Levetekɔ 22:32 - Yálá laawoo hɛɓɛ (dc)

³² Mąą hvo nɛ̨ɛ̨li, ka hvo náá mąąhəɠɛɛ ŋɛ̨i kala, ya ɓə a gɛ Israɛlə lonnii di mą́ą́həɠə mɛ̨nį kili kɔ́lɔn. Ɲą́ą́ ɓə gáá a Yai-Laa, yai a ka mąąhəɠə.

Yálá laawoo hɛɓɛ

³² Mąą hvo nɛ̨ɛ̨li, ka hvo náá mąąhəɠɛɛ ŋɛ̨i kala, ya ɓə a gɛ Israɛlə lonnii di mą́ą́həɠə mɛ̨nį kili kɔ́lɔn. Ɲą́ą́ ɓə gáá a Yai-Laa, yai a ka mąąhəɠə.

Bible

³² Káfe ńaa maa tĩ̂a kàra. Ka gɔ́lɔŋ a gɛɛ ŋ́gaa a maa wâa Ɣâla. Ńyãa ƃa Yâwɛɛ. Ńyãa ƃa kámaa wàa.

Levetekɔ 22:32 Iomraidhean Croise

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Azaya 8:13

Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Levetekɔ 20:8

«Ka ka yee kanąn nwɔ tɔ́nŋaai diɛ, ka bɔ túwɔ́ ɓo. Ɲą́ą́ ɓə gáá a Yai-Laa, yai a ka mąąhəɠə.

Levetekɔ 21:15

mąą hvo nɛ̨ɛ̨li hvo huwu takpɛli lɔ ɉuwu hu, mąąhɔlɔɓo, ɲą́ą́ ɓə gáá a Yai-Laa, ɲą́ą́i ɉəɠə ɉu.»

Levetekɔ 21:8

Hvo kɛli nuą di gaa a nu mąąhəɠɛɛ, mąąhɔlɔɓo, ya ɓə gaa a Yálá kɔ̨nɔ̨n naa həli mun. Gaa a nu mąąhəɠɛɛ, mąąhɔlɔɓo, ɲą́ą́ Yai-Laa, ɲą́ą́i ŋą́ ka mąąhəɠə, mą́ą́ həɠɛɛi.

Levetekɔ 22:16

Da ɉaláá hɛn mąą həɠɛɛɠaa tii ta mįi, ɓɛlɔwai ɉɛn tii mįi mɛ̨nį mąą laa hvo tɛɛ li la di pɔ, da nɛ̨ŋɛ̨n ɉee Israɛlə nuą nwuɔ̨, yii mąąnɛ̨ɛ̨ di di pɔɔŋą pɛli ɉu. Mąąhɔlɔɓo, ɲą́ą́ ɓə gáá a Yai-Laa, yai a di mąąhəɠə.»

Levetekɔ 22:2

«'Mo Aarɔn da nonnii diɛ, yɛ́ diɛ: «Gɔɓo hɛn mąąhəɠɛɛɠaai Israɛlə lonnii da paa la bɔ́, di hvo tunwɔ̨n mą, əgɛ, di hvo pa náá pu. Ɲą́ą́ ɓə a Yai-Laa.

Levetekɔ 22:31

«Mąąnɛ̨ɛ̨ ka nwɔ́ tɔ́n nwooɠaa tii laa hɔmo, ka bɔ mɛ̨nį kɛ. Ɲą́ą́ ɓə gáá a Yai-Laa.

Levetekɔ 22:33

Ɲą́ą́ ɓə ka kulɔ Eziptə lɔi hu, əgɛ, ŋį́ kɛ a ka wɔ Yálá. Ɲą́ą́ ɓə gáá a Yai-Laa.»

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Lukə 11:2

Jesus yɛ diɛ: «Kaa kɛi Yálá hvɛli ka kɛ mą: «‹Ku Nąn yɛ́i ə́ kaa yələi, ku kaa bɔ nuą di ə́ kɔ́lɔn a Yálá hvulú, ə́ wɔ tɔɔlaa ə pa.

Ɉaan 17:17

Di mąąhəɠə a tɛ̨ą, mąąhɔlɔɓo, Ə́ laawoo kaa a tɛ̨ą.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;