Levetekɔ 19:5 - Yálá laawoo hɛɓɛ (dc)

⁵ «Ka kɛi liilaa haláá kulɔ Yai-Laa ɓa, ka gɛ a hɛn nwɛli a too mą.

Yálá laawoo hɛɓɛ

⁵ «Ka kɛi liilaa haláá kulɔ Yai-Laa ɓa, ka gɛ a hɛn nwɛli a too mą.

Bible

⁵ “Ka kɛ̀ pâi lii-see sala kulâi, ka ŋátɔ̂ŋ-ŋai mɛi káa a gɛɛ ŋá ńyee see kásâla-sɛŋ mu.

Levetekɔ 19:5 Iomraidhean Croise

Kɔlɔnikɔ Veerɛi 31:2

Ezekiasə ə ɉaláá laa həli nuą da lévi lonnii heekpəlin na kɛ, ə di hee a di kpulu, ə di kɛ kolóɠaa lɛ diɛ. Ɉaláá laa həli nuą da lévi lonnii di yee ə lɛɛ ɉaláá hɛn da gəlee kələn mąą mɛ̨nį ɓa, niilaa haláá, goló mɛ̨nį, Yálá hɛɠɛɛɓo mɛ̨nį da mąątɛ̨nɛ̨ mɛ̨nį ɓa Yai-Laa ŋą kwəlii laaləi.

Lɛɛ gbɔwɔ ɓa 24:5

Yili pulu, ə Israɛlə hilɛlɛa tɔɔ yiliɠaai di Yálá mąąwiɛ haláá kulɔ, di nįŋɛ̨ gbɔnŋaa paa Yai-Laa ɓa a liilaa haláá.

Izikiɛ 46:12

Ɲələi tɔɔmun a lɛɛ la gbɔwɔ ɓa, yɛ kɛ ə haláá kulɔ a Yai-Laa ɓa, yɛ ə kɛ a, haláái da gəlee kələn, a wala kɛ tii, a liilaa haláá, gbon tii ɲɛ̨i heɛ voló kulɔi pələ, da naaɓo dɔwɔ; ə nwɔ haláái da gəlee kələn, da nwɔ liilaa haláái kulɔ, yɛ bələi a gɛ la a vįitɔɔ yələɠaa. Yili pulu, ə kulɔ, a kulɔ kpɔlɔ, di bɛlɛ́ laa kpulu.

Izikiɛ 46:2

Dɔɔmun a həɠə ɲɛnɛ̨ɛ̨ pələ, a tɛɛ a gbon tii nwɔ ɲiman mu pələ, ə lɔ, ə tɔɔ gbon nwulu ɓa, yili pulu, ɉaláá laa həli nuą di dɔɔmun nwɔ haláá hɛn da gəlee kələn kulɔ, da nwɔ liilaa halááɠaai. Dɔɔmun a pɛlɛ niiɓa bɛlɛ́ laaləi, yili pulu, ə kulɔ; kɛlaa, di hva bɛlɛ́ laa kpulu, ə lɛɛ ɉu yələ ə wulu.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 19:4

«'Ka hvo hvilɛn haliɠaa pulu, kaa di mąą nįnįn bɛli. Ɲą́ą́ gáá a Yai-Laa ka wɔ Yálá.

Levetekɔ 19:6

Da ɉaláá huwɔ mįi lɔ a ɉaláá kulɔ yələ, da mąą yələ laa ɓoɔ. Gbəli a lɛɛ a voló ɉaaɓa yələ, mąąnɛ̨ɛ̨ di gələn.

Levetekɔ 22:19

ka kɛ bɔ di di yee hee mu, mąąnɛ̨ɛ̨ ɉaláá hɛn ə kɛ a taatɛlɛɛ hilɛ, kpɛɠii hvo kɛ mą, yɛ ə kɛ a nįŋɛ̨, ɓɛlaa, a wala kɛ tii ɓooli.

Levetekɔ 22:21

Nu ta a nwoo kwɛlɛ, a wala kɛ tii, a lɛɛ gbɔwɔ ɓa, gwəi a nɛ̨ɛ̨, yɛ kɛ gaa liilaa haláá laa həli Yai-Laa ɓa, yɛ ə kɛ a nįŋɛ̨, yɛ ə kɛ a ɓɛlaa, a wala kɛ tii, ɓooli, a kɛ bɔ di di yee hee mu, mąąnɛ̨ɛ̨ kpɛɠii lɔpee ta hvo kɛ daatɛlɛɛ tii ɓa.

Levetekɔ 22:23

Taatɛlɛɛ lɔpee, ə kɛ a nįŋɛ̨, ə kɛ a ɓɛlaa, a wala kɛ tii ɓooli, kpɛɠii a kɛ mą, nąą ta a kɛ a ɲaliɛ, da pɛli di gulɔ a haláá kpɛli kpɛli, kɛlaa a kɛ a naa gwəi haláá, di hva di yee hee mu.

Levetekɔ 22:29

«Ka kɛi Yai-Laa mąąwiɛ haláá kulɔ, ka gulɔ a gulɔ pələ, əgɛ, yɛ pɛli ɲee heei mu.

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Levetekɔ 7:18

Mąąhɔlɔɓo, da liilaa haláá ɉuwɔ ta mį́i a voló ɉaaɓa nąą, nui ɉaláá laa həli, ɉaláá hva pɛli Yálá lii hon ɉii. Ɉaláá a lɛɛ a kpɛli, huwɔ kalaa li. Nui lɔpee a da mįi, aa nɛ̨ŋɛ̨n ɉəɠə.