Levetekɔ 1:4 - Yálá laawoo hɛɓɛ (dc)

⁴ Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Yálá laawoo hɛɓɛ

⁴ Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Bible

⁴ É ǹyée pɛ́lɛ géreŋ sama-sɛŋ ŋuŋ ma a gɛɛ Yâwɛɛ é ǹyée sée zama-sɛŋ mu-maa-nuui ŋɔsɔnyɔ̂ŋ su mɛni lɛɛ mɛni ma.

Levetekɔ 1:4 Iomraidhean Croise

Lɛɛ gbɔwɔ ɓa 28:38

Ɉɛn tii ɓə pai kɛi Aarɔn tɔwɔla, ɓɛlɔwai a kɛ pai la ɲą́ą́ Yai-Laa nííla. Ɉɛn tii haalai, haláá hɛnŋąąi Israɛlə lonnii da naa həli mą́ą́, ŋą́ ɲéé hee mu, ə mą kɛ daa hɔn ɲɔ̨n da kɛ, níí holiɛ ɉu.

Lɛɛ gbɔwɔ ɓa 29:10

«Ə́ pa a nįŋɛ̨ hilɛi ti gee kaa pɛlɛ laaləi, Aarɔn da nonnii di di yee pɛlɛ nwuɔ̨.

Lɛɛ gbɔwɔ ɓa 29:15

«Yili pulu, ə́ mɛlaa hilɛ tɔ̨nɔ̨ həɠə, Aarɔn da nonnii di di yee pɛlɛ nwuɔ̨.

Lɛɛ gbɔwɔ ɓa 29:19

«Yili pulu, ə mɛlaa hilɛ veelɛnąą həɠə, Aarɔn da nonnii di di yee pɛlɛ nwuɔ̨,

Lɛɛ gbɔwɔ ɓa 29:33

Yii di gɛ a nɛ̨nŋɛ̨n gbɛɛ haláái, ɓɛlɔwai da kɛ ɉaláá kulaa mąą laa tɛɛ la di pɔ, diɛ di hee a ɉaláá kulɔ nuą, da yili mįi. Nu takpɛli lɔpee hva da mįi, mąąhɔlɔɓo, hɛn mąąhəɠɛɛ li.

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Izikiɛ 45:15

Ɓɛlaa kpulu nwun veelɛ a kɛ Israɛlə kpomói, ɓɛlaa tɔ̨nɔ̨ a kɛ a Yálá kɔ́ hɛn; a haláái da gəlee kələn, da liilaa haláá; a nuą mąąhəɠə mɛ̨nį. Mɛ̨nį kəlee ŋą Hééɓomun Yálá woo li.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 16:24

A kpɛɛ a yili ə gbinį waa a yá gɛɛnąą mąąhəɠɛɛ ɓa; Yili pulu, nwɔ hɛnŋąąi tɔlɔɔ nee kɛ mą, ə yiliɠaa kɛ mą, ə kulɔ, ɉaláái da gəlee kələn, ə yili kulɔ, gbɔwɔ mąą mɛ̨nį ɓa, da nɔi nuą mąą mɛ̨nį ɓa.

Levetekɔ 22:21

Nu ta a nwoo kwɛlɛ, a wala kɛ tii, a lɛɛ gbɔwɔ ɓa, gwəi a nɛ̨ɛ̨, yɛ kɛ gaa liilaa haláá laa həli Yai-Laa ɓa, yɛ ə kɛ a nįŋɛ̨, yɛ ə kɛ a ɓɛlaa, a wala kɛ tii, ɓooli, a kɛ bɔ di di yee hee mu, mąąnɛ̨ɛ̨ kpɛɠii lɔpee ta hvo kɛ daatɛlɛɛ tii ɓa.

Levetekɔ 22:27

«Taatɛlɛɛ ta a gaa, ə kɛ a nįŋɛ̨ lon, ə kɛ a ɓɛlaa lon a wala kɛ tii, ɓooli lon; a lɛɛ nee ɓa, ə hvóló mɛ̨ihveelɛ kɛ. A kɛ tii, da pɛli di naa həli Yai-Laa ɓa a haláá; da pɛli di yee heei mu.

Levetekɔ 3:13

di di yee pɛlɛ nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:8

da di yee pɛlɛ daatɛlɛɛ tii nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą di doo gee hu.

