Levetekɔ 22:4 - Yálá laawoo hɛɓɛ (dc)

⁴ Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Yálá laawoo hɛɓɛ

⁴ Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Bible

⁴ “Eelɔŋ ǹóŋ nyii kélee gbôdo káa mai, kpaa máŋ yá a kula mai é ŋásama-sãai maa da mii é lɛ́ɛ la zu maa é wáa. Eelɔŋ ǹóŋ da fé lɛɣɛ sɛŋ da ma nyii a lɛɣɛ saa ḿa, kpaa máŋ nuui ma yá a kulâi mai,

Levetekɔ 22:4 Iomraidhean Croise

Levetekɔ 11:39

«Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Levetekɔ 15:17

Həɠə lɔpee gəlee, huwɔ kɔ́lɔ paa lɔpee, lə́ŋąn nąmu a tunwɔ̨n mą, da nwaa a yá; tɔ́n a kɛ ɉɛnŋąą diɛ ə lɛɛ ɉu yələ ə wulu.

Levetekɔ 2:10

Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Levetekɔ 2:3

Ɉaláá hɛn gbəlii a lɛɛ, gaa a Aarɔn da nonnii di wɔɔ, gaa a kɔ̨nɔ̨n mąąhəɠɛɛ, mąąhɔlɔɓo, Yai-Laa nwɔ haláá hɛn di gələn, da ka tii.

Levetekɔ 21:1

Yai-Laa yɛ Moisə ɓa: «'Mo Aarɔn lonnii a ɉaláá laa həli nuą diɛ, yɛ́ diɛ: Mąą hvo nɛ̨ɛ̨li haláá laa həli mun da hvo tɔ́n bɛlɛ gbɔwɔ ɓa a gaayɔwɔɠaa ta powa mąą mɛ̨nį.

Egaa 2:13

Aze ə pənə nwɔ̨nɔ̨ ə di mąąnikɛ, yɛ diɛ: «Akɛ kɛa nu ta a ɲee pɛlɛ powa ɓa, mąą nu ə kɔ́hɔɓo, a li a ɲee pɛlɛ kɔ̨nɔ̨n da ɓa, gɔ̨nɔ̨n tii a kɔ́hɔɓo?» Ɉaláá laa həli nuą diɛ mą: «Ee!»

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Lonon mo 18:9

Ɉaláá hɛn mąąhəɠɛɛ hu yii hva kələn, yɛ lɛɛ a ə́ wɔɔ ya ka: Mɛ̨inɛ̨ɛ̨ haláá kəlee. Yii gaa a lɛɠɛ hunwɔ̨, nɛ̨ŋɛ̨n mąąhvaalɛɛ haláá kəlee, nu pɔɔŋą pɛli haláái lɔpee da gulɔ mą́ą́, ɉaláá mąąhəɠɛɛɠaai tii kaa a ka wɔɔ, yɛ́ ka ə́ lonnii.

Lonon mo 19:20

«Kɛlɛɛ nui a tɔ́n bɛlɛ gbɔwɔ ɓa hva mąąhəɠə kóló kɛ, nu taaləi tii, mąąnɛ̨ɛ̨ di nɛɛ dɔ̨nɔ̨ kon ɉu. Hvo pa nee Yai-Laa nwɔ kɛɛnąą mąąhəɠɛɛi mąą liɓi. Mąąhɔlɔɓo di hvo ɲá mąąhəɠɛɛ taɠa li mą, tɔ́n gaa mą.