Levetekɔ 13:4 - Yálá laawoo hɛɓɛ (dc)

⁴ Kɛlaa, akɛ nui tii kɔ́lɔ nąą ta a kɛ a gwəlɛɛ, nwoloon hvo ɓoli, naa ləɠaɠaa di hvo kwələ li, ɉaláá laa həli mun a ɲɔ̨n gɛ mun tii lɛɛ dɔ̨nɔ̨ kon ɉu, hvóló mɛ̨ihveelɛ yee mu.

Yálá laawoo hɛɓɛ

⁴ Kɛlaa, akɛ nui tii kɔ́lɔ nąą ta a kɛ a gwəlɛɛ, nwoloon hvo ɓoli, naa ləɠaɠaa di hvo kwələ li, ɉaláá laa həli mun a ɲɔ̨n gɛ mun tii lɛɛ dɔ̨nɔ̨ kon ɉu, hvóló mɛ̨ihveelɛ yee mu.

Bible

⁴ Kɛ́lɛ à kɛ̀ balai su fé sìŋ ní gɔlɔ leɣai da fé niî kole ní balai su, gɛ̀ ní zâla láa soŋ nuui é maa nuui kúla ŋɔnûai sáma fólo lɔ́ɔlu mɛi feerɛ mɛni ma.

Levetekɔ 13:4 Iomraidhean Croise

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Levetekɔ 13:11

a kɛ tii, hvólóɲɔ̨n ni, aa lamun nu kɔ́lɔ hu. Ɉaláá laa həli mun a mo yɛ tɔ́n gaa mąą nu ɓa, hva kɛa mąą nu lɛɛ dɔ̨nɔ̨ kon ɉu mąąkpɛɛ mɛ̨nį ɓa. Yili nwɛi hea hvo ɉu, tɔ́n gaa mąą nu ɓa.

Levetekɔ 13:25

ɉaláá laa həli mun a mąąkpɛɛ, a nąą ləɠa kaa yɛ kwələ, nąą wolo toɔ ɉu, a kɛ tii hvólóɲɔ̨n ga tii gbala tɔɔi nwɔ̨n bala kpɔlɔɔn tii hu. Ɉaláá laa həli mun a kɛ mąą nu ɓa: tɔ́n gaa yɛ́, hvólóɲɔ̨n ɉuwu ta li.

Levetekɔ 13:26

Kɛlaa ɉaláá laa həli mun a mąąkpɛɛ, nąą ləɠa ta hvo kwələ li nąą nwolo hvo too li ɉu, ɛlɛɛ nąą mu kwəlɛɛ, ɉaláá laa həli mun a nui tii lɛɛ dɔ̨nɔ̨ kon ɉu hvóló mɛ̨ihveelɛ yee mu,

Levetekɔ 13:3

Ɉaláá laa həli mun a gɔlɔ ɓa ɲɔ̨n tii mąąkpɛɛ, ɓɛi tii ɲɔ̨n gaa laa, mąą nu kɔ́lɔ ɓa ləɠa a kɛ a gwɛlɛɛ laa, akɛ ɲɔ̨n tii a kɛi gɔlɔ woloon mo, a kɛ tii hvólóɲɔ̨n ni; da gaa akɛ a yaa, ɉaláá laa həli mun a kɛ mąą nu ɓa: tɔ́n gaa yɛ́.

Levetekɔ 13:31

Kɛlaa, ɉaláá laa həli mun a ɲɔ̨n tii mąąkpɛɛ, nąą a wala kɛ a nɔɔ ɉu, ə mą kɛ naa ɓa ləɠa hvo tɛɠi li, nui tii ɲɔ̨n gaa mą, ɉaláá laa həli mun a nɛɛ dɔ̨nɔ̨ kon ɉu hvóló mɛ̨ihveelɛ yee mu.

Levetekɔ 13:5

Voló mɛ̨ihveelɛ yələ, ɉaláá laa həli mun yaa kpinįi a nui tii mąąkpɛɛ. Akɛ ɲɔ̨n a lɛɛ lɔ a gɛ pələ, da hvo pɛlɛ li mą, ɉaláá laa həli mun a nɛ̨ɛ̨ nwɔ̨nɔ̨ dɔ̨nɔ̨ kon ɉu, hvóló mɛ̨ihveelɛ yee mu.

Levetekɔ 13:50

Ɉaláá laa həli mun a gɛɛnąąi tii mąąkpɛɛ, yili pulu ə ɉɛn tii laa kɛɛnąą ta ɓa ə hvóló mɛ̨ihveelɛ kɛ laa.

Levetekɔ 14:38

ɉaláá laa həli mun a kulɔ bɛlɛ́n ə tɔɔ bɛlɛ́ laaləi, ə bɛlɛ́ laa kpulu hvóló mɛ̨ihveelɛ yee mu.

Lonon mo 12:14

Nąąlɔwai, Yai-Laa ə mo Moisə ɓa, yɛ mą: «Akɛ nąn a naa ya taɠa kɛ ɲɛ̨i, nwumɛ̨ hvo li mɔ̨ɔ̨ tɛ la hvóló mɛ̨ihveelɛ yee mu? Yili ɓa tii, ka gulɔ ka lɔwai, ə hvóló mɛ̨ihveelɛ kɛ daa pulu, yili pulu, a pɛli ə pənə ə tɛ taai.»

Lonon mo 12:15

Di Miriamə kulɔ nuą lɔwai, ə hvóló mɛ̨ihveelɛ kɛ dɔ̨nɔ̨ kon ɉu, daa pulu. Nuą di hvo di muhəɠə di hvo hvilɛn bələ pɔ, ə lɛɛ ɉu nwɔ hvóló mɛ̨ihveelɛi tii ə kpɛɛ.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Dutɛrɔnome 13:14

diɛ kɛ nu kpoloonŋąą daa di muhəɠə ka lɔwai, daa di pɔ taai nuą nwun ɉu lan, diɛ kɛ diɛ: «Ka gu kwɛli hvilɛn yálá takpɛliɠaa diɛ!» A ɲáláɠaa tii ka hvo di kɔ́lɔn,

Timote dɔlɔɔ 5:24

Nɛŋɛ̨n daɠaa kaa laa, nu a ɉəɠə, da gaa ɉa; kɛlaa, daɠaa diɛn, nu hva gaa ɉa, hvo kɛli ɉu a kwɛa.