Levetekɔ 1:3 - Yálá laawoo hɛɓɛ (dc)

³ «Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Yálá laawoo hɛɓɛ

³ «Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Bible

³ À kɛ̀ ŋɔsama-sɛŋ káa a kéreŋ sama-sɛŋ nyii è gùla ŋɔniŋa-ŋai samai, fɛ̂ɛ maa niŋai é kɛ́ a zirɛ nyii pɔ́ɔ fé mai. É maa salai kúla Yâwɛɛ ŋɔsua kɔ̂lɔ seɣe pɛrɛi gbôŋ lá a gɛɛ Yâwɛɛ é ǹyée sée mu.

Levetekɔ 1:3 Iomraidhean Croise

Zɛnɛse 22:13

Abrahamə yɛ gaa ɲɛ̨i laai gwɛlɛ, ə ɓɛlaa hilɛ ta kaa tɔɔni gwɛlɛ, kpɔlɔ aa kpəlaan mįnɛ̨ ɓa, ə li ə ɉon, ə gulɔ a haláá, a non mąąhvalin.

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Zɛnɛse 22:8

Abrahamə ə nwoo ŋąąpənə, yɛ mą: «Nón, Yálá kpinį ɓə pai mɛlaa lon gɛi.» Di tɛɛ diɛ li.

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Kɔlɔnikɔ Veerɛi 29:32

Ɉaláá hɛn da gəlee kələn, yii kpɔ nɔi lonnii di paa la, ə kɛ a nįnɛ̨ hilɛ pow mɛ̨ihveelɛ, ɓɛlaa hilɛ nwundɔ̨nɔ̨, ɓɛlaa lon nwun veelɛ, gəlee di kɛ haláá hɛn da gəlee kələn a Yai-Laa nwɔɔ.

Kɔlɔnikɔ Veerɛi 35:12

Ɓɛlɔwai di kɛi ɲąąkwɛlɛ la, diɛ nɔi lonnii di wɛi tɛɛ di pɔ, yɛ bələi bɛlɛ́ɠaa hee pələ kaa la, yii mąąnɛ̨ɛ̨i kɛ di kulɔ Yai-Laa ɓa a haláá hɛn da gəlee kələn, di kɛ gulɔ ɉu, diɛ naa a dee, yɛ bələi bɛ̨ɛ̨i la Moisə nwɔ hɛɓɛ́i hu. Di gɛ lɔ tii a nįnɛ̨ hilɛɠaa.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Lɛɛ gbɔwɔ ɓa 24:5

Yili pulu, ə Israɛlə hilɛlɛa tɔɔ yiliɠaai di Yálá mąąwiɛ haláá kulɔ, di nįŋɛ̨ gbɔnŋaa paa Yai-Laa ɓa a liilaa haláá.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Lɛɛ gbɔwɔ ɓa 29:4

«Yá pa a Aarɔn da nonnii gee kaa pɛlɛ laaləi, ə́ di waa,

Lɛɛ gbɔwɔ ɓa 29:42

Yələ kəlee haláá li, mąąnɛ̨ɛ̨ ka gulɔ kwɛlan gəlee da nwɔɔ, gee kaa pɛlɛ laaləi, Yai-Laa líílaa, ɓɛi gáá pai kɛi ka kaai laa, gɛ́ pələ ɓo kaa.

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Lɛɛ gbɔwɔ ɓa 35:21

Yili pulu, nui lɔpee nąą wɛli ə kɛ mą, nui lɔpee kɛ naa gwəi mɛ̨inɛ̨ ə kɛ ɲəi, di paa la a Yai-Laa kɔ́ hɛn; Gəlee di kɛ a gee kaa kələ góló kɛ hɛn, da díɓoɠaa pai kɛi mu mąą mɛ̨nį kəlee ɲɛ̨i kulɔ mɛ̨nį, da ɉaláá həɠəɠaa pɛli mɛ̨nį.

