Levetekɔ 2:10 - Yálá laawoo hɛɓɛ (dc)

¹⁰ Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Yálá laawoo hɛɓɛ

¹⁰ Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Bible

¹⁰ Mii-sɛŋ sama-sɛŋ nyii a lɛ̂ɛi, gáa a Eelɔŋ pɔ́ɔ da ǹônii sinaai. Gáa a sama-sɛŋ maa wáa Yâwɛɛ mɛni ma kpɛ́ni fêi, gáa a zama-sɛŋ dí dɛ̀ɛ bɔ́i da.

Levetekɔ 2:10 Iomraidhean Croise

Kɔlɔnikɔ Veerɛi 31:14

Lévi huwu humun Yimna lon Kore, yai kɛ a voló ɓɛlai pələ bɛlɛ́ laaləi mɛ̨i kaamun, ya ɓə kɛ a Yálá kɔ́ hɛnŋąą mɛ̨i kaamun. Ya ɓə kɛi Yai-Laa nwɛi kulɔ ɉu, yɛ ɉɛn mąąhəɠɛɛ kpɔ kɛnɛ̨ nwɛi kulɔ ɉu.

Ɛsdrasə 2:63

Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Izikiɛ 44:29

Ɉɛnŋaai da gɔ́ la: nɛ̨ŋɛ̨n mąąhvaalɛɛ haláá huwɔ, da nu pɔɔ ŋą pɛli haláá huwɔ, diɛ ɓə pai kɛi mįi. Hɛn lɔpee mąąnɛ̨ɛ̨ ə kɛ a nwɔ́ɔ́ Israɛlə lɔi hu, di wɔɔ li.

Izikiɛ 46:20

yɛ mą́ą́: «Gɛɛnąąi ŋɛ̨i ɓə ɉaláá laa həli nuą kaa pai kɛi Yálá kɔ́ haláá, da nɛ̨ŋɛ̨n gulɔ haláá huwɔɠaa yilii laa. Yii nwɔ̨nɔ̨ da Yálá kɔ́ la, diɛ ɲili laa; di hva kulɔ a da ɲɛnɛ̨ɛ̨ pələ ɲiman mu. Yili a nee nɔi lonnii mąąhəɠə.»

Levetekɔ 10:12

Moisə yɛ Aarɔn da nonnii yiiɠaai tii lɛɛ ɲəi, Eleazarə da Itamarə diɛ: «Ka Yai-Laa nwɔ haláá kɔ̨nɔ̨n kulɔ kɛa ɉaláá hɛn ɉui, gbəlii tii a lɛɛ, ka ɉəɠə, ka mįi a lɛɠɛi dɛ hɛn va kɛ ɉu, ɉaláá kulɔi kwɛlɛ; mąąhɔlɔɓo, mąąhəɠɛɛi kpɔ kpąą;

Levetekɔ 14:13

A mɛlaa lon nwun dee ɓɛi da kɛ nɛ̨ŋɛ̨n ɉaláá da ɉaláái da gələn nwɔ taatɛlɛɛ nwun deei laa, gɛɛnąą mąąhəɠɛɛ ɓa. Mąąhɔlɔɓo, nu pɔɔŋą pɛli haláá kulɔ pələ kaa lɔ yɛ nɛ̨ŋɛ̨n mąą hvaalɛɛ haláá. Yili kaa a hɛn mąąhəɠɛɛ, yii a lɛɛ ɉaláá laa həli mun ɲəi.

Levetekɔ 2:3

Ɉaláá hɛn gbəlii a lɛɛ, gaa a Aarɔn da nonnii di wɔɔ, gaa a kɔ̨nɔ̨n mąąhəɠɛɛ, mąąhɔlɔɓo, Yai-Laa nwɔ haláá hɛn di gələn, da ka tii.

Levetekɔ 5:13

Ɉaláá laa həli mun a nɛ̨ŋɛ̨n mąąhvaalɛɛ kóló kɛ, nɛ̨ŋɛ̨n nu a ɉəɠə mɛ̨nįɠaai tii ta hu, mąą nu mąąhvaa a lɛɛ. Ɉaláá laa həli mun a mɛ̨nįɠaai tii kɛ yɛ bələi da ɉihɛn ɉaláá kulɔ la Yálá ɓa.»

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Levetekɔ 6:23

Kɛlaa, nɛ̨ŋɛ̨n mąąhvaalɛɛ haláá taatɛlɛɛ lɔpee nwɛi, da li a ɲąmą gee kaa kələ mu, diɛ nɛ̨ŋɛ̨n mąąhvaalɛɛ kóló kɛ gɛɛnąą mąąhəɠɛɛ tii ɓa, mąą hvo nɛ̨ɛ̨li diɛ mį́i, mąąnɛ̨ɛ̨ di gəlee kələn.

Levetekɔ 6:9

Gbəlii tii a lɛɛ, Aarɔn da nonnii da mį́i gee kaa kələ gwəli hąąi, di hva lɛɠɛ tɛ hɛn bu ɉu.

Levetekɔ 7:7

Nu pɔɔŋą pɛli haláá kulɔ pələ kaa lɔ yɛ nɛ̨ŋɛ̨n mąąhvaalɛɛ haláá kulɔ pələ. Daatɛlɛɛi da gulɔ a ɉaláá, ɉaláá laa həli mun tii nɛ̨ŋɛ̨n mąąhvaalɛɛ haláá laa həli, nwɔɔ ɓaa ɉuwɔ.

Lonon mo 18:9

Ɉaláá hɛn mąąhəɠɛɛ hu yii hva kələn, yɛ lɛɛ a ə́ wɔɔ ya ka: Mɛ̨inɛ̨ɛ̨ haláá kəlee. Yii gaa a lɛɠɛ hunwɔ̨, nɛ̨ŋɛ̨n mąąhvaalɛɛ haláá kəlee, nu pɔɔŋą pɛli haláái lɔpee da gulɔ mą́ą́, ɉaláá mąąhəɠɛɛɠaai tii kaa a ka wɔɔ, yɛ́ ka ə́ lonnii.

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.