɛa-kpɛai mąąnɛ̨ɛ̨ gu gu kee kaa la, diɛ ka:

Levetekɔ 23:44

Bələi mąąnɛ̨ɛ̨ di Yai-Laa nwɔ hɛliɠaai pu la, Moisə ə gəlee bələ lɛ Israɛlə lonnii diɛ.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Galatə 4:10

Ɛlɛɛ, káá hvólóɠaa, ɲąnįnɠaa, lɔwaiɠaa da kwɛlanŋaa kaa kpɔ tii a mɛ̨nį walawala-o!

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.