Levetekɔ 1:5 - Yálá laawoo hɛɓɛ (dc)

⁵ Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.

Yálá laawoo hɛɓɛ

⁵ Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.

Bible

⁵ Gɛ̀ ní a pɔ̂ri daa-tûlɛi paâi Yâwɛɛ ŋɛ́i-tuɛ. Eelɔŋ ǹônii, nyii-ŋai díkaa a zala-laa-soŋ-ƃelai dí daa-tulɛi ŋãa kpɛ́mɛŋ ŋ̀âla-teƃelei kpono ma dínaŋ ma Yâwɛɛ ŋɔsua kɔ̂lɔ seɣe pɛrɛi láƃelei.

Levetekɔ 1:5 Iomraidhean Croise

Kɔlɔnikɔ Veerɛi 35:11

Di pakə haláá hɛnŋąą paa, ɉaláá laa həli nuą kpɛa-kpɛaa di ɲąmą həɠə di bu, lévi lonnii diɛ tee.

Lɛɛ gbɔwɔ ɓa 29:11

Ə́ nįŋɛ̨ nwun dee Yai-Laa lííla, gee kaa pɛlɛ laaləi.

Lɛɛ gbɔwɔ ɓa 29:16

Ə́ mɛlaa hilɛi ti paa, ə́ ɲąmą həɠə, ə́ daɠa ɉaláá kulɔ kəhi ɓa.

Lɛɛ gbɔwɔ ɓa 40:6

Ɉaláá hɛn da gəlee kələn nwɔ taɓali, ə́ vilɛn gee kaa kələ laaləi ɲɛ̨i tɔwɔ.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 43:18

Ɉulɔnui tii yɛ mą́ą́: hulənu lon, Mɛ̨nį kəlee ŋą Hééɓomun Yálá woo ka: ɲələi di kaa pai ɉaláá kulɔi tɔɔi la, nąą mąą tɔ́nŋąą ka; Yálá kɔ́ haláá kulɔ mɛ̨nį ɓa mɛ̨i, diɛ ɲąmą pu laa.

Levetekɔ 1:11

Da nwun dee ɉaláá kulɔi ɲələi pələ Yai-Laa liíla. Yili pulu, Aarɔn lonnii a ɉaláá laa həli nuą, da ɲąmą pu ɉaláá kulɔi ɓa di dínɛ̨n di doo gee hu.

Levetekɔ 1:15

Ɉaláá laa həli mun a naa ɉaláá kulɔi, ə gɔn gbəlaan ə gulɔ ɲą, ə nwun ganin gələn yili pulu, ə ɲąmą taɠa ɉaláá kulɔi ɓa.

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 17:11

Mąąhɔlɔɓo, hɛn kpɔ gaa a vulú, nwɔ yɛnɛ̨ɛ̨ kaa ɲąmą hu. Ɛlɛɛ, ŋį́ dɛɛ ka pɔ, kaa pɛli ka wɔɔ yɛnɛ̨ɛ̨ nwun mąąɓo haláá kulɔi la ɉaláá kulɔ kəhi mɛ̨i. Mąąhɔlɔɓo, ɲąmą ɓə da ka wɔ yɛnɛ̨ɛ̨ nwun mąąɓo la.

Levetekɔ 3:13

di di yee pɛlɛ nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:8

da di yee pɛlɛ daatɛlɛɛ tii nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą di doo gee hu.

Levetekɔ 4:29

A ɲee pɛlɛ nɛ̨ŋɛ̨n mąąhvaalɛɛ haláá taatɛlɛɛi tii nwuɔ̨, di nwun dee ɓɛi haláái da gəlee kələn, nwɔ taatɛlɛɛɠaa nwun dee laa.

Levetekɔ 4:33

A ɲee pɛlɛ daatɛlɛɛ tii nwuɔ̨, di nwun dee a nɛ̨ŋɛ̨n mąąhvaalɛɛ haláá, ɓɛi tii haláá hɛn da gəlee kələn, nwun dee laa.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Mise 6:6

Lə kpɔ ɓə ɲə́i gɛ́ li tɔɔi la Yai-Laa lííla? Gɛ́ li pɛlɛi la yələkɔlɔ́n ɉu Yálá kɔ́wɔ mu? A kɛ tii, ŋą́ li bɔ a haláá hɛn da gəlee kələn? Ŋą́ li kan a kwɛlan dɔ̨nɔ̨ nįŋɛ̨ɠaa?

Lonon mo 18:17

Kɛlaa, nįŋɛ̨ haa, ɓɛlaa haa, ɓolu haa, hva di lon dɔlɔɔɠaai lɛɛ laa di hvo di nwun mąąɓo. Di kulɔ mą́ą́ a haláá, yá di ɲąmą pu ɉaláá kulɔ kəhi mɛ̨i, ə́ di wulɔ kələn a hɛn gun nɛ̨ɛ̨, a Yai-Laa nwɔɔ, yɛ niilaa.

Hebreu 10:11

Yii kpɔ, ɉaláá laa həli nuą tɛitɛi, di kɛi tɔɔ a yələ kəlee, diɛ haláá huwu tanɔ̨n gbən kulɔ lɔ, geemɛ̨i pɔlɔɔ-pɔlɔɔ, yai hva pɛli kpɔ kɛ nɛ̨ŋɛ̨n gulɔi nuą diɛ,

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Samuɛlə dɔlɔɔ 1:25

Di nįŋɛ̨ hilɛ kulɔ a haláá, di nokolo tɛɛ Eli pɔ.