Levetekɔ 16:4 - Yálá laawoo hɛɓɛ (dc)

⁴ A ɉaláá həɠə too gwąną, ə dɛmą pu mą, ə kilən ɉəɠə kwəlɛɛ pə pə too gwąną yii gaa a ɓɛlaa ləɠa, hąą yili kɔ́lɔi a ɓɛlaa ləɠa ə ɲili ɉąą, yili pulu, ə həɠə ɓɛla kwəlɛɛ yili nwun ma a ɓɔlɔ. Ɉaláá kulɔ həɠəɠaa ka tii; a gbɛa gbinį waa, yili pulu ə ɉɛnŋąą tii kɛ mą.

Yálá laawoo hɛɓɛ

⁴ A ɉaláá həɠə too gwąną, ə dɛmą pu mą, ə kilən ɉəɠə kwəlɛɛ pə pə too gwąną yii gaa a ɓɛlaa ləɠa, hąą yili kɔ́lɔi a ɓɛlaa ləɠa ə ɲili ɉąą, yili pulu, ə həɠə ɓɛla kwəlɛɛ yili nwun ma a ɓɔlɔ. Ɉaláá kulɔ həɠəɠaa ka tii; a gbɛa gbinį waa, yili pulu ə ɉɛnŋąą tii kɛ mą.

Bible

⁴ “É lɛ́ɛ pâi pâi Gwaa Maa Waai ma, fɛ̂ɛ é ŋ̀waa é ŋɔsâla láa soŋ tii kɛ́ maa ɣiri sãai too m̀a. Ŋɔseɣe mu seɣei, ŋɔyokpoi, ŋɔbatii da ŋɔƃɔrɔi.

Levetekɔ 16:4 Iomraidhean Croise

Lɛɛ gbɔwɔ ɓa 28:2

Yokolohəɠə pɛli ə́ liɛ Aarɔn ɓa, a haláá kulɔ həɠə yɛ mąąɲinɛ̨n gɛ mą.

Lɛɛ gbɔwɔ ɓa 29:4

«Yá pa a Aarɔn da nonnii gee kaa pɛlɛ laaləi, ə́ di waa,

Lɛɛ gbɔwɔ ɓa 30:20

Da kɛi lɔ gee kaa kələ mu, da di mąą waa a yá; ə gɛ, di hvo pa haa. Awala kɛ ti, da kɛi lɛɠɛ ɉaláá kulɔi, da di waa, di hvo tɛɠa ɉaláá kulɔ, awala kɛ ti haláá hɛn gələn mɛ̨nį ɓa a Yai-Laa nwɔɔ.

Lɛɛ gbɔwɔ ɓa 40:12

«Ə́ Aarɔn da nonnii di tɔɔ gee kaa kələ laaləi, ə́ di mąą waa a ya,

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Izikiɛ 44:19

Da kɛi kulɔ ɲiman mu ɲɛnɛ̨ɛ̨ pələ, nuą pɔ pələ, ɉəɠəɠaai tii kɛ di kwąną diɛ ɉaláá kulɔ lai, mąąnɛ̨ɛ̨ di di kulɔ di kwąną; di di laa gɛɛnąą mąąhəɠɛɛ nąą ta. Di həɠə takpɛliɠaa həɠə, di hvo pa ləi nuą mąąhəɠə a di mąąhəɠəɠaa.

Izikiɛ 9:2

Ə kɛ lɔ tii, hinąą mɛ̨ida di həɠə bɛlɛ́ laaləi yii ti kɛ ɲələi pələ, ɲɛ̨i həɛ ɲánwuɔ̨ pələ; di tɛi tɛi di wɔ nu hu kala hɛn ə ɓo di yee ɲą. Nu tɔ̨nɔ̨ ə kɛ di hamąi həɠə kwəlɛɛ ə ɓo gwąną; hɛɓɛ́ pɛ̨ɛ̨ mun ŋą hɛɓɛ́ kpɔwi ə ɓo nwɔ hɛ̨ą yili kɔ́lɔi ɓa. Di pa di tɔɔ gwɛli kpɔlu haláá kulɔi lííla.

Levetekɔ 16:23

Aarɔn a pənə ə lɔ gee kaa kələ mu, ɉəɠəɠaai tii ə gɛ mą yɛ lɔ gɛɛnąą mąą həɠɛɛ ɓa, ə gulɔ mą ə bu laa.

Levetekɔ 16:24

A kpɛɛ a yili ə gbinį waa a yá gɛɛnąą mąąhəɠɛɛ ɓa; Yili pulu, nwɔ hɛnŋąąi tɔlɔɔ nee kɛ mą, ə yiliɠaa kɛ mą, ə kulɔ, ɉaláái da gəlee kələn, ə yili kulɔ, gbɔwɔ mąą mɛ̨nį ɓa, da nɔi nuą mąą mɛ̨nį ɓa.

Levetekɔ 16:32

«Nui a nɛ̨ŋɛ̨n mąąhvaalɛɛ kóló kɛ, yaa ɓa ɉaláá laa həli mun; yai da ɉee a nwulɔ mąąhəɠɛɛ, ɉaláá kulɔ mɛ̨nį ɓa, a nąn mąąhvalin. Ə ɉəɠə kwɛlɛɛɠaa kɛ mą, ɉaláá kulɔ həɠəɠaa li.

Levetekɔ 6:10

Di hva lɛɠɛ tɛ hɛn bu nɛɠɛ hu diɛ mɔ̨n. Yili ɓə ŋą́ dɛɛ di pɔ, yɛ kulɔ nwɔ́ haláá hɛnŋąąi hu, yii di gələn gaa a hɛn yii mąąhəɠɛɛ, yɛ bələi di nɛ̨ŋɛ̨n mąąhvaalɛɛ haláá kɛ la.

Levetekɔ 6:3

Ɉaláá laa həli mun a həɠə kwəlɛɛ, da dɛmą kwəlɛɛ kɛ mą. Daatɛlɛɛɠaa kələn ŋąą pulu, nunwui tii a lɛɛ ɉaláá kulɔi, ɉaláá laa həli mun a gələ laa, ə ɉee ɉaláá kulɔi kwɛlɛ.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Filipə 2:7

Kɛlaa yaamun, ə gbɔwɔ mąąkpoloon, ə gbɔwɔ kɛ yɛ luwɔ, gɛ pələ ə kɛ yɛ nu, ɛlɛɛ yaan, gbɔwɔ kɛ pələi tii, di kɛ gɔlɔn nɔ, yɛ nu.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.