Levetekɔ 18:5 - Yálá laawoo hɛɓɛ (dc)

⁵ «Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Yálá laawoo hɛɓɛ

⁵ «Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Bible

⁵ Maa mɛni ma ka ŋátɔ̂ŋ-ŋai mai kâa ká mɛni-ŋai kɛ́ ŋa môi kâai. Ka pâi káfulu-laai maa kɔ̃ɔi a m̀ɛni-ŋai ŋí kɛ́ɛ. Ńyãa ƃa Yâwɛɛ.”

Levetekɔ 18:5 Iomraidhean Croise

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Lɛɛ gbɔwɔ ɓa 6:2

Yálá yɛ nwɔ̨nɔ̨ Moisə ɓa: «Ɲą́ą́ ɓə gáá a: Yai-Laa.

Lɛɛ gbɔwɔ ɓa 6:29

Ə kɛ mą: «Ɲą́ą́ ɓə gáá a Yai-Laa; mɛ̨nįɠaai ŋɛ̨i gáá moi yɛ́, 'li ə́ mo Eziptə tɔɔmun ma.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Izikiɛ 18:9

yɛ nwɔ́ tiɓoɠaai pɔ hiɛ ɓo, yɛ nwɔ́ tɔ́n nwooɠaai hon, yɛ lɛɛ la tii tɛ̨ą pulu; tələnmomun ni, mąą nu kaa pai lɛɛi yɛnɛ̨ɛ̨; ɲą́ą́ Mɛ̨nį kəlee ŋą Hééɓomun Yálá, nwóó li.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Izikiɛ 20:13

Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Levetekɔ 18:6

«Hulɔnu ta hvo kɛ gaa laai a gaayɔwɔ nɛ̨ɛ̨nu. Ɲą́ą́ ɓə gáá a Yai-Laa.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.

Maafîu 19:17

Jesus ə mo mą yɛ mą: «Lə mɛ̨nį ɓa ə́ kaa mą́ą́ləngɛi mɛ̨nį lɛlɛɛ kɛ mɛ̨nį ɓa? Hɛn dɔ̨nɔ̨ lɔ ɓə nəlɛɛ. Akɛ ə́ kaa bɔ ə́ yɛnɛ̨ɛ̨i kpɛɛ hvo mą hɔlɔɓo Yálá-taa, mąąnɛ̨ɛ̨ lɔ ə́ dɔ́nŋąa hon.»

Lukə 10:28

Jesus ə mo mą nąąlɔwai yɛ mą: «Yaa tɛ̨ą ɓo, akɛ, ya li ya gɛ, yɛ pələi tii ə́ mo lai, ya yɛnɛ̨ɛ̨ hva kpɛɛi hɔlɔɓo Yálá-taa.»

Lomaŋ 10:5

Dələnmolaai a kulɔ tɔn ɉu, Moisə kpinįi ə bɛ̨ɛ̨, yɛ mą: Nui a pɔ mɛ̨nį kɛ, nwun mąą a ɓo.

Lomaŋ 7:10

Ɲą́ą́n ŋą́ą́ haa: Liɛwoo ŋɛ̨i kɛ mąąnɛ̨ɛ̨ ə yɛnɛ̨ɛ̨ tɛɛ bɔ́, aa kɛ a báá hɛn.

Galatə 3:12

Tɔ́n hva hɔlɔɓo laa na laa hu, Hvo gaai, dɔn nwɛi, nui a bɔ liɛwooɠaa hon, a yɛnɛ̨ɛ̨ kɛ, dɔ́n ɉáálai.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.