Levetekɔ 16:16 - Yálá laawoo hɛɓɛ (dc)

¹⁶ Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Yálá laawoo hɛɓɛ

¹⁶ Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Bible

¹⁶ Bere sîi ŋí su a pâi Gwaa ma Waai maa waâi Eezuɛ-ŋai dísɔnyɔ̂ŋ mɛni ma. Fɛ̂ɛ é mɛni sîi tɔnɔi ŋí kɛ́ a Yâwɛɛ ŋɔpɛ́rɛi, kpɛ́ni fêi gáa tɔɔ-ni m̀ûui sâmai ƃɛ́i naa ma fé waa nii.

Levetekɔ 16:16 Iomraidhean Croise

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Levetekɔ 16:17

Ɓɛlɔwai Aarɔn a lɔ la gɛɛnąą mąąhəɠɛɛ ɓa, yɛ gólóɠaai tii kɛ, nui lɔpee ta hva lɛɛ gee kaa kələ mu, ə lɛɛ ɉu, ə kpɛɛ a nɛ̨ŋɛ̨n mąąhvaalɛɛ haláá kulaa, gbinįi, da nwɔ pɛ́lɛ́i di mąą mɛ̨nį ɓa, da Israɛlə lonnii kəlee mąą mɛ̨nį ɓa.

Levetekɔ 16:18

A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Levetekɔ 23:27

«Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Lonon mo 17:11

Moisə yɛ Aarɔn ɓa: «Ə́ wɔ lansan kələn gbowoi həɠə, ɉaláá kulɔ nwɔ̨n da pu ɉu, lansan da pu ŋą, lí kilɛ nu kpului tii pɔ, ə́ nɛ̨ŋɛ̨n mąąhvaalɛɛ woo ɓo di mɛ̨i. Ə́ kaa gaai, Yai-Laa aa níiholi, ɛlɛɛ, mɛ̨nį nwąnąą aa gbɛa gɔwɔ tɔɔ yɛ laa nuą diɛ.»

Lonon mo 28:15

Yili pulu, ka ɓolu hilɛ tɔ̨nɔ̨ kulɔ a haláá Yai-Laa ɓa, a nɛ̨ŋɛ̨n mąąhvaalɛɛ haláá, ka bɛlɛ yələ kəlee haláái da gələn mą, da nɔɔi mąąnɛ̨ɛ̨ di paa la.

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.