Levetekɔ 12:2 - Yálá laawoo hɛɓɛ (dc)

² «'Mo Israɛlə lonnii diɛ, yɛ diɛ: «Akɛ nɛ̨ɛ̨nu a naayɛɛ a hulɔnu, tɔ́n gaa mą hvóló mɛ̨ihveelɛ yee mu, yɛ bələi lɔ a kɛ la nwɔ ɲąnin gaai lɔwai.

Yálá laawoo hɛɓɛ

² «'Mo Israɛlə lonnii diɛ, yɛ diɛ: «Akɛ nɛ̨ɛ̨nu a naayɛɛ a hulɔnu, tɔ́n gaa mą hvóló mɛ̨ihveelɛ yee mu, yɛ bələi lɔ a kɛ la nwɔ ɲąnin gaai lɔwai.

Bible

² “M̀ó Eezuɛ-ŋai dîa, à kɛ̀ nɛnî maa a fùloŋ, ǹóloŋ kɛ́ a surɔ̂ŋ loo, maa nɛnii maa fé pâi kɛ̂i a ŋ̀wáa fólo lɔ́ɔlu mɛi feerɛ yée mu yɛ̂ɛ berei a kɛ̀ la tãi a kɛ̀ ǹyée ŋá waâi lai.

Levetekɔ 12:2 Iomraidhean Croise

Zɛnɛse 1:28

Yálá ə lúwɔ́ too diɛ, yɛ diɛ: «'Ka li, ka lon gaa, ka lɔi laahvɛɛ a ka lonnii, ka hee lɔi mɛ̨i, gboloyá hu huwɔɠaa mɛ̨i, ə mą kɛ, yələ kwəi nwɛ̨niɠaa mɛ̨i, da huwɔɠaa di kaa lɔi mɛ̨i.»

Zɛnɛse 3:16

Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Samia Veerɛi 11:4

Davidə ə nuą tɔɔ diɛ li nɛ̨ɛ̨nui tii təlii, pai ə mo, da Davidə di yíi, nɛ̨ɛ̨nui ə pənə li ɲəi bɛlɛ́ laaləi. Nɛ̨ɛ̨nui tii aa kpɛɛ kɛa kɛ a ɲəi waa, ɉaláái mąąnɛ̨ɛ̨ ə gulɔ ə gbɔwɔ mąąhəɠə mɛ̨nį ɓa, aa kpɛɛ kɛa kɛ a yili kulaa.

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Levetekɔ 12:1

Yai-Laa yɛ Moisə ɓa:

Levetekɔ 12:5

A naayɛɛ a lon nɛ̨ɛ̨nu, tɔ́n gaa mą lɔwɔ hveelɛ yee mu, yɛ pələi lɔ tɔ́n gaa la mɛ̨i nwɔ ɲąnin gaai lɔwai, ɲąmąi tii kulɔ mą, mąą mɛ̨nį ɓa. A mąąhəɠə hvóló pow mɛ̨ida kɔ́w mɛ̨ida tɛɛ pulu.

Levetekɔ 15:19

«Nɛ̨ɛ̨nu a ɲąnin gaa, tɔ́n gaa mą hvóló mɛ̨ihveelɛ yee mu, nu a tunwɔ̨n mą, tɔ́n gaa mąą hulɔnui ɓa ə lɛɛ ɉu yələ ə wulu.

Levetekɔ 18:19

«Nɛ̨ɛ̨nu a ɲąnin gaa, hvo lɛɠɛ mą; mąąhɔlɔɓo, tɔ́n gaa mą.

Levetekɔ 5:3

«Awala kɛ tii, akɛ nu ta a tunwɔ̨n mɛlan nu kan ma yii mąą hvo nɛ̨ɛ̨li di hvo tunwɔ̨n mą nɔwai tii hu; ə kɛ a hɛn nɔpee yii tɔ́n gaa mą yɛ nu mąąliɓi, mąą nu a tunwɔ̨n mą, ɓɛlɔwai a gbaɠala kaa la, a kɛ a hɔn mąą mun.

Lukə 2:22

Yili pulu, ɓɛlɔwai mąąnɛ̨ɛ̨ kɛ di Mari da non di mąą haláá kulɔ la, əgɛ, di mąą ə həɠə yɛ bələi Moisə ə bɛ̨ɛ̨ la dɔ́n ɉɛɓɛ́ hu, ɲələ ə ɉəli, Ɉosɛfə da Mari də li Ɉerusalɛmə Yálá hee pɛlɛ́ mu; nąąlɔwai ɓə di nokoloi tii laakwɛlanmo la Ną́mu Yálá ɓa.