Levetekɔ 19:18 - Yálá laawoo hɛɓɛ (dc)

¹⁸ 'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Yálá laawoo hɛɓɛ

¹⁸ 'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Bible

¹⁸ Káfe mɛni kpâ kùla, kpaa máŋ mɛni nyɔ́mɔɔ é kɛ́ kálii su káƃarâŋ nuu mɛni ma, kɛ́lɛ ka kákɔlɛ ma ǹúui wɛ́li yɛ̂ɛ káa kpîŋ. Ńyãa ƃa Yâwɛɛ.

Levetekɔ 19:18 Iomraidhean Croise

Zɛnɛse 4:23

Lamɛkə yɛ nɛ̨ąni diɛ: Ada da Sila, ka ka wəli tɔɔ! Lamɛkə nɛ̨ąni ka ka wəli tɔɔ! Di mą́ą́nwąną, ŋį́ nu tɔ̨nɔ̨ paa! Ɉáɠai tii di mo, ŋį́ lokolo tɔ̨nɔ̨ paa.

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Mąątɛ̨nɛ̨ 103:9

Hvo lɔ laa kiti tee mɛ̨ni ɓa a yələ kəlee, hva nu hɔn ɉee gwəi a ɉu kwɛaa.

Lɛɛ gbɔwɔ ɓa 20:16

«'Hvó kɛla hvaa ɲɔ̨nwɔ̨ɔ̨ ɓo a ə́ ɓɛlan gaalon naa.

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Maafîu 19:16

Hulɔnu ta ə pa Jesus pɔ ə mąąni kɛ yɛ mą: «Mąąkwɛli kɛmun, lə mɛ̨nį ɓə mąąnɛ̨ɛ̨ ŋą gɛ, ə gɛ, ŋį́ yɛnɛ̨ɛ̨ yii kpɛɛ hvo mą ɉɔlɔɓo?»

Maafîu 19:19

Ə́ nąn da ə́ lee di mąąwiɛ. Ə́ heeyɔwɔ wɛli la kɛ yɛ ə́ kpinį.»

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Gɛlaɠaa 16:28

Kɛlaa, Polə ə tomą kpɔ mɛ̨i a nwoo kɛnɛ̨, yɛ mą: «Hvó kɛ ə́ kaa mɛ̨nį ta kɛ a ə́ kpɔwɔ, ku kəlee ku kaa ɓɛ.»

Lomaŋ 12:17

Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n. Ka mɛ̨nį lɛlɛɛ mąą kiliŋąhiɛ kɛ nu kəlee ɓa.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Lomaŋ 13:9

Hvó gaai, dɔ́n nwooɠaa ti ɓaa: 'Hvó wɛli kɛ, 'hvó nu paa, 'hvó nwuɔ̨ kɛ, 'hvó ɲɛ̨ikulɔbɔ kɛ, ə pɛlɛ la yiiɠaa ti diɛ, gəlee laa honŋąą kaa nwoo ŋɛ̨i hu: 'Ə́i ɓɛlan gaalon nwɛli la kɛ yɛ ə́ kpinį.

Galatə 5:14

Gbala ə tɔɔ, dɔ́n nwoo laa kulaa kaa lɔ a woo tɔ̨nɔ̨ gbən; ya ɓaa: Ə́ ə́ ɓɛlan gaalon nwɛlilakɛ yɛ ə́ kpinį.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Ifisiɛŋ 4:31

Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Kolosə 3:8

Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Hebreu 10:30

Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.