Levetekɔ 10:13 - Yálá laawoo hɛɓɛ (dc)

¹³ ka mįi kɛɛnąą mąąhəɠɛɛ ɓa, mąąhɔlɔɓo, kɔ̨nɔ̨n mąąnɛ̨ɛ̨i ə tɛɛ ka pɔ ka ə́ lonnii, diɛ gulɔ Yai-Laa nwɔ haláá kɔ̨nɔ̨n hu, yaa li. Mɛ̨nįi di dí la, yaa li.

Yálá laawoo hɛɓɛ

¹³ ka mįi kɛɛnąą mąąhəɠɛɛ ɓa, mąąhɔlɔɓo, kɔ̨nɔ̨n mąąnɛ̨ɛ̨i ə tɛɛ ka pɔ ka ə́ lonnii, diɛ gulɔ Yai-Laa nwɔ haláá kɔ̨nɔ̨n hu, yaa li. Mɛ̨nįi di dí la, yaa li.

Bible

¹³ Ka ílônii ka pɔ̂ri miî gwaa ma waai ma, kpɛ́ni fei, géreŋ sala-sɛŋ Yâwɛɛ mɛni mai kawɔ̂i ká ŋí yɛ̂ɛ, berei Yâwɛɛ è mò la ḿâi.

Levetekɔ 10:13 Iomraidhean Croise

Izikiɛ 42:13

Ɉulɔnui tii yɛ mą́ą́: Bɛlɛ́ yiiɠaai ŋɛ̨i ɲələi pələ, da yiiɠaai ɉɛɠɛɛ pələ di ɲɛ̨i heɛ gwəli hɛ̨ą ɓa, di kaa a kɛnąą mąąhəɠɛɛ, mąąhɔlɔɓo, nąą ɓə ɉaláá laahəli nuąi ŋɛ̨i da lɛɠɛ Yai-Laa ɓa da ɉɛnŋaa mąąhəɠɛɛɠaa mįi laa. Nąą ɓə ɉɛnŋaai kpɔ di mąąhəɠɛɛ kɛnɛ̨, da di hee laa, diɛ ɓaa: Yálá kɔ́ hɛn, nɛ̨ŋɛ̨n mąąhvaalɛɛ haláá hɛn, ɛlɛɛ da nu pɔɔŋa pɛli haláá. Mąąhɔlɔɓo, kɛɛnąą mąąhəɠɛɛ li.

Levetekɔ 10:12

Moisə yɛ Aarɔn da nonnii yiiɠaai tii lɛɛ ɲəi, Eleazarə da Itamarə diɛ: «Ka Yai-Laa nwɔ haláá kɔ̨nɔ̨n kulɔ kɛa ɉaláá hɛn ɉui, gbəlii tii a lɛɛ, ka ɉəɠə, ka mįi a lɛɠɛi dɛ hɛn va kɛ ɉu, ɉaláá kulɔi kwɛlɛ; mąąhɔlɔɓo, mąąhəɠɛɛi kpɔ kpąą;

Levetekɔ 10:14

Ɉuwɔ kəŋən tii di naa həli da ɉuwɔɠaai tii di gulɔ ɉu, ka gəlee mįi kɛɛnąą mąąhəɠɛɛ ɓa ka ə́ lonnii hinąą da nɛ̨ąą. Mąąhɔlɔɓo, Israɛlə lonnii di wɔ liilaa halááɠaai hu, ka wɛi mąąnɛ̨ɛ̨ ə kulɔ ɉu ə tɛɛ ka ə́ lonnii ka pɔ, yaa li.

Levetekɔ 2:3

Ɉaláá hɛn gbəlii a lɛɛ, gaa a Aarɔn da nonnii di wɔɔ, gaa a kɔ̨nɔ̨n mąąhəɠɛɛ, mąąhɔlɔɓo, Yai-Laa nwɔ haláá hɛn di gələn, da ka tii.

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Lonon mo 18:10

Ka di mįi yɛ kɔ̨nɔ̨n mąąhəɠɛɛ. Hinąą kəlee da pɛli da mįi, mąąnɛ̨ɛ̨ ə́ ɉɛnŋąąi tii kaa yɛ́ hɛn mąąhəɠɛɛɠaa.

Lonon mo 5:10

Nwɔɔ ɓaa nu kəlee nwɔ hɛn mąąhəɠɛɛɠaa. Ɉɛn nu tɛitɛi a dɛɛ ɉaláá laa həli mun bɔ, ɉaláá laa həli mun nwɔɔ li.»