Levetekɔ 14:3 - Yálá laawoo hɛɓɛ (dc)

³ Ɉaláá laa həli mun a kulɔ daa pulu, ə mąąkpɛɛ, a gaa yɛ volóɲɔ̨n balaɠaa daa kpɛɛ, voló aa kpɛɛ mąą nu ɓa,

Yálá laawoo hɛɓɛ

³ Ɉaláá laa həli mun a kulɔ daa pulu, ə mąąkpɛɛ, a gaa yɛ volóɲɔ̨n balaɠaa daa kpɛɛ, voló aa kpɛɛ mąą nu ɓa,

Bible

³ Zâla láa soŋ nuui a pâi maa nuui kulâi m̀ûui su é lí la é maa kpɛɛ. À gɔlɔ-felai a ƃálo.

Levetekɔ 14:3 Iomraidhean Croise

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Tɔɔɓɛlaa veelɛ 5:3

Yələ ta, nɛ̨ɛ̨non tii yɛ neenɛ̨ą ɓa: «Ŋį́ mo kɛ néénɛ̨ą a pɛli lii Yálá kwəi mɛ̨nį hukulɔ mun ŋɛ̨i Samari daai, ə həli mąi, a pɛli mą kɛ ə malo, ə gulɔ volóɲɔ̨n tii yəi.»

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Levetekɔ 13:2

«Akɛ pala a kulɔ nu ta kɔ́lɔ ɓa, a wala kɛ tii kiliɠalan, a wala kɛ tii nu kɔ́lɔ nąą ta ə kwələ, gɛ pələ ə ɓo yɛ hvólóɲɔ̨n, mąąnɛ̨ɛ̨ dəli a nu Aarɔn pɔ, a wala kɛ tii non da; diɛi di kaa a ɉaláá laa həli nuą.

Levetekɔ 13:46

Bələi lɔ ɲɔ̨n a lamun la mą, bələ lɔ ɓə dɔ́n a lamun la mɛ̨i, nui tɔ́n gaa mą, a kulɔ mɛlaa kaalɛa pɔ, yɛ ɓo daa pulu pələ.

Levetekɔ 14:48

«Kɛlaa ɉaláá laa həli mun a lɔ a nąą mąąkpɛɛ, ɉɛn tii pɔɔ hu a wala kɛnɛ̨ bɛlɛ́ ɓa, bɛlɛ́ tɛɛ pulu, a mo yɛ tɔ́n və bɛlɛ́ ɓa. Mąąhɔlɔɓo, ɲɔ̨n tii kɛ bɛlɛ́ ɓa aa kpɛɛ.

Maafîu 10:8

'Ka li, ka ɲɔ̨n gɛ nuą kəlee kɔ́lɔi pono, 'ka haa nuą nwun, ka hvólóɲɔ̨n gɛ nuą kɔ́lɔi pono, ka di mąą həɠə, ka ɲį́nɛ̨nŋąą kpɛ nuą pulu. Bələi ka ɉɔlɔɓo la a mɛ̨inɛ̨ɛ̨, 'ka dɛɛ tii a mɛ̨inɛ̨ɛ̨.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Lukə 4:27

Elise nwɔ lɔwai tii hu lɔ nwɔ̨nɔ̨, hvólóɲɔ̨n gɛ nuą tamąą di kɛ Israɛlə lɔi hu, kɛlaa yaamun, hvo dɔ̨nɔ̨ kpɛli kɔ́lɔi pono, hvo kɛli Siri mun ŋɛ̨i di kɛi kɛ nąą ɓa: Naaman; yaa ŋɛ̨i həɠə lɔi takpɛli hu, yaa lɔ ɓə Elise ə gɔlɔi pono.»

Lukə 7:22

Yili pulu, Jesus ə mo Ɉaan nwɔ kalan nɛa tii diɛ, yɛ diɛ: «Ka li, yiiɠaai kpɔ kaa gaa, ə lɛɛ, kaa mɛ̨n, ka li ka gəlee hukulɔ Ɉaan ɓa, kaa mą: ‹Ɲɛ̨ipu nuą kaa kɛɛ kaai, kɔ́wɔ nwąną nuą diɛ hiɛ, hvólóɲɔ̨n gɛ nuą kɔ́lɔi aa pono di mąą aa həɠə, wəli tini nuą diɛ mɛ̨nį mɛ̨n, haaɓɛlaa diɛ di muhəɠə, wɛlɛɛ lɛlɛɛ laa aa həli yeehvowolo nuą diɛ.