Lɛɛ gbɔwɔ ɓa 35:29

Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Lɛɛ gbɔwɔ ɓa 35:5

«Ka hɛnŋąą kulɔ a Yai-Laa nwɔɔ. Nui gwəinɛ̨ɛ̨, ə naa gwəi mɛ̨inɛ̨ɛ̨ kɛ Nąmu ɓa: hɛni, wali kwɛli, ɓala kwɛli,

Lɛɛ gbɔwɔ ɓa 36:3

Ɉɛnŋąąi kpɔ Israɛlə lonnii di paa la bɛlɛ́ mąą həɠɛɛ mąą mɛ̨nį ɓa, di ɉon Moisə yəi, diɛ gólóɠaa kɛ la, kɛlaa, nuą di kɛi lɔ pa a da kɛnɛ̨ yələwala pɔ tɛitɛi kəlee.

Lɛɛ gbɔwɔ ɓa 38:1

Yili pulu, di ɉaláá kulɔi pɛli a kpitili wulu, gwɛa yee ə ɓo a yee laa mą lɔɔli, ɲąą kɛnɛ̨ yee ə ɓo a yee laa mą lɔɔli, nąą kəlee pɛliɛ a gee, ɛlɛɛ, dɔɔmɛ̨i ə ɓo a yee laa mą haaɓa.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Izikiɛ 20:40

Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.

Izikiɛ 40:39

Bɛlɛ́i tii ɲimɛ̨n mu, taɓali hveelɛ ə kɛ ɓɛ pələ, da ɓɛ pələ; di mɛ̨i ɓə, da Yálá kɔ́ haláá taatɛlɛɛ nwun dee laa, da nɛ̨ŋɛ̨ɲ mąąhvaalɛɛ haláá taatɛlɛɛ, da nu pɔɔ ŋą pɛli haláá nwɛi.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 14:10

«Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Levetekɔ 16:7

A molu hilɛ hveelɛi tii həɠə, ə di tɔɔ Yai-Laa lííla, gee kaa kələ laaləi,

Levetekɔ 17:4

a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.

Levetekɔ 17:8

«'Mo nwɔ̨nɔ̨ diɛ, yɛ diɛ: Israɛlə mun da, a wala kɛ tii, ka mąą nwɛ̨ąi gaa heeni ka kɔ́wɔ mɛ̨i, da a ɉaláái da gəlee kələn gulɔ, a wala kɛ tii, Yálá kɔ́ haláá kulɔ,

Levetekɔ 17:9

a wala gɛ hvo paa la gee kaa kələ laaləi, hvo gɛ a Yai-Laa nwɔ haláá; mąąnɛ̨ɛ̨ di mąą nu kulɔ nwɔ nuą lɔwai.

Levetekɔ 23:12

Voló tɔ̨nɔ̨i tii yee mu, mąąnɛ̨ɛ̨ ka haláá kulɔ Yai-Laa ɓa a kwɛlan dɔ̨nɔ̨ ɓɛlaa lon, yii kpɛɠii hva kɛ mą, a haláá hɛn da gəlee kələn,

Levetekɔ 23:18

Yii mąąnɛ̨ɛ̨ ka naa nɛɠɛ mɔ̨nŋąą tii mɛ̨i, ya ɓaa: kwɛlan dɔ̨nɔ̨ ɓɛlaa lonnii mɛ̨ihveelɛ, kpɛɠii hvo kɛ da ɓa; nįŋɛ̨ hilɛ tɔ̨nɔ̨, ɓɛlaa hilɛ hveelɛ, di gəlee kulɔ Yai-Laa ɓa a haláái da gəlee kələn, di bɛlɛ Yálá kɔ́ hɛn ma da nɔɔ; haláá mąą kun nɛ̨ɛ̨ li yɛ Yai-Laa liilaa.

