Levetekɔ 18:24 - Yálá laawoo hɛɓɛ (dc)

²⁴ «Ka hvo ka mąąliɓi a dúwɔ́ taaləi tii ta lɔpee. Nɔiɠaa ŋɛ̨i gáá di kpɛi ka tɔwɔ, dúwɔ́ taaləi tii ɓə di kɛi mo, diɛ di mąąliɓi la.

Yálá laawoo hɛɓɛ

²⁴ «Ka hvo ka mąąliɓi a dúwɔ́ taaləi tii ta lɔpee. Nɔiɠaa ŋɛ̨i gáá di kpɛi ka tɔwɔ, dúwɔ́ taaləi tii ɓə di kɛi mo, diɛ di mąąliɓi la.

Bible

²⁴ “Kámaa fé pâi kɛ̂i a ŋ̀waa à kɛ̀ ka mɛni-ŋai ŋí da kɛ̀. Ǹɔii-ŋai ŋa zu-ƃela kpɛ̂i ká-ŋɛi tuɛi, bere ƃé dí kɛ̀ tûai la nyii gɛ̀ dímaa fé waa nii.

Levetekɔ 18:24 Iomraidhean Croise

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Kɔlɔnikɔ Veerɛi 33:2

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nuą tii Yai-Laa ə di wɔɔ lɔiɠaa kulɔ di yəi, yɛ Israɛlə hee laa, ə hvilɛn di yii pələ ɲɔ̨nwɔ̨ɔ̨ɠaa pulu.

Ɛsdrasə 9:1

Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Mąątɛ̨nɛ̨ 106:39

Diɛ di kpɔwɔ mąąliɓi, a di túwɔ́ pələ, a di pulu tɔɔ Yálá ɓa, di kɛ mɛ̨niɠaa hu.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Izikiɛ 36:17

«Ə́ wəli tɔɔ hulɔnu lon, Israɛlə nuąi tii kɛ hee ni di wɔ lɔi hu, di nąą kala a di túwɔ pələ, da di kɛ mɛ̨nįɠaa; di túwɔ pələ ə kɛ lɔ ɲɛ̨́i mu yɛ nɛ̨ɛ̨nu a ɲąnin gaai.

Levetekɔ 18:3

Ka hvo túwɔ́ yɛ bələi ka kɛi gɛ la Eziptə lɔi hu, ɓɛi ka kɛ laa. Ka hvo túwɔ́ yɛ bələi Kanaan nuą da túwɔ́ la, ɓɛi gáá lii laa a kaa, ka hvo hvilɛn di yíi pələ pulu.

Levetekɔ 18:30

«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»

Lonon mo 35:34

Mąą hvo nɛ̨ɛ̨li nɔi ka káá ɉu ka hvo mąą liɓi, ɓɛi gáá laa heeni, mąąhɔlɔɓo gáá a Yai-Laa. Ɛlɛɛ gáá heeni Israɛlə lonnii lɔwai.»

Korɛntə dɔlɔɔ 3:17

Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Dutɛrɔnome 18:12

Nui lɔpee a mɛ̨nįɠaa tii ta kɛ, gaa a mąąliɓi túwɔ́ ɓomun Yai-Laa ɲɛ̨i ɓa. Dúwɔ́ pələ ɲɔ̨n taaləi tii ɓə gɛ, Yai-Laa yɛ nu huwuɠaa tii di wɔ lɔi kulɔ di yəi, yɛ dɛɛ ka pɔ.

Dutɛrɔnome 9:4

Yai-Laa a pa nuą tii kpɛi ka tɔwɔi, ka tɔɔ kaa kɛ diɛ: «Ku túwɔ́ pələ lɛlɛɛ moɔ ya ɓə gɛ, Yai-Laa yɛ ku lɔ la nɔi ŋɛ̨i hu, kuɔ hee laa.» Nu huwui tii hɔn mə gɛ, yɛ nɔi kulɔ la di yəi, yɛ dɛɛ ka pɔ.

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Nwun mąąɓo 20:10

Israɛlə lonnii lɔwai, nu pow ɓə kwa ɉəɠə nu nwun dɔ̨nɔ̨ hu, nu waa tɔ̨nɔ̨ hu, nu nwun dɔ̨nɔ̨ ɓə kwa ɉəɠə, nu waa pow hu, nu waa tɔ̨nɔ̨ ɓə kwa ɉəɠə. Nuą tii ɓə pai lii, di kɔ̨nɔ̨n gwɛli di paa la, ə gɛ, gɔ́ laɠai pai lii Givea Bɛnɉamɛn lɔi hu nuą di wɔ ɓɛlɛkpɛɛmąą túwɔ́i di mo Israɛlə lɔi hu, gwələ kulɔi di kɔ̨nɔ̨n.»

Nwun mąąɓo 20:5

Givea hinąą di pa, di nwɛ̨́ą pɛlɛ́ mąą tínɛ̨n diɛ kɛ di mɛ̨nį ɲɔ̨n gɛ a ɲą́ą́. Di kɛ bɔ di báá, nɛ̨́ą ɓə di laa la, di lɛɛ la ɉu, di baa.

Nwun mąąɓo 20:6

Nąąlɔwai, ŋą́ nwɔ́ wɛlii powa həɠə, ŋą́ ɉu tee tee a gbuɔ pow kɔ́w hveelɛ, ŋą́ ɲąąkwɛlɛ Israɛlə huwu heei pow kɔ́w hveelɛi ɓa, mąąhɔlɔɓo, daa ɓɛlɛkpɛɛmąą túwɔ́ ɓo a ɲą́ą́ Israɛlə lɔi hu.