Levetekɔ 11:42 - Yálá laawoo hɛɓɛ (dc)

⁴² Ɉuwɔɠaai kpɔ da tala, a wala kɛ tii diɛ tala di kɔ́wɔ nąąn mɛ̨i ə mą kɛ gɔwɔ tamąą mu, yiliɠaa ɓə tɔ́n gaa diɛ.

Yálá laawoo hɛɓɛ

⁴² Ɉuwɔɠaai kpɔ da tala, a wala kɛ tii diɛ tala di kɔ́wɔ nąąn mɛ̨i ə mą kɛ gɔwɔ tamąą mu, yiliɠaa ɓə tɔ́n gaa diɛ.

Bible

⁴² Sɛŋ nyii-ŋai kélee da ɣâla ǹɔii ma yɛ̂ɛ kali-ŋa, nyii kélee a tɔ̀ara ǹɔii ma yɛ̂ɛ korô-ŋa, kpaa máŋ nyii-ŋai díkɔɔ tâmaai yɛ̂ɛ gbɔlɔ-keleŋ-ŋai, káfe da mii. Díkaa a kátĩ̂a.

Levetekɔ 11:42 Iomraidhean Croise

Zɛnɛse 1:20

Yálá yɛ nwɔ̨nɔ̨ diɛ: «Gɛ́ yáɠaa di huwɔ huwu tamąą kulɔ, ɛlɛɛ, nwɛ̨niɠaa di koon yələ kwəi!»

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Levetekɔ 11:41

«Ɉuwɔ pɛlɛɛɠaai tii da tala, tɔ́n gaa gəlee ɓa, ka hvo da mįi.

Levetekɔ 11:43

Ka hvo ka kpɔɔ mąąliɓi a ɉuwɔ huwui tii ta lɔpee, yiiɠaai da tala da yiiɠaa da kɛ tiliin ɉii di koo mɛ̨i, ka hvo tɔ́n bɛlɛ ka kpɔwɔ ɓa a da lɔpee laa pɔɔ.

Mise 7:17

diɛ pɔlɔ kɔ́mɔ̨n yɛ kaalə, yɛ tala huwɔɠaa. Di kaa pai kulɔi di wɔ kɔ́ taaɠaai hu, di mąą yɛ kpɛlin, diɛ pa Yai-Laa, ku wɔ Yálái pɔ. Di kaa pai ɲɔwii, di hu yɛ pu diɛ; di ɲɔw pələ ɓa yɛ́.

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Korɛntə veelɛ 11:13

Mąąhɔlɔɓo, nuąi ti di kaa a lɛɛ kɛlaɠaa, a lɛɛ nuąi, yá di kaa yɛ, Kristə ŋą kɛlaɠaa.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Taitɔ 1:12

Diɛi tii a Krɛtə nuą, di ta, a di wɔɔ kilimąą mun da, ya ɓə nwoo ŋɛ̨i ɓo, yɛ kɛ mą: «Krɛtə nuą kaa lɔ a yələ kəlee, a lɛɛ nuą, a too-kwɛliɠaa, a hvįɛ̨ nuą, di koolon ɉu mɛ̨nį lɔ ɓə di gɔlɔn.»