Levetekɔ 4:15

Galanɉonŋąą kəlee da di yee pɛlɛ nįŋɛ̨n gbon nwuɔ̨, Yai-Laa lííla, di nwun dee Yai-Laa lííla.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:24

A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 4:29

A ɲee pɛlɛ nɛ̨ŋɛ̨n mąąhvaalɛɛ haláá taatɛlɛɛi tii nwuɔ̨, di nwun dee ɓɛi haláái da gəlee kələn, nwɔ taatɛlɛɛɠaa nwun dee laa.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 4:33

A ɲee pɛlɛ daatɛlɛɛ tii nwuɔ̨, di nwun dee a nɛ̨ŋɛ̨n mąąhvaalɛɛ haláá, ɓɛi tii haláá hɛn da gəlee kələn, nwun dee laa.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 4:4

A pa a nįŋɛ̨ lon tii gee kaa kələ laaləi Yai-Laa lííla, ə ɲee pɛlɛ nwuɔ̨, ə nwun dee Yai-Laa lííla gee kaa kələ laaləi.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 6:7

«Bələi mąąnɛ̨ɛ̨ di Yálá kɔ́ la a hihɛn má ta, bələ ka: Aarɔn lonnii ɓə da yili laa həli Yai-Laa ɓa, ɉaláá kulɔ kəhi lííla.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Levetekɔ 8:18

Ə pa a ɉaláá ɓɛlaa hilɛ yii da gəlee kələn, Aarɔn da nonnii di di yee pɛlɛ nwuɔ̨,

Levetekɔ 8:22

Ə mo di pa a mɛlaa hilɛ veelɛ nąą, a ɉaláá kulɔ nuą hee ɓɛlaa hilɛ. Aarɔn da nonnii di di yee pɛlɛ nwuɔ̨.

Levetekɔ 9:7

Ya ɓə Moisə a kɛ Aarɔn ɓa: «Ə́ mąą lɛɠɛ ɉaláá kulɔi ɓa, nɛ̨ŋɛ̨n ə́ ɉəɠə ə́ mąąhvaalɛɛ haláá kulɔ, da haláá hɛn da gəlee kələn, ə́ kpɔwɔ mąą mɛ̨nį ɓa, ká ə́ wɔ pɛ́lɛ́i. Yili pulu, ə́ nuą di wɔ Yálá kɔ́ hɛn laa həli, yɛ nu mąą hvaalɛɛ haláá kóló kɛ di mąą mɛ̨nį ɓa, yɛ bələi Yai-Laa ə mo la.»

Lonon mo 15:25

Ɉaláá laa hɛlimun a nɛ̨ŋɛ̨n mąąhvaalɛɛ woo ɓo, Israɛlə lonnii kəlee mąą mɛ̨nį ɓa, Yálá yɛ kɛa di mąą hvaalɛɛ; hvo gaai ə kɛ a nu tɛɠii nɛ̨ŋɛ̨n. Da pa a ɉaláá hɛn, a kɔ̨nɔ̨n da gələn Yai-Laa ɓa. Ɛlɛɛ, da nɛ̨ŋɛ̨n mąąhvaalɛɛ haláá laa həli Yai-Laa ɓa, di tɛɠii nɛ̨ŋɛ̨n tii mąą mɛ̨nį ɓa.

Lonon mo 15:28

Ɉaláá laa həli mun a tɛɠii nɛ̨ŋɛ̨n mąąhvaalɛɛ woo ɓo nui tii mɛ̨i, a kɛ tii, mąąhvaa a lɛɛ.

Lonon mo 25:13

Mįnɛ̨i tii kaa lɛɛ a yaa da ɉuwu di wɔɔ. Mįnɛ̨i tii kaa pai ɉaláá laa həliɛ mąą laa lɛɛi di yəi a yələ kəlee, hvo gaai ə nwɔ Yálái mąą tolo kulɔ; yɛ Israɛlə lonnii di wɔ nɛ̨ŋɛ̨n mąą kwələ kulɔ kóló kɛ.»

Lonon mo 8:10

Ə́ Levi lonnii mąą lɛɠɛ Yai-Laa lííla, Israɛlə lonnii kəlee di di yee pɛlɛ di nwuɔ̨.

Lonon mo 8:12

Levi lonnii da di yee pɛlɛ nįŋɛ̨ hilɛɠaa nwuɔ̨, ə́ nįŋɛ̨ hilɛɠaa laa həli Yai-laa ɓa, dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá, dɔ̨nɔ̨ a kɛ a haláá hɛn da gəlee kələn. Yɛ nɛ̨ŋɛ̨n mąąhvaalɛɛ kóló kɛ la tii Levi lonnii mɛ̨i.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Hebreu 10:4

Mąąhɔlɔɓo, niŋɛ̨ ɲąmą da ɓolu ɲąmą di hva pɛli nɛ̨ŋɛ̨nŋaa kulɔi nu ɓa.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.