Levetekɔ 2:13 - Yálá laawoo hɛɓɛ (dc)

¹³ «Yálá kɔ́ hɛn nɔpee ə́ kaa pai la, mąąnɛɛ ə́ kpolo kɛ mą. 'Hvó kpɔ Lɛ̨ą kpolo ɓa, mąąhɔlɔɓo, kpolo kaa a ka Yálá ni ka lɔwai mįnɛ̨ gɔɔn mąą. Ə́ wɔ Yálá kɔ́ hɛn gəlee kpolo pɛlɛ mą, yɛ́ naa həli.

Yálá laawoo hɛɓɛ

¹³ «Yálá kɔ́ hɛn nɔpee ə́ kaa pai la, mąąnɛɛ ə́ kpolo kɛ mą. 'Hvó kpɔ Lɛ̨ą kpolo ɓa, mąąhɔlɔɓo, kpolo gaa a ka Yálá ni ka lɔwai mįnɛ̨ gɔɔn mąą. Ə́ wɔ Yálá kɔ́ hɛn gəlee kpolo pɛlɛ mą, yɛ́ naa həli.

Bible

¹³ Kpolo lîyeŋ pú m̀ii-sɛŋ sama-sãai kélee dîa. Ífe nɛ̀ɛ naa kpolo lîyeŋ nyii gáa a gbanaŋ-wooi ŋɔŋɛi kɛ́-maa ka Yâwɛɛ káloai, é kpɛ́ɛ ímii-sɛŋ sama-sãai dîa. Ímii-sɛŋ sama-sãai kélee kpɛtɛ a kpolo lîyeŋ.

Levetekɔ 2:13 Iomraidhean Croise

Kɔlɔnikɔ Veerɛi 13:5

Ka kili hvo mɔ̨ɔ̨ ɉu kaa kɛ, Yai-Laa Israɛlə nwɔ Yálá ə dɔɔlaa tɛɛ Davidə pɔ Israɛlə lonnii kəlee mɛ̨i a yələ kəlee mɛ̨nį, yaa da gwəi lonnii; yili kaa a mįnɛ̨ yii kala hvo mą?

Ɛsdrasə 7:22

Da pɛli di wali kilə waa haaɓa tɛɛ, mɔ̨nun kilə waa pow haaɓa, lɔɔ litɛlɛ waa nąąn da wulɔ litɛlɛ waa nąąn, ɛlɛɛ da kpolo yii lɔpee yá kɛ bɔ.

Lɛɛ gbɔwɔ ɓa 30:35

Wulɔ kun nɛ̨ɛ̨ pɛli la, yɛ pələi mąątí wulɔ pɛli mun a gɛ la, kpolo yɛ ɓo mą, a nɛlɛɛ mąąhəɠɛɛ.

Izikiɛ 43:24

Ə́ pa a diɛ, ə́ di laa həli Yai-Laa ɓa, ɉaláá laa həli nuą di kpolo kpɛ̨ŋɛ̨n diɛ, di di kulɔ a haláá Yai-Laa ɓa.

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Maafîu 5:13

«Ka káá a yɛnɛ̨ɛ̨ kpolo-léén. Kɛlaa, akɛ kpolo-léén a kpɛɛ mą, lə ɓə da pɛli di néén gɛi la mą? Hva kɛa kɛ a hɛn da kɛ hɛn, mąąnɛ̨ɛ̨ lɔ di bili yɛnɛ̨ɛ̨, nuą diɛ tɛɛ ɉu.

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.