Levetekɔ 16:20 - Yálá laawoo hɛɓɛ (dc)

²⁰ «A kpɛɛ kɛa a nɛ̨ŋɛ̨n mąąhvaalɛɛ mɛ̨nįɠaa kɛɛ gɛɛnąą mąąhəɠɛɛ mɛ̨i, da gee kaa kələ mąą mɛ̨nį hu, ɉaláá kulɔ kəhi mɛ̨i, a mo di pa a molu hilɛi tii a vulúi.

Yálá laawoo hɛɓɛ

²⁰ «A kpɛɛ kɛa a nɛ̨ŋɛ̨n mąąhvaalɛɛ mɛ̨nįɠaa kɛɛ gɛɛnąą mąąhəɠɛɛ mɛ̨i, da gee kaa kələ mąą mɛ̨nį hu, ɉaláá kulɔ kəhi mɛ̨i, a mo di pa a molu hilɛi tii a vulúi.

Bible

²⁰ “Eelɔŋ a kpɛ̀ɛ a zâlai kulâi Gwaa Ma Waai ma da Yâwɛɛ ŋɔpɛ́rɛi mu gwaai kpéli-ŋai ma, a pâi m̀olii fului tɛɛ̂i Yâwɛɛ pɔ́ nyii gbɛɛŋ è nɛ̀ a gɛɛ gáa a vɛ̃ɛ-kpâlaŋ su nyinaŋ pɔ́ɔi.

Levetekɔ 16:20 Iomraidhean Croise

Izikiɛ 45:20

Ɲąnin nwɔ hvóló mɛ̨ihveelɛ yələ, da mɛ̨nį tɔ̨nɔ̨i tii ta kɛ lɔ nwɔ̨nɔ̨, nuąi daa nɛ̨ŋɛ̨n ɉəɠə di hvo naa li di kwəi, da yiiɠaai daa nɛ̨ŋɛ̨n ɉəɠə di tɛɠii di mąą mɛ̨nį ɓa. 'Ká bɛlɛ́ mąąhəɠə haláá kulɔ tii.

Levetekɔ 16:16

Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Levetekɔ 16:19

A ɲąmą ta taɠa a ɲeekpiɛ ɉaláá kulɔi kəhi mɛ̨i gee mɛ̨i mɛ̨ihveelɛ, yɛ nąą mąąhəɠə la Israɛlə lonnii di wɔ nɛ̨ŋɛ̨n di ɉəɠə mąą mɛ̨nį ɓa.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.