Levetekɔ 1:17 - Yálá laawoo hɛɓɛ (dc)

¹⁷ Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Yálá laawoo hɛɓɛ

¹⁷ Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Bible

¹⁷ É zóŋ a goôŋ veerɛ é zu-ƃéla, kɛ́lɛ vé gula ŋ̀á. Zâla láa-soŋ-nuui é géreŋ gɔi mɛi ŋɔŋ ŋá ŋ̀âla-teƃelei ŋá. Gáa a kéreŋ sama sɛŋ kuŋ nɛ̃ɛ Yâwɛɛ mɛni ma.”

Levetekɔ 1:17 Iomraidhean Croise

Zɛnɛse 15:10

Abramə ə pa a ɉɛnŋąąi tii, ə baa, ə ɉu tee ɉu hveelɛ hveelɛ, hvo kɛli lɔ nwɛ̨ni hveelɛi tii ɓə hvo ɉu tee, ə ɉɛnŋąąi tii kəlee həɠə, ə bu ɉaláá kulɔi.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 5:8

A pa a diɛ ɉaláá laa həli mun bɔ, yili ə gbɛa nɛ̨ŋɛ̨ mąąhvaalɛɛ haláá laa həli. A nwɛ̨ni kpowola ɓɛla a ɲeeɲąnin, kɛlaa hva gulɔ ŋą.

Levetekɔ 6:14

Da ɲələn nwɔ̨mįi kɛ ləɠi hu a wulɔ. Ə́ paa la, bɛliɛ kpɔ a nɛlɛɛ, ə́ ɉaláá lɛɠɛi tii hu yali a gbuɔ pɛlɛɛ, ə naa həli Yai-Laa ɓa, hɛn mąą kun nɛ̨ɛ̨ li, yɛ Yai-Laa liilaa.

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Levetekɔ 9:13

Di ɉaláá huwɔ kpuwuluɠaa tɛɛ bɔ, ə mą kɛ, nwun ganin, ə di kələn ɉaláá kulɔ kəhi mɛ̨i.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Lonon mo 28:8

Da mɛlaa lon veelɛnąą kulɔ a haláá hvitili ɓa lɔwai; lɔ yɛ bələi da yələwala pɔ nwɛi kɛ la, da naa həli Yálá ɓa da gɔ́ hɛnŋąą, bɛlɛɛ nɔɔ ɓa. Kɔ̨nɔ̨n mąą kun nɛ̨ɛ̨ li, a Yai-Laa nwɔɔ, yɛ níílaa.

Maafîu 27:50

Yili pulu, Jesus ə tómą kpɔ kɛnɛ̨, nįį ə kulɔ.

Ɉaan 19:30

Yii kɛa ə nɔɔ kponai tii ta kpələ, yɛ diɛ: «Mɛ̨nį kəlee aa pɛli ɉu. Ə nwun vilɛn, nįį ə kulɔ.»

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.