Levetekɔ 16:5 - Yálá laawoo hɛɓɛ (dc)

⁵ Israɛlə lonnii di pɛlɛ di kee ɓa, di ɓolu hilɛ hveelɛ tɛɛ bɔ a nɛ̨ŋɛ̨n mąąhvaalɛɛ haláá hɛn, di bɛlɛ ɓɛlaa hilɛ tɔ̨nɔ̨ ɓa, yii da gɛ a haláái da gəlee kələn.

Yálá laawoo hɛɓɛ

⁵ Israɛlə lonnii di pɛlɛ di kee ɓa, di ɓolu hilɛ hveelɛ tɛɛ bɔ a nɛ̨ŋɛ̨n mąąhvaalɛɛ haláá hɛn, di bɛlɛ ɓɛlaa hilɛ tɔ̨nɔ̨ ɓa, yii da gɛ a haláái da gəlee kələn.

Bible

⁵ “Eezuɛ-ŋai da pâi ƃoli sirɛ feerɛ tɛɛ̂i Eelɔŋ pɔ́ sɔnyɔ̂ŋ sala kula mɛni ma da ƃála sirɛ tɔnɔ géreŋ salai kula mɛni ma.

Levetekɔ 16:5 Iomraidhean Croise

Kɔlɔnikɔ Veerɛi 29:21

Di pa a nįŋɛ̨ hilɛ mɛ̨ihveelɛ, ɓɛlaa hilɛ mɛ̨ihveelɛ, ɓɛlaa lon mɛ̨ihveelɛ, ɓooli hilɛ mɛ̨ihveelɛ; di gɛ a nɛ̨ŋɛ̨n mąąhvaalɛɛ haláá dɔɔ pɛlɛ́ mąą mɛ̨nį ɓa, gɛɛnąą mąąhəɠɛɛ da Ɉuda lɔi mąą mɛ̨nį ɓa. Yili pulu, tɔɔmun yɛ ɉaláá laa həli nuąi a Aarɔn lonnii diɛ, di ɉalááɠaa tii kulɔ Yai-Laa kɔ́ haláá kulɔi.

Ɛsdrasə 6:17

Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Levetekɔ 8:2

«Aarɔn həɠə da nonnii, ə́ ɉəɠəɠaa da nwulɔ mąąhəɠɛɛ həɠə, ə́ nɛ̨ŋɛ̨n ɉaláá nįŋɛ̨ hilɛ lon da mɛlaa hilɛ hveelɛi həɠə, ɛlɛɛ, ə́ gbɔlɔi tii nɛɠɛi hvo tɛ li gaa ɉu, ə́ ɉəɠə.

Levetekɔ 9:2

Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Lonon mo 29:11

Yili pulu, ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá, ə pɛlɛ la nɛ̨ŋɛ̨n mąąhvaalɛɛ haláái ka gulɔ a nɛ̨ŋɛ̨n mąąhvaalɛɛ hvóló kɛnɛ̨i nwɛi ɓa. Haláái da gəlee kələn ka gulɔ a yələ kəlee, da ɉɛnŋąąi ka Yálá kɔ́ la a bɔlɔ bɛlɛɛ nɔɔ ɓa.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.