Levetekɔ 19:12 - Yálá laawoo hɛɓɛ (dc)

¹² Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Yálá laawoo hɛɓɛ

¹² Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Bible

¹² Káfe káfoo a ńaa a lɛ́ɛ a gɛɛ ká ƃâa kula mâ. Ńyãa ƃa Yâwɛɛ.

Levetekɔ 19:12 Iomraidhean Croise

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Azaya 48:1

'Ka ka wəli tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i mu nuą, kaa Israɛlə laa kaa kaa, kaai kulɔ Ɉuda huwu hu, kaai ka ka kwɛla a Yai-Laa laa, kaa Israɛlə nwɔ Yálái hvɛli kɛlɛ kɛlɛ, Kɛlaa, hva kɛ tələnmolaa hu da tɛ̨ą mɛ̨nį.

Ɉeremi 34:16

Kɛlaa, kaa pənə kaa ka woo kala, kaa náá ɓɛlɛ too la tii. Ka kəlee káá pənə káá ka wɔ luwɔɠaai hon nwɔ̨nɔ̨; ɉinąą mąn nɛ̨ą mąn. Diɛi tii kɛ kaa ka yee ɓo diɛ, káá pənə káá di tɔ̨nɔ̨ mį́i yɛ luwɔɠaa.»

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 24:11

Israɛlə nɛ̨ɛ̨nu lon tii, ə Yálá laa ɓɛlɛ too, ə Yálá lalan. Di ɉon di paa la Moisə pɔ. Nɛ̨ɛ̨nui tii laa ɓaa kɛ a Selomitə, Divri lon ni, ə kulɔ Dan huwuhu.

Levetekɔ 6:3

Ɉaláá laa həli mun a həɠə kwəlɛɛ, da dɛmą kwəlɛɛ kɛ mą. Daatɛlɛɛɠaa kələn ŋąą pulu, nunwui tii a lɛɛ ɉaláá kulɔi, ɉaláá laa həli mun a gələ laa, ə ɉee ɉaláá kulɔi kwɛlɛ.

Zakari 5:3

Ya ɓə a kɛ mą́ą́: «Nɛ̨ŋɛ̨n naa ka tii taɠai nɔi kɔ́lɔ kəlee. «Mɛ̨nįi bɛ̨ɛ̨ bələ tɔ̨nɔ̨, ya ɓaa, di nwuɔ̨mun nɔpee, gəlee kulɔ nɔi hu. Ɛlɛɛ, bələ tɔ̨nɔ̨ yɛ mą: Nui lɔpee a gwɛla a lɛɛ, di gulɔ nɔi hu.»

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Dutɛrɔnome 5:11

«'Ka hvo Yai-Laa ka wɔ Yálái laa ɓo kpɛli-kpɛli mɛ̨nį hu; mąąhɔlɔɓo, nui a Yai-Laa laa ɓo kpɛli-kpɛli mɛ̨nį hu, Yai-Laa hva nɛɛ lɔ tii, yii hvo ɉutɔɔ li.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.