Levetekɔ 3:1

«Nu ta a kɛ bɔ ə liilaa haláá kulɔ, a kɛ taatɛlɛɛ kpɛa-kpɛa ta ɓə, a gɛ a ɉilɛ, a wala kɛ tii, ɉaa. Mąą hvo nɛ̨ɛ̨li, hɛn ə́ kaa Yai-Laa kɔ́i la, kpɛɠii hvo kɛ mą.

Levetekɔ 4:15

Galanɉonŋąą kəlee da di yee pɛlɛ nįŋɛ̨n gbon nwuɔ̨, Yai-Laa lííla, di nwun dee Yai-Laa lííla.

Levetekɔ 4:23

nɛ̨ŋɛ̨n ə ɉəɠə da nɛ mą, mąąnɛ̨ɛ̨ ə pa a ɓolu hilɛ yii kpɛɠii hva kɛ mą.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 4:32

«Akɛ ɓɛlaa ɓə gaa bɔ ə gɛ a nɛ̨ŋɛ̨n mąąhvaalɛɛ haláá hɛn, mąąnɛ̨ɛ̨ ə kɛ a ɓɛlaa haai kpɛɠii hvo kɛ mą.

Levetekɔ 5:15

«Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Levetekɔ 5:18

mąąnɛ̨ɛ̨ ə pa a ɓɛlaa hilɛ ɉaláá laa həli mun bɔ, kpɛɠii hvo kɛ mą, a ɉəɠə nwɔ taatɛlɛɛ kpulu hu, ɉɔ̨nwɔ̨ yɛ həli nu pɔɔŋą pɛli haláá wali hu. Nɛ̨ŋɛ̨n tii mąą nu ə ɉəɠə gbaɠala hvo kɛ mą, ɉaláá laa həli mun a mąąhvaalɛɛ kóló kɛ mɛ̨i, nɛ̨ŋɛ̨n tii ə kulɔ mą.

Levetekɔ 6:2

«Mɛ̨nįɠaa ŋɛ̨i laa həli Aarɔn da nonnii diɛ, yɛ diɛ: «Haláá hɛn da gəlee kələn gulɔ pələ ka: Ka ɉaláá hɛn naa ɉaláá kulɔ nwɔ̨n dəŋą ŋą, ə yii laa, ə lɛɛ la ɉu yələ ə ɓɔ, nwɔ̨n və luwun.

Levetekɔ 6:8

Ɉaláá laa həli mun dɔ̨nɔ̨ a ɲee pɛlɛ nɛɠɛ hunwɔ̨ hu, yii wulɔ kaa mą, da lansan, ə gələn ɉaláá kulɔi; liilaa haláá kun nɛ̨ɛ̨ li, yɛ nu nąą kili too Yai-Laa ŋą.

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Levetekɔ 8:18

Ə pa a ɉaláá ɓɛlaa hilɛ yii da gəlee kələn, Aarɔn da nonnii di di yee pɛlɛ nwuɔ̨,

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Levetekɔ 9:2

Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Lonon mo 15:8

Akɛ nįŋɛ̨ hilɛ ɓə di kaa gələn ɉii Yai-Laa ɓa, awala kɛ tii liilaa haláá, awala kɛ tii a haláá daa naakwɛlanmo,

Lonon mo 19:2

«Ɲɛnɛ̨ɛ̨ hon bələ ta ka; Yai-Laa ɓə mo. 'Mo Israɛlə lonnii diɛ di pa ə́ pɔ a nįŋɛ̨ háá kpɔluɔ, pɔɔ hva kɛ mą, mąą kulɔi hva kɛ mą, a nįŋɛ̨i hvo nii kóló kɛ li.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Lonon mo 23:27

Balakə yɛ Balaamə ɓa: «'Pa tai, gáá lii a yɛ́ kɛɛnąą takpɛli ɓa. Yálá kaa kiɛ pai hvaai mą, ə́ nu huwui tii nɛ̨ŋɛ̨n nąą gɛɛnąąi tii ɓa mą́ą́.»

