Levetekɔ 17:6 - Yálá laawoo hɛɓɛ (dc)

⁶ Ɉaláá laa həli mun a ɲąmą taɠa Yai-Laa nwɔ haláá kəhi ɓa gee kaa kələ laaləi, yɛ nwulɔ kələn, haláá mąą kun nɛ̨ɛ̨ li yɛ Yai-Laa lííla.

Yálá laawoo hɛɓɛ

⁶ Ɉaláá laa həli mun a ɲąmą taɠa Yai-Laa nwɔ haláá kəhi ɓa gee kaa kələ laaləi, yɛ nwulɔ kələn, haláá mąą kun nɛ̨ɛ̨ li yɛ Yai-Laa lííla.

Bible

⁶ Ǹyaŋ zâla láa soŋ nuui a pâi daa-tulɛi ŋãa kpɛmɛnii ŋ̀âla-teƃelei ma nyii gáa Yâwɛɛ ŋɔpɛ́rɛi lái é ŋ̀úlɔ kéreŋ nyii géreŋ kùŋ lɛ̂lɛɛi Yâwɛɛ mɛni mai.

Levetekɔ 17:6 Iomraidhean Croise

Lɛɛ gbɔwɔ ɓa 29:13

Ɉuwɔ wulɔi ti a kɛ gwəi hɛnŋąą diɛ, ɲɛlɛ ɓa, da gwəi kwɛni kɔ́w hveelɛi ɓa, ə́ gəlee həɠə, ə́ gələn ɉaláá kulɔi.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Levetekɔ 17:5

Yili a kɛ tii, Israɛlə lonnii di hva taatɛlɛɛ ta kulɔ a haláá lɔwɔi, kɛlaa, mąąnɛ̨ɛ̨ di paa la ɉaláá laa həli mun bɔ gee kaa kələ laaləi, yɛ gulɔ a liilaa haláá Yai-Laa ɓa.

Levetekɔ 3:11

Yili pulu, ɉaláá laa həli mun ə di kələn ɉaláá kulɔ kəhi mɛ̨i. Ɉaláái da gələn a Yai-Laa nwɔɔ, yaa lii.

Levetekɔ 3:13

di di yee pɛlɛ nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą.

Levetekɔ 3:16

yili pulu, ɉaláá laa həli mun ə ɉuwɔ kpuwɔɠaa tii kələn ɉaláá kulɔ kəhi mɛ̨i. Haláá kɔ̨nɔ̨n ni, yai da gələn, mąą kun nɛ̨ɛ̨, yɛ Yai-Laa liilaa. «Haláá huwɔ, nwulɔ kəlee kaa a Yai-Laa nwɔɔ.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 3:8

da di yee pɛlɛ daatɛlɛɛ tii nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą di doo gee hu.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Lonon mo 18:17

Kɛlaa, nįŋɛ̨ haa, ɓɛlaa haa, ɓolu haa, hva di lon dɔlɔɔɠaai lɛɛ laa di hvo di nwun mąąɓo. Di kulɔ mą́ą́ a haláá, yá di ɲąmą pu ɉaláá kulɔ kəhi mɛ̨i, ə́ di wulɔ kələn a hɛn gun nɛ̨ɛ̨, a Yai-Laa nwɔɔ, yɛ niilaa.