Levetekɔ 15:27 - Yálá laawoo hɛɓɛ (dc)

²⁷ Nui lɔpee a tunwɔ̨n ɉɛnŋąąi tii ta ɓa, tɔ́n a kɛ mąą nu ɓa, hvo kɛ li ə mąą həɠəɠaa waa; tɔ́n a lɛɛ mąą nu ɓa ə lɛɛ ɉu yələ ə wulu.

Yálá laawoo hɛɓɛ

²⁷ Nui lɔpee a tunwɔ̨n ɉɛnŋąąi tii ta ɓa, tɔ́n a kɛ mąą nu ɓa, hvo kɛ li ə mąą həɠəɠaa waa; tɔ́n a lɛɛ mąą nu ɓa ə lɛɛ ɉu yələ ə wulu.

Bible

²⁷ Núui a lɛɣɛ zãai ŋí da mai, maa nuui fé pâi kɛ̂i a maa waa. Fɛ̂ɛ maa nuui é ŋɔseɣei wáa é gbîŋ waa, ǹyaŋ vé pâi kɛ̂i a maa waa é lɛ́ɛ la zu ɣele-wûlii é kɛ́.

Levetekɔ 15:27 Iomraidhean Croise

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.

Levetekɔ 11:24

«Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Levetekɔ 15:13

«Ɲɔ̨n a kpɛɛ nu ɓa, bələi a tɛɛ la tɔ́n yɛ kulɔ mą, bələ ka: A hvóló mɛ̨ihveelɛ kɛ, ə nwɔ həɠəɠaa waa, ə gbinį lee waa tɛɛyá hu, akɛ tii, mąą aa həɠə.

Levetekɔ 15:21

Nui lɔpee a tunwɔ̨n nwɔ gbin ma, mąąnɛ̨ɛ̨ ə mąą həɠə waa a yá, ɛlɛɛ ə gbinį lee waa, tɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:26

Yii kpɔ ɲąnįn ti kaa ni mą, gbin lɔpee a laa mɛ̨i, tɔ́n a kɛ mąą gbin ɓa. Hɛn lɔpee a hee mɛ̨i, tɔ́n a kɛ mąą hɛn ɓa.

Levetekɔ 15:28

«Nɛ̨ɛ̨nu nwɔ ɲąnįn a kpɛɛ, a hvóló mɛ̨ihveelɛ kɛ, a kɛ tii mąą aa həɠə, tɔ́n və mą.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Lonon mo 19:22

Nui tɔ́n gaa mą a tunwɔ̨n hɛn da ɓa, mąą hɛn yaa kpɛli mąą a liɓi. Ɛlɛɛ nui a tunwɔ̨n ɉɛn tii ɓa, tɔ́n a kɛ mą ə lɛɛ ɉu yələ ə wulu.»

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.