Lonon mo 23:3

Balaamə yɛ Balakə ɓa: «Tɔɔ ə́ wɔ haláái kwɛlɛ, ŋą́ mąą tawolo tɛ. Gbəli hu Yai-Laa kaa pai mɛ̨nį ɓoi mą́ą́, yii lɔpee a mo mą́ą́, ŋą́ ɉukulɔ yɛ́.» Ə tɛ yee ta ɓa, mąą pɔ̨nɔ̨ɔ̨.

Lonon mo 23:30

Balakə ə gɛ yɛ bələi Balaamə ə mo la mą. Yili pulu, ə nįŋɛ̨ hilɛ tɛi-tɛi da ɓɛlaa hilɛ tɛi-tɛi kulɔ a haláá, ɉaláá kulɔi tɛi-tɛi ɓa.

Lonon mo 28:11

«Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Lonon mo 28:19

Kaa kɔ̨nɔ̨nŋąą laa həli Yai-Laa ɓa, a haláái da gələn. Nįŋɛ̨ hilɛ hveelɛ ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ, a taatɛlɛɛɠaai kpɛɠii hva kɛ diɛ.

Lonon mo 28:31

Ka ɉɛnŋąąi tii kəlee pɛlɛ ɉaláái mąąnɛ̨ɛ̨ di gəlee kələn mą, ka gulɔ a yələ kəlee, da Yálá kɔ́ hɛn dakpɛliɠaa, da nɔɔi mąąnɛ̨ɛ̨ ə pɛlɛ diɛ. Ka gɛ a taatɛlɛɛɠaai kpɛɠii hva kɛ diɛ.

Lonon mo 29:13

Ka kɔ̨nɔ̨n mąą kun nɛ̨ɛ̨ tɛɛ Yai-Laa pɔ a haláái da gəlee kələn, yɛ niilaa, nįŋɛ̨ hilɛ pow kɔ́w haaɓa, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn, yiiɠaa kpɛɠii hva kɛ da ɓa.

Lonon mo 29:2

Ka haláái da gəlee kələn gulɔ Yai-Laa ɓa, mąą kun nɛ̨ɛ̨, yɛ niilaa. Ka gɛ a nįŋɛ̨ tɔ̨nɔ̨, da ɓɛlaa hilɛ tɔ̨nɔ̨; da kwɛlan dɔ̨nɔ̨ ɓɛlaa lonnii mɛ̨ihveelɛ, yiiɠaa kpɛɠii hva kɛ diɛ.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Ɉaan 10:7

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Dutɛrɔnome 12:27

Ka káá pai kɛi haláá yii da gəlee kələn gulɔi, Yai-Laa ka wɔ Yálá nwɔ haláá kulɔ kəhi mɛ̨i, a ɉuwɔ da ɲąmą. Kɛlaa, ɉaláá takpɛliɠaa tii ka di kulɔ, ka ɲąmą pu Yai-Laa nwɔ haláá kulɔi, ka ɉuwɔ mįi.

Dutɛrɔnome 15:21

Kɛlaa, kiliin ɉii a kɛ ɉuwɔi tii ɓa, yɛ lɔwu, a wala kɛ tii, ɲɛ̨ipuɔ, awala kɛ tii, nąą takpɛli ə ɓo mą, ka hvo Yai-Laa ka wɔ Yálá kɔ́ la.

Dutɛrɔnome 17:1

Kpɛɠii a kɛ ka wɔ nįŋɛ̨ ta ɓa, a wala kɛ tii, ka wɔ taatɛlɛɛ ta ɓa, ka hvo Yai-Laa ka wɔ Yálái kɔ́ la, yili kaa a mɛ̨nį mąąliɓiɛ Yai-Laa ka wɔ Yálái ɲɛ̨i ɓa.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,