Levetekɔ 16:18 - Yálá laawoo hɛɓɛ (dc)

¹⁸ A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Yálá laawoo hɛɓɛ

¹⁸ A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Bible

¹⁸ A pâi kulâi é lí géreŋ sala kula têƃelei ma é m̀aa waa. A pâi ǹiŋa ŋãai da m̀oli ŋãai da siɣêi é bú géreŋ sala kula teƃelei ŋɔsonôŋ su wuru-ŋai kélee dîa é dínaŋ dîa.

Levetekɔ 16:18 Iomraidhean Croise

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Izikiɛ 43:20

Ə́ ɲąmą ta həɠə ə́ ɉiɛ ɉaláá kulɔi mįnɛ̨ nąąn ma, da vilən ɉɛn gɔwɔ nąąn ma, ɛlɛɛ, ə́ da hiɛ nwəlila nąą kəlee ə́ dinɛn mą ə́ doo gee hu. Bələ ɓə yá nɛ̨ŋɛ̨n gulɔ la ɉaláá kulɔi ɓa; yɛ́ mąąhəɠə.

Izikiɛ 43:22

Vóló veelɛ yələ, yá pa a ɓolu hilɛi kpɔi hva kɛ mą; ə kɛ a yii da nɛ̨ŋɛ̨n gulɔ la ɉaláá kulɔi ɓa; yɛ bələi ka niŋɛ̨ lon nwɛi kɛ la.

Izikiɛ 45:19

Ɉaláá laa həli mun a ɉuwɔi tii ɲąmą həɠə, ə ɉiɛ Yálá hee pɛlɛ́ gbon nwuluɠaa diɛ, da ɉaláá konwolon ɉee hɛn nwəli la nąąn ɓa, ə mą nwɔ̨nɔ̨ kɛ ɲįmąn mu gbon nwulu ɉu pələ nwɛi ɓa.

Levetekɔ 16:16

Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Levetekɔ 16:17

Ɓɛlɔwai Aarɔn a lɔ la gɛɛnąą mąąhəɠɛɛ ɓa, yɛ gólóɠaai tii kɛ, nui lɔpee ta hva lɛɛ gee kaa kələ mu, ə lɛɛ ɉu, ə kpɛɛ a nɛ̨ŋɛ̨n mąąhvaalɛɛ haláá kulaa, gbinįi, da nwɔ pɛ́lɛ́i di mąą mɛ̨nį ɓa, da Israɛlə lonnii kəlee mąą mɛ̨nį ɓa.

Levetekɔ 4:18

Ə ɲąmąi tii ta hiɛ ɉaláá kulɔi tii Yai-Laa lííla gee kaa kələ mu mįnɛ̨ɠaa diɛ. Ə gbəlii tii pu Yai-Laa mąąwiɛ haláá kulɔ kəhi kɔ́wɔ mu, yaa tii gee kaa kələ laaləi.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Lonon mo 28:22

Yili pulu, ɓolu hilɛ tɔ̨nɔ̨ a nɛ̨ŋɛ̨n mąąhvaalɛɛ haláá, a nɛ̨ŋɛ̨n mąąhvaalɛɛ woo ɓo mɛ̨nį ɓa ka mɛ̨i.

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Hebreu 2:11

Mąąhɔlɔɓo, mąąhəɠə kɛmun, da nuąi a di mąąhəɠə, di nąn gaa tanɔ̨n; yili ɓa, hva pɛli nwumɛ̨i kɛi diɛ: Ną́n nonnii,