Levetekɔ 14:18 - Yálá laawoo hɛɓɛ (dc)

¹⁸ Nwulɔ kpəlii a lɛɛ ɉaláá laa həli mun ɲee ɲą, a nɔ nui di mąą həɠəi nwun ma; a gɛ tii, nɛ̨ŋɛ̨n mąą hvaalɛɛ kóló ka tii aa gɛ nui tii ɓa Yai-Laa lííla.

Yálá laawoo hɛɓɛ

¹⁸ Nwulɔ kpəlii a lɛɛ ɉaláá laa həli mun ɲee ɲą, a nɔ nui di mąą həɠəi nwun ma; a gɛ tii, nɛ̨ŋɛ̨n mąą hvaalɛɛ kóló ka tii aa gɛ nui tii ɓa Yai-Laa lííla.

Bible

¹⁸ Zâla-láa soŋ nuui a ŋ̀úlɔi nyii lɛ̀ɛ ǹyée ŋái pú nuui da maa waai ŋûa. Bere sîi ŋí ƃe zâla láa soŋ nuui a pâi nuui maa sâla kulâi lai la m̀aa waa mɛni ma Yâwɛɛ ŋɛ́i-tuɛ.

Levetekɔ 14:18 Iomraidhean Croise

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Levetekɔ 14:17

Gbəlii tii a lɛɛ ɉaláá laa həli mun ɲee ɲą, a da lɔ nui tii ɓa-mįi-yee wəli ɓa, ə da lɔ mamįiyee kpiɛ ɉinɛ̨ ɓa, ə da lɔ nwɔ̨nɔ̨ mamįiyee kɔ́wɔ kpiɛ ɉinɛ̨ ɓa, ɓɛɠaai ti lɔ ə ɉaláá ɲąmą hiɛ laai.

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 5:16

Yili pulu, bɛlɛ́ mąąhəɠɛɛ mu mɛ̨nįi tii ə bili ɉu, hvo kɛli ə bɔɔ tɛɛ, yɛ ɉɛn tii ɉəən nɔɔli pɛlɛ mą, yɛ dɛɛ ɉaláá laa həli mun bɔ. Ɉaláá laa həli mun a nɛ̨ŋɛ̨n mąą hvaalɛɛ kóló kɛ mą, a bɔɔŋą pɛli haláá, a mɛlaa hilɛi tii, mąąhvaa a lɛɛ.

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

Lonon mo 15:28

Ɉaláá laa həli mun a tɛɠii nɛ̨ŋɛ̨n mąąhvaalɛɛ woo ɓo nui tii mɛ̨i, a kɛ tii, mąąhvaa a lɛɛ.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.