Levetekɔ 10:1 - Yálá laawoo hɛɓɛ (dc)

¹ Aarɔn lonnii, Nadavə da Avihu di di wɔ lansan kələn hɛnŋąąi həɠə, di nwɔ̨n naa ɉu, di lansan pu ŋą, nwɔ̨n lúwɔ́ hvo mą, diɛ naa həli Yai-Laa ɓa; Yaan hvo kɛ di tí li a yili.

Yálá laawoo hɛɓɛ

¹ Aarɔn lonnii, Nadavə da Avihu di di wɔ lansan kələn hɛnŋąąi həɠə, di nwɔ̨n naa ɉu, di lansan pu ŋą, nwɔ̨n lúwɔ́ hvo mą, diɛ naa həli Yai-Laa ɓa; Yaan hvo kɛ di tí li a yili.

Bible

¹ Eelɔŋ ǹônii veerɛ, Nada da Abiu dí díŋɔŋ siɣe sɛŋ folo ŋai síɣe díŋɔŋ pú zu dí kéreŋ-sɛŋ kúŋ nɛ̃ɛ pú mɛi dí dɛ́ɛ Yâwɛɛ pɔ́. Kɛ́lɛ ŋ̀ɔŋ ŋí fé kɛ́ ní a maa waa, kpɛ́ni fêi Yâwɛɛ fé m̀ó ní dîa a gɛɛ dí gɛ́ tí.

Levetekɔ 10:1 Iomraidhean Croise

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Lɛɛ gbɔwɔ ɓa 24:9

Moisə ə tɛ, da Aarɔn, Nadavə Avihu da Israɛlə kalanɉon pow mɛ̨ihveelɛi.

Lɛɛ gbɔwɔ ɓa 27:3

Ɉaláá kulɔ hɛnɲąŋąɠaai tii kəlee pɛli a ɓala kwɛli, ə́ da pɛli a luwu kələ hɛn, ə́ da kɛ a gwoa-gwoa, ə́ da kɛ a ɲąmą taɠa hɛnɲąŋą, ə́ da kɛ a mįnɛ̨ ɲin ɉu kulaa, ə́ da kɛ a nwɔ̨n ɉəɠə hɛn.

Lɛɛ gbɔwɔ ɓa 28:1

«Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Lɛɛ gbɔwɔ ɓa 31:11

nwulɔ mąąhəɠɛɛ da ɉiɛ nuą diɛ, lansan ə́ kaa pai gələn ɉii bɛlɛ́ mąąhəɠɛɛ mu, mąąnɛ̨ɛ̨ di di kɛ kpɔlɔ ti ɲą́ą́lee, yɛ bələi ŋį́ ə́ tí la.»

Lɛɛ gbɔwɔ ɓa 37:29

Di mąątí wulɔ mąąhəɠɛɛ pɛli, da lansan da gələn, nwulɔ pɛli nuą kɛ kóló li.

Lɛɛ gbɔwɔ ɓa 38:3

Di ɉaláá kulɔi hɛnŋąą pɛli a ɓala kwɛli; gəgənŋąą, goagoaɠaa, nuwu pu hɛnŋąą, deaɠaa mįnɛ̨ɠaa da nwɔ̨n ɉəɠə hɛnŋąą.

Lɛɛ gbɔwɔ ɓa 40:27

Ə lansan kələn mɛ̨i, yɛ bələi Yai-Laa ə dí la.

Lɛɛ gbɔwɔ ɓa 6:23

Aarɔn ə Aminadavə lon Elisabɛtə həɠə a nɛ̨ą, Nasɔn mąąhala. Da yaa di lon ɉinąą nąąn ɉɔlɔɓo, di laa ka: Nadavə, Avihu, Eleazarə da Itamarə.

Lɛɛ gbɔwɔ ɓa 8:27

Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Ɉeremi 19:5

Yii daa haláá kulɔi pɛli Baalə ɓa, diɛ di lonnii kələn naa Baalə ɓa; ɛlɛɛ yaan, ɲą́ą́ hvəi di tɔɔ la, yili kili hvo ta too li ɲą́.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 44:15

Kɛlaa, ɉinąąi tii kɛ gbaɠala kɔ́lɔn, diɛ kɛ di nɛ̨ąni da kɛ haláá kulɔi haliɠaa diɛ, ə mą kɛ, da nɛ̨ąąi tii kɛ laa ɲąąkpɔn gɛnɛ̨ hu, nuąi kpɔ tii pa heei Eziptə, Patrɔsə lɔi hu, di Ɉeremi woo pulu pənə diɛ mą:

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Levetekɔ 16:1

Aarɔn non ɉinąą hveelɛi tii pa a nwɔ̨n lúwɔ́ hvo mą Yai-Laa lííla, di haa pulu, Yai-Laa yɛ Moisə ɓa:

Levetekɔ 16:12

Ə ləɠi lon naahvɛɛ a ɉaláá kulɔi nwɔ̨n dəŋą ta, yii gaa Yai-Laa lííla, ə bɛlɛ lansan ɲee ɲąą hveelɛ ɓa, ə li a diɛ ɉəɠə ɓɛla pulu pələ.

Levetekɔ 22:9

«Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Lonon mo 26:61

Nadavə da Avihu di haa, ɓɛlɔwai di paa la Yai-Laa lííla a nwɔ̨n lúwɔ́ hvo kɛ too li mą.

Lonon mo 4:18

«Ka hvo gɛ di hvo pa Kehatə nwɔ kwəlii hu nuą laa kulɔ Levi nu huwu lɔwai.

Dutɛrɔnome 17:3

mąą nu yɛ haliɠaa mąąwiɛ, yɛ pɛlɛ di lííla, yɛ pɛlɛ hvóló da ŋąnin, da yələ kwəi hɛnŋąą lííla; ɲą́ą́ hvəi dí la.

Dutɛrɔnome 4:2

Dɔnŋąą ŋɛ̨i gáá dɛɛi ka pɔ, mąą hvo nɛ̨ɛ̨li ka hvo da kulɔ mą, ka hvo da pɛlɛ mą. Ka Yai-Laa ka wɔ Yálái nwɔ tɔ́nŋąą hon yai gáá dɛɛi ka pɔ.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.