Levetekɔ 21:23 - Yálá laawoo hɛɓɛ (dc)

²³ Kɛlaa, mąą hvo nɛ̨ɛ̨li di hvo həli ɉəɠə ɓɛla ɓa, di hvo həli ɉaláá kulɔ kəhi ɓa; mąąhɔlɔɓo, gbɛɠii gaa mą, hvo gɛɛnąą mąąhəɠɛɛ mąąliɓi, da mu hɛnŋąą, mąąhɔlɔɓo, ɲą́ą́ Yai-Laa, ɲą́ą́ ɓə nwɔ́ nuąi tɔɔ nwɔ́ kólói ɓa.»

Yálá laawoo hɛɓɛ

²³ Kɛlaa, mąą hvo nɛ̨ɛ̨li di hvo həli ɉəɠə ɓɛla ɓa, di hvo həli ɉaláá kulɔ kəhi ɓa; mąąhɔlɔɓo, gbɛɠii gaa mą, hvo gɛɛnąą mąąhəɠɛɛ mąąliɓi, da mu hɛnŋąą, mąąhɔlɔɓo, ɲą́ą́ Yai-Laa, ɲą́ą́ ɓə nwɔ́ nuąi tɔɔ nwɔ́ kólói ɓa.»

Bible

²³ Kɛ́lɛ vé pà zeɣe-ƃelai nyii sɛlɛnii kɔlɛ gwaa ma waai ŋɛ́i tuɛ kpaa máŋ ŋ̀âla-teƃelei kɔlɛ. À gɛ̀ tí gɛ̀ ní a ƃâa kula ŋá kwa ma waai ḿâ. Ńyãa ƃa Yâwɛɛ nyii dímaa waai.”

Levetekɔ 21:23 Iomraidhean Croise

Nehemi 13:29

Ŋą́ Yálá hvɛli gɛ́ mą: «Nwɔ́ Yálá, ə́ kili lɛɛ di hu, mąąhɔlɔɓo, daa ə́ wɔ haláái kɔ́hɔɓo, da mįnɛ̨i ka ɉəɠə ka Levi huwuhu nuą, ə́ wɔ haláái mąą mɛ̨nį ɓa.»

Levetekɔ 15:31

«'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Levetekɔ 19:2

«'Mo Israɛlə lonnii diɛ, yɛ diɛ: Ɲą́ą́ Yálá mą́ą́ həɠɛɛi, kaa kpɛli mąn, ka mąą ə həɠə tii.

Levetekɔ 20:7

'Ka ka túwɔ́ pələ mąąhəɠə, ka mąą ə həɠə, mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Levetekɔ 21:12

Hvo mąą kwɛa gɛɛnąą mąąhəɠɛɛ ɓa, hvo pa nəi nwɔ Yálái nwɔ kɛɛnąą mąąhəɠɛɛi laapu; Mąąhɔlɔɓo, Yálá nwɔ wulɔ mąąhəɠɛɛ ɓə di ɉiɛ mą; Ɲą́ą́ gáá a Yai-Laa.

Levetekɔ 21:24

Moisə ə mɛ̨nįɠaai tii kəlee laa həli Aarɔn da nonnii diɛ, ə mą kɛ Israɛlə lonnii kəlee.

Levetekɔ 21:6

Di kaa a di wɔ Yálá nwɔɔ, mąą hvo nɛ̨ɛ̨li di hvo di wɔ Yálái laa ɓɛlɛkpɛɛ mą. Diɛ ɓə da Yai-Laa nwɔ haláá kəlee laa həli, yii gaa a di wɔ Yálái kɔ̨nɔ̨n, mąąnɛ̨ɛ̨ di mąą ə lɛɛ a ɉəɠɛɛ.

Levetekɔ 22:16

Da ɉaláá hɛn mąą həɠɛɛɠaa tii ta mįi, ɓɛlɔwai ɉɛn tii mįi mɛ̨nį mąą laa hvo tɛɛ li la di pɔ, da nɛ̨ŋɛ̨n ɉee Israɛlə nuą nwuɔ̨, yii mąąnɛ̨ɛ̨ di di pɔɔŋą pɛli ɉu. Mąąhɔlɔɓo, ɲą́ą́ ɓə gáá a Yai-Laa, yai a di mąąhəɠə.»

Maafîu 23:17

Éé! Ka hva mɛ̨nį ɲąą kaa, ka ɲɛ̨i puɔ. Akɛti, ɉɛn veelɛi tii nɛlɛ ɓə gɛnɛ̨, Yálá hee pɛlɛ́, ɓaa mu hɛni? Yaan, Yálá hee pɛlɛ́ ɓə a gɛ mu hɛni mąą yɛ wiɛ.