Levetekɔ 17:4 - Yálá laawoo hɛɓɛ (dc)

⁴ a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.

Yálá laawoo hɛɓɛ

⁴ a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.

Bible

⁴ ǹyaŋ vé pá ní la Yâwɛɛ ŋɔpɛ́rɛi lá a gɛɛ é dɛ́ɛ a sama-sɛŋ Yâwɛɛ pɔ́, gɛ̀ ní maa nuui a ŋãa pú ǹɔii ma. Da pâi maa nuui kulâi ŋɔnûai sáma.

Levetekɔ 17:4 Iomraidhean Croise

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Mąątɛ̨nɛ̨ 32:2

Nui Yai-Laa hva ɉɔn gaa mą, mąą nu nwu na nɛ̨ɛ̨i ɓə, ɛlɛɛ yaan, nwɔ kiliŋąhiɛ hva li hvulu mɛ̨nį pɔ.

Lɛɛ gbɔwɔ ɓa 12:15

«Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Lɛɛ gbɔwɔ ɓa 12:19

«Hvóló mɛ̨ihveelɛ yee mu, lɛɠɛ tɛ hɛn da hvo kɛ ka yəi bɛlɛ́n, nui lɔpee a kɔ̨nɔ̨n da mįi lɛɠɛ tɛ hɛn ə ɓo ɉu, da naa kulɔ Israɛlə lonnii laa pɔ; ə kɛ a Israɛlə lonnii ta, ə kɛ a nwɛ̨ą.

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Lɛɛ gbɔwɔ ɓa 30:38

Nui a bɔɔ kɔ́ɔn gɛ, yɛ gun mo, mąąnɛ̨ɛ̨ di gulɔ Israɛlə lonnii lɔwai.»

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 17:14

Mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu, akɛ gaa nii a vulú. Yili mąą mɛ̨nį ɓə ŋą́ kɛ la Israɛlə lonnii diɛ: ‹Ka hva pɛli hɛn da lɔpee ɲąmą lɛɛi ɉu ka hvo mįi; mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu. Nui a da mįi, mąąnɛ̨ɛ̨ di gulɔ mɛlaa lɔwai.›

Levetekɔ 17:3

«Israɛlə lon da a taatɛlɛɛ ta nwun dee, yɛ ə kɛ a nįŋɛ̨, yɛ ə kɛ a ɓɛlaa, yɛ ə kɛ a ɓolu, ə kɛ taa kwəi, hvo kɛ a taa kwəi;

Levetekɔ 17:5

Yili a kɛ tii, Israɛlə lonnii di hva taatɛlɛɛ ta kulɔ a haláá lɔwɔi, kɛlaa, mąąnɛ̨ɛ̨ di paa la ɉaláá laa həli mun bɔ gee kaa kələ laaləi, yɛ gulɔ a liilaa haláá Yai-Laa ɓa.

Levetekɔ 17:9

a wala gɛ hvo paa la gee kaa kələ laaləi, hvo gɛ a Yai-Laa nwɔ haláá; mąąnɛ̨ɛ̨ di mąą nu kulɔ nwɔ nuą lɔwai.

Levetekɔ 18:29

Yili ɓa, nui lɔpee a dúwɔ́ taaləi tii ta ɓo, mąąnɛ̨ɛ̨ di gulɔ nwɔ nuą lɔwai.

Levetekɔ 20:16

«Nɛ̨ɛ̨nui a lɛɠɛ huwɔ ta ɓa yɛ kɛ da yaa di laa, mąąnɛ̨ɛ̨ ka nɛ̨ɛ̨nui tii da ɉuwɔ di paa, hvo kɛi di haa, di ɲąmą wulu ə lɛɛ di nwuɔ̨.

Levetekɔ 20:18

«Hulɔnu a ɲąnin nɛɛ nɛ̨ɛ̨nu ɓa a laa la, mąąnɛ̨ɛ̨ di di nu hveelɛi di lɛɛ di tɔ̨nɔ̨ kon ɉu, mąąhɔlɔɓo, di nu hveelɛi di hvaa mą, di nɛ̨ɛ̨nui tii nwɔ ɲąmą nwun gulɔi mɛ̨i həɠə.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 7:18

Mąąhɔlɔɓo, da liilaa haláá ɉuwɔ ta mį́i a voló ɉaaɓa nąą, nui ɉaláá laa həli, ɉaláá hva pɛli Yálá lii hon ɉii. Ɉaláá a lɛɛ a kpɛli, huwɔ kalaa li. Nui lɔpee a da mįi, aa nɛ̨ŋɛ̨n ɉəɠə.

Ɉaan 10:7

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Lomaŋ 4:6

Bələ ɓə, nui Yálá ə dələnmo hvo kulɔ dúwɔ́ pələ hu, Davidə ə kɛli mąądɛnɛ̨ la yɛ kɛ mą:

Lomaŋ 5:13

Nɛ̨ŋɛ̨n ə gbɛa kɛ yɛnɛ̨ɛ̨, gɛɛ dɔ́n Ɉɛɓɛ́ hvo kɛ pai. Kɛlaa, dɔ́n və ni kɛ laa, nɛ̨ŋɛ̨n mąą mɛ̨nį hvo kɛli ɓo.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Dutɛrɔnome 21:8

Yai-Laa, Israɛlə lonnii mąąhvaalɛɛ, yɛ́ ɓə di nwun mąąɓo, hvo kwəi kwələ mun ɲąmą pu mɛ̨nį wulu lɛɛ ə́ wɔ nu huwui nwuɔ̨.» A kɛ tii, ka mąąhvaa a lɛɛ ɲąmąi tii pu mąą mɛ̨nį ɓa.