Levetekɔ 10:6 - Yálá laawoo hɛɓɛ (dc)

⁶ Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Yálá laawoo hɛɓɛ

⁶ Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Bible

⁶ Mose è mò Eelɔŋ ǹônii Ilieazɛ da Itama-ni dîa ǹyɛɛi, “Káfe káŋuŋ leɣa lɛ̀ɛ a gbiniŋ-kpiniŋɔɔ kpaa máŋ ká káseɣe-ŋai fála yɛ̂ɛ ka kɛ̀ malôŋ see ƃoi. Ka gɛ̀ tí ka pâi saâi. Ǹyaŋ Yâwɛɛ líi a pâi ŋwanâi Eezuɛ-ŋai kélee dîa. Kɛ̀lɛ Eezuɛ ƃelai kpéli-ŋai da pɔ̂ri ŋɔŋ saai ŋí maa wɔ̂lɔ kɛ̂i nyii Yâwɛɛ a dooi.

Levetekɔ 10:6 Iomraidhean Croise

Samia Veerɛi 24:1

Yai-Laa lii ə holi Israɛlə nuą pɔ nwɔ̨nɔ̨, ə Davidə lii muhəɠə di pɔ ə gɛ, yili ə Israɛlə nuą da Ɉuda nuą di lonon.

Ɛsdrasə 7:5

Avisua lon, Pinasə lon, Eleazarə lon, ɉaláá laa həli mun gɛnɛ̨ Aarɔn lon,

Lɛɛ gbɔwɔ ɓa 33:5

Yai-Laa yɛ Moisə ɓa: «Mo Israɛlə lonnii diɛ, yɛ́ diɛ: ‹Nu huwu nwun nwalawala ɓaa a kaa, ŋį́ mą kɛ diɛ, gáá lɛɛi ka lɔwai, ə mą kɛ a hvóló tɔ̨nɔ̨ kpɛli, ŋą́ nəi ka hu kala. Ə həli kani kaa! Ka ɉɛli həɠəɠaa kulɔ ka kwąną, bələi gɛ́ ŋį́ pa ka hon na, gɛ́ pɛli bələ kaai.›»

Lɛɛ gbɔwɔ ɓa 6:23

Aarɔn ə Aminadavə lon Elisabɛtə həɠə a nɛ̨ą, Nasɔn mąąhala. Da yaa di lon ɉinąą nąąn ɉɔlɔɓo, di laa ka: Nadavə, Avihu, Eleazarə da Itamarə.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Levetekɔ 13:45

«Nui hvólóɲɔ̨n gaa mą, mąąnɛ̨ɛ̨ ə həɠə haɠa too gwąną, hva nwun ɉu pili, ə naa ɓa ləɠa mɛ̨i kpulu, mąąnɛ̨ɛ̨ a kɛi hiɛ, yɛ tómą yɛ kɛ mą: ‹Nu ɲɔ̨n gaa pai! Nu ɲɔ̨n gaa pai!›

Mise 1:16

'Ə́ nwun bu, 'ə́ nwun galaan, ə́ wɛlikɛmąą lonnii mąą mɛ̨nį ɓa. 'Ə nwun gbəlaan mo, mąąhɔlɔɓo, daa di kulɔ yɛ́, diɛ li a diɛ kwɛaala luwɔlaa hu.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Lonon mo 14:6

Yii ɓaa Nun lon Ɉosue da Yefunɛ lon Kalɛbə, diɛi kɛ nɛ̨nɛ̨ɛ̨n naa kɛ nuą tii pɔ, di wɛi di di mąąhəɠəɠaa huɓɛla a liikələn gwəi.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lonon mo 18:5

Kaa ɓə pai kɛi gɛɛnąą mąąhəɠɛɛ da ɉaláá kulɔ kəhi mąą mɛ̨nį ɲɛ̨i kulɔi. A kɛ tii, nwɔ́ liiholi hvo pai kɛa ɓɛlai Israɛlə lonnii mɛ̨i.

Lonon mo 20:25

Yili ɓa, yɛ́ Moisə, Aarɔn da non Eleazarə di həɠə, ka tɛ Horə ɲee ɓa.

Lonon mo 5:18

Ɉaláá laa həli mun a nɛ̨ɛ̨nui tii nwun volóon, ə dɔɔ Yai-Laa lííla, ɉaláá hɛn tii di paa la ɉɔn mo mɛ̨nį ɓa, ə naa ɲee ŋą, ya ɓaa ɉilɛ nwɔ toló haláá hɛn tii. Kɛlaa, nwąną kulɔ yá da nɛ̨ŋɛ̨n naa yá di ɓo ɉaláá laa həli mun ɲəi.

Dutɛrɔnome 33:9

Diɛ ɓə ə́ wɛlila kɛ kpɔ ə tɛɛ di kaa nuą diɛ, da di kaayɔwɔɠaa, ə mą kɛ di lonnii diɛ, ɓɛlɔwai di ə́ woo hon na, diɛ ə́ wɔ mįnɛ̨i mąąwiɛ.

Zasua 22:18

Ya ɓə kaa ŋɛ̨i ka káá həɠəi Yai-La nwɔ pələi mɛ̨i, kaa ka kwɛli tee Yai-Laa ɓa, yɛ pa nwɔ̨nɔ̨ tínąą niiholii Israɛlə nu kpulu kəlee pɔ.

Zasua 22:20

Ɲələi Zera lon Akan ə nɛ̨ŋɛ̨n ɉəɠə la ɉɛn kɛ nɛ̨ŋɛ̨n naa mąą mɛ̨nį hu, kɛlɛi Israɛlə lonnii kəlee ɓə níiholi ə yɛɛ di mɛ̨i-yee! Ɛlɛɛ, yaa tɔ̨nɔ̨ hvəi haa nwɔ nɛ̨ŋɛ̨n tii mąą mɛ̨nį hu.»

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 7:11

Israɛlə aa nɛ̨ŋɛ̨n gɛ. Mįnɛ̨i ŋɛ̨i kwa di nąnni ku ɉəɠə, daa mąą kala a tɛ̨ą, yai wɔlɔ ŋį́ mą́ą́ pamą la, diɛ. Hɛn ŋį́ tɔ́n dɔɔ mą, daa da həɠə, yai kɛ a nwɔ́ɔ́, daa da nwuɔ̨, daa now, daa nɔ di yəi hɛnŋąą lɔwai.