Levetekɔ 22:6 - Yálá laawoo hɛɓɛ (dc)

⁶ Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Yálá laawoo hɛɓɛ

⁶ Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Bible

⁶ Zâla láa soŋ nuui nyii kélee a lɛ̀ɣɛ zãai ŋí da ḿa nyii maa fé waa níi, maa nuui fé pâi kɛ̂i a maa waa é lɛ́ɛ la zu ɣele-wulii é kɛ́, nyaŋ vé pâi zama-sãa maa waai da mîi fɛ̂ɛ é gbîŋ maa waa.

Levetekɔ 22:6 Iomraidhean Croise

Levetekɔ 11:27

Yili a həɠə laa, huwɔi lɔpee gɔwɔ kaa mu nąąn, yɛ hiɛ yɛ nu hiɛ pələ, tɔ́n gaa mą. Nui a tunwɔ̨n da powa ɓa, mąą nu a gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Levetekɔ 11:31

Huwɔ yiiɠaai da tala, yiiɠaai tɔ́n gaa diɛ, diɛ ka tii, nui a tunwɔ̨n da powa ɓa, aa gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 11:32

Ɉuwɔ huwui tii ta powa a too hɛn da mɛ̨i, mąą hɛn tii mąą aa liɓi; Ə kɛ a wulu, ə kɛ a həɠə, ə kɛ a huwɔ kɔ́lɔ, ə kɛ a ɓíi, da kóló kɛ hɛnɲaŋą lɔpee ta, mąąnɛ̨ɛ̨ di mąą waa a yá, a kɛ a hɛn mąąliɓiɛ ə lɛɛ la ɉu yələ ə wulu, yili pulu mąą a həɠə.

Levetekɔ 11:39

«Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Levetekɔ 11:40

Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 22:5

Ə kɛ a nui aa tunwɔ̨n ponun da ɓa yii tɔ́n gaa mą, a wala kɛ tii, aa tunwɔ̨n nu ta ɓa, mąą nu mąąliɓiɛ a tɔ́n ɉuwu lɔpee ta laa pɔɔ, di kəlee di mąą mɛ̨nį a kɛ lɔ tii.

Levetekɔ 22:7

Hvóló a too kɛa, mąą nu mąą a həɠə, a pɛli mą ɉaláá kɔ̨nɔ̨n da mįi nąąlɔwai, mąąhɔlɔɓo, gɔ̨nɔ̨n ni.

Egaa 2:13

Aze ə pənə nwɔ̨nɔ̨ ə di mąąnikɛ, yɛ diɛ: «Akɛ kɛa nu ta a ɲee pɛlɛ powa ɓa, mąą nu ə kɔ́hɔɓo, a li a ɲee pɛlɛ kɔ̨nɔ̨n da ɓa, gɔ̨nɔ̨n tii a kɔ́hɔɓo?» Ɉaláá laa həli nuą diɛ mą: «Ee!»

Lonon mo 19:22

Nui tɔ́n gaa mą a tunwɔ̨n hɛn da ɓa, mąą hɛn yaa kpɛli mąą a liɓi. Ɛlɛɛ nui a tunwɔ̨n ɉɛn tii ɓa, tɔ́n a kɛ mą ə lɛɛ ɉu yələ ə wulu.»

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.