Levetekɔ 13:6 - Yálá laawoo hɛɓɛ (dc)

⁶ Voló mɛ̨ihveelɛ yələ, ɉaláá laa həli mun a pənə ə mąąkpɛɛ, akɛ ɓɛi ɲɔ̨n gaa laa nąą a kɛi lɛɠɛ mą, hvo kulɔi pulu. Ɉaláá laa həli mun a mo mą yɛ mą: tɔ́n və yɛ́, ɲɔ̨n gbɛli kpɛli li. Mąą nu a mąąhəɠəɠaa waa lɔ ə li, a kɛ tii tɔ́n və mą.

Yálá laawoo hɛɓɛ

⁶ Voló mɛ̨ihveelɛ yələ, ɉaláá laa həli mun a pənə ə mąąkpɛɛ, akɛ ɓɛi ɲɔ̨n gaa laa nąą a kɛi lɛɠɛ mą, hvo kulɔi pulu. Ɉaláá laa həli mun a mo mą yɛ mą: tɔ́n və yɛ́, ɲɔ̨n gbɛli kpɛli li. Mąą nu a mąąhəɠəɠaa waa lɔ ə li, a kɛ tii tɔ́n və mą.

Bible

⁶ Zâla láa soŋ nuui a pâi ŋɔ́nɔ nuui ŋí maa kpɛɛ̂i a vóloi ǹɔ́ɔlu mɛi feerɛ ɣelei. À gàa a gɛɛ balai ŋáa a yenîi gɛ ní gáa nɔ́ a pala kpɛ́ni nyii tèe gɔlɔ ḿâ gbôdo kɔlɔ-fela fêi. Zâla láa soŋ nuui a pâi môi a gɛɛ maa nuui maa waâi ǹyaŋ maa nuui é nɔseɣei waa gɛ̀ ní a pâi kɛ́ a maa waa.

Levetekɔ 13:6 Iomraidhean Croise

Tɔɔɓɛlaa dɔlɔɔ 8:38

Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

Tɔɔɓɛlaa dɔlɔɔ 8:45

Yələkɔlɔn ɉu Yálá, ə́ wəli tɔɔ ə́ hvɛli woo ɓa, da nwɔ nɛ̨ɛ̨mąą woo, ɛlɛɛ, ə́ di wɔ tɛ̨ą mɛ̨nį ɲɛ̨i kulɔ, a nɛ pələ diɛ.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Hanwon 20:9

Gbɛɛ ɓə a pɛli kɛi diɛ: «Ŋą́ą́ nii hu mąąhəɠə, nɛ̨ŋɛ̨n və mą́ą́?»

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Azaya 42:3

Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Levetekɔ 11:25

Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Levetekɔ 11:40

Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Levetekɔ 13:2

«Akɛ pala a kulɔ nu ta kɔ́lɔ ɓa, a wala kɛ tii kiliɠalan, a wala kɛ tii nu kɔ́lɔ nąą ta ə kwələ, gɛ pələ ə ɓo yɛ hvólóɲɔ̨n, mąąnɛ̨ɛ̨ dəli a nu Aarɔn pɔ, a wala kɛ tii non da; diɛi di kaa a ɉaláá laa həli nuą.

Levetekɔ 13:5

Voló mɛ̨ihveelɛ yələ, ɉaláá laa həli mun yaa kpinįi a nui tii mąąkpɛɛ. Akɛ ɲɔ̨n a lɛɛ lɔ a gɛ pələ, da hvo pɛlɛ li mą, ɉaláá laa həli mun a nɛ̨ɛ̨ nwɔ̨nɔ̨ dɔ̨nɔ̨ kon ɉu, hvóló mɛ̨ihveelɛ yee mu.

Levetekɔ 13:7

Kɛlaa, akɛ ɓɛlɔwai ɉaláá laa həli mun ə kɛ la mą: ‹ə́ mąąhəɠɛɛi›, a li, ɲɔ̨n a kɛi kɛnɛ̨, a pənə nwɔ̨nɔ̨ ə pa ɉaláá laa həli mun bɔ.

Levetekɔ 14:8

Nui tii di mąą waa, a mąą həɠəɠaa waa ə gɔlɔ ɓa ləɠa kəlee kalaan, ə nwaa yái, ə gɛ mąą ə həɠə. Yili pulu, ə tɛ taai, kɛlaa a hvóló mɛ̨ihveelɛ kɛ hva lɔ ɲəi bɛlɛ́n.

Lomaŋ 14:1

Nuąi di hvii kpɛɛ laa na pələ mɛ̨i, ka ka yee hee di mu ka hvo di laa pələɓo.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.