Ɉeremi 9:25 - Yálá laawoo hɛɓɛ (dc)

²⁵ Ŋą́ kpɔli Eziptə nuą la, ə mą kɛ Ɉuda nuą, da Edɔmə nuą, Amɔn nuą, da Moabə nuą. Ə mą kɛ nuąi tii nɔi pun ɉu di nwun gɛlaanŋąą, di kpɛlɛ kɛlaanŋąą. Mąąhɔlɔɓo, lɔi kəlee kaa a kɛ́nɛ̨ kpolaɠaa. Israɛlə nuą diɛ kpɛli diɛ ɓo a kɛ́nɛ̨ kpolaa di kili pɔ pələ.

Yálá laawoo hɛɓɛ

²⁵ Ŋą́ kpɔli Eziptə nuą la, ə mą kɛ Ɉuda nuą, da Edɔmə nuą, Amɔn nuą, da Moabə nuą. Ə mą kɛ nuąi tii nɔi pun ɉu di nwun gɛlaanŋąą, di kpɛlɛ kɛlaanŋąą. Mąąhɔlɔɓo, lɔi kəlee kaa a kɛ́nɛ̨ kpolaɠaa. Israɛlə nuą diɛ kpɛli diɛ ɓo a kɛ́nɛ̨ kpolaa di kili pɔ pələ.

Bible

^25-26 Yâwɛɛ è mò ǹyɛɛi, “Vóloi káa pâi tãi ŋa pâi Ize-ŋai, Zuda-ŋai, Idɔŋ-ŋai, Amɔŋ-ŋai, Môa-ŋai kula maa kɛ̂i la, da diai kélee díseɛɛ káa vɛ̃ɛ-kpâlaŋ su kwaa kôyaa ma nyíi-ŋai da díŋuŋ ƃôi. Dí ǹûai ŋí kélee sèe kpono-mɛi kɛ́lɛ dífa tûa yɛ̂ɛ diai dí seɛɛ̂i kpono mɛi. Ǹûai ŋí da Eezuɛ-ŋai kélee dífa ŋátɔ̂ŋ mɛi kâa.”

Ɉeremi 9:25 Iomraidhean Croise

Ɉeremi 25:23

Dedan nuą Tema nuą, Buzə nuą da nuąi kpɔ tii da di nwun galaan,

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 49:32

Di wɔ ɲɔ̨nwɔmɛɛɠaai daa lɛɛ a too ɉu hɛn, di wɔ taatɛlɛɛ kpului aa lɛɛ a kɔ́ hon. Gáá di hu taɠai, yələ ɲɛ̨i, kɛɛnąą kəlee. Nuąi di wəli kwɛlɛ kpɛlɛ kalaan ŋąą, di hukala mɛ̨nį a həɠə bələ kəlee. Ɲą́ą́ Yai-Laa nwóó li.

Izikiɛ 28:10

Ə́ kaa pai haai yɛ bələi kɛ́nɛ̨ kpolɔwa a haa la, nwɛ̨ąą yee ɲa, ɲą́ą́ ɓə mo. Mɛ̨nį kəlee ŋą Hééɓomun Yálá woo li.»

Izikiɛ 31:18

«Ká gbɛɛ ɓə ká kulaa ká gee ɓa, ə́ mąąwiɛ pələ hu, ə́ kɛnɛ̨ pələ hu, Edɛn wuluɠaa lɔwai; di ə́ yɛɛ, ka Edɛn wuluɠaa lɔi mu pələ, ə́ kaa pai kɛi laa ni kɛ́nɛ̨ kpolɔwaɠaa lɔwai, ka nuąi tii kɔ́ kɔ́ ɓɔwa ə bɔɔ lɛɛ diɛi. Bələ ɓə Faraɔn kaa pai kɛi la, da nwɔ nu kpului. Mɛ̨nį kəlee ŋą Hééɓomun Yálá woo li.»

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Levetekɔ 19:27

Ka hvo ka wəli kwɛlɛ kpɛlɛ kalaan, ka hvo ka kpɛlɛ mąą tee.

Levetekɔ 26:41

Ɲą́ą́n gɛ́ tɔɔ di la, gɛ́ li a diɛ di yowoɠaa di wɔ lɔi hu. Nąąlɔwai, di wɔ nɛ̨ŋɛ̨nŋąąi mąą mɛ̨nį ɓa.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Lomaŋ 2:28

Ɉuifə lɔ hvaa nui Ɉuifə laa kaa mą: Kɛ́nɛ̨ lon nɔ hvaa nui daa gɛ́nɛ kɛ gɔ́lɔ ɓa pələ.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»