Levetekɔ 19:32 - Yálá laawoo hɛɓɛ (dc)

³² «Heei tɛɛ nwun bowa nąmu pɔ, pɔlɔlaa mąąwiɛ; bələ ɓə ya ɲɔw la ə́ wɔ Yálái ɓa. Ɲą́ą́ ɓə gáá a Yai-Laa.

Yálá laawoo hɛɓɛ

³² «Heei tɛɛ nwun bowa nąmu pɔ, pɔlɔlaa mąąwiɛ; bələ ɓə ya ɲɔw la ə́ wɔ Yálái ɓa. Ɲą́ą́ ɓə gáá a Yai-Laa.

Bible

³² “Ka ƃaa kɛ-maa tɛ́ɛ kánuu pɔlɔ-ŋai pɔ́, ka yao mâ, Ńyãa ƃa Yâwɛɛ.

Levetekɔ 19:32 Iomraidhean Croise

Zɛnɛse 31:35

Rasɛlə yɛ nąn ma: «Ną́n, ya gaa və́ muhəɠə li və́ tɔɔ, ŋą́ lɛɛ heeni, mąąhɔlɔɓo, nɛ̨ą ɲɔ̨n gaa mą́ą́.» Laban ə ɲɛ̨i laa, hvo nwɔ haliɠaai kaa.

Zɛnɛse 48:12

Ɉosɛfə ə nonnii həɠə nąn gɔwɔ mɛ̨i, ə kwɛli hvilɛn nąn ma.

Tɔɔɓɛlaa dɔlɔɔ 2:19

Bɛtsabe ə li ə həli Salomɔn ɓa, ə gɛ, ə Adoniasə nwɔ mɛ̨nįi tii hukulɔ mą. Tɔɔmun Salomɔn ə muhəɠə ə li ə kwɛli hvilɛn nee ɓa, yili pulu, ə li ə hee, ə heei tɛɛ tɔɔmun nee pɔ, ɲee lɛlɛɛ hu.

Tɔɔɓɛlaa veelɛ 17:36

Yai-Laa tii ka kulɔ Eziptə lɔi hu a nwɔ huwalawala yee kɔ̨nwɔ̨n, ya ɓə mąąnɛ̨ɛ̨ ka kwɛli hvilɛn mą, ka ɲɔw mą, ɛlɛɛ, ka haláá kulɔ mą.

Zôo 32:4

Elihu hvo kɛi pələ ɓo Ɉobə ɓa, mąąhɔlɔɓo, mɛlaa kəlee pɔlɔ pɔlɔɔ kɛ mą.

Zôo 32:6

Buzə mun Barakeɛlə lon Elihu ə mo kɛa, yɛ diɛ: Nwɛ́i, gaa a hilɛnon, ka wɛi ka pɔlɔ pɔlɔɔ. Yili ba, ɲɔw ə kɛ ɉu, mą́ą́ yɛ kpɛli, nwɔ́ mɛ̨nį kɔ́lɔn gili lɛ mɛ̨nį ɓa kaa.

Hanwon 16:31

Nwun bowa kaa a mąąwiɛ ɓɔlɔ, nu a ɉɔlɔɓo tələnmo pələ mɛ̨i.

Hanwon 20:29

Hilɛlɛa mąą hon ɉɛn mąą kpakololaa, hulɔgoloɠaa di wɛi ɓaa, di nwun ɓɔwa.

Hanwon 23:22

Ə́ wəli tɔɔ ə́ kaa nąn ma, ə́ lee a pɔlɔ, 'hvó mɛlɛkpɛɛ mą.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Woolaa 5:12

Daa galanɉonŋaa hɛlɛn di hvo kpɛli ɓɛlɛ kɛ li ɉulɔgoloɠaa diɛ.

Levetekɔ 19:14

'Hvó wəli wolomun nalan, 'hvo nu kalin ɉɛn naa ɲɛ̨ipumun dɔwɔ, bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa; Ɲą́ą́ ɓə gáá a Yai-Laa ka wɔ Yálá.

Lomaŋ 13:7

'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Timote dɔlɔɔ 5:1

'Hvó haŋąn nu pɔlɔ-pɔlɔ ɓa a nwumɛ̨ pələ, kɛlaa, pələ ɓo mą, yɛ ə́ nąn. Nu nwunuɠaa hon bələ kɛ yɛ ə́ nąn nonnii.

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.