Ɉeremi 9:19 - Yálá laawoo hɛɓɛ (dc)

¹⁹ Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Yálá laawoo hɛɓɛ

¹⁹ Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Bible

¹⁹ Zerusâlɛŋ-ƃelai da wɔ̂lɔi dîyɛɛi, “Da kú su kara. Ŋumɛ kɛ́tɛ a kú kɛ́. Kpɛ́ni fêi, kwa kula ǹɔii su. Kpɛ́ni fêi, da kúkɛ̂i wólo.”

Ɉeremi 9:19 Iomraidhean Croise

Azaya 32:9

Nɛ̨ąą! Kaai mɛ̨nį ta hva ka lii kulɔ kaai, 'ka ka wəli tɔɔ, nɛ̨ɛ̨lɛa kaai kiliŋąhiɛ hvo kaai, 'ka ka wəli tɔɔ ka nwóó mɛ̨n;

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 2:14

Akɛ tii, Israɛlə kaa mɔ̨ɔ̨ a luwɔ? Awala kɛ tii, di gaa mɔ̨ɔ̨ luwɔlaa hu? Kpaa-o! Akɛ kani tii, gɛ pələ kaa ləi yaan, ə kɛ a nui da kɛ tooi mɛ̨i?

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Ɉeremi 4:20

Di kaa kɛi diɛ: «Kɛɛ kala mɛ̨nį ɓə-o, kɛɛ kala mɛ̨nį ɓə-o.» Nɔi kəlee aa lɛɛ a lɔi pun. Daa nwɔ́ pɛlɛ́ɠaa pu lɔ tɔ̨nɔ̨, kpulú! Daa ku nwun mąąkilɛi lɛɛ a hvea ŋą.

Ɉeremi 7:15

Gáá ka pilii kpɔɔ kwɛaa la, yɛ bələi ŋį́ ka kaayɔwɔɠaa Ɛfraimə huwu nuą kɛ la.

Ɉeremi 7:19

Akɛ tii mɔ̨ɔ̨, ɲą́ą́ ɓə tii di nííkələn ɉii gwə́i? Yai-Laa, woo li! Kɛlaa diɛ kpinįi lɔ ɓə? Mąą nɛ̨ɛ̨ kɛ, diɛ kpinįi di nwumɛ̨ kɛ ɉu.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Woolaa 4:15

Daa kɛi di mąą lɛɠɛ nuą diɛ, nuą diɛ kɛ diɛ: «'Ká tɛ ka pulu! Nuą tii kɔ́hɔɓoɔi, 'ká hvo tunwɔ̨n diɛ.» Di mą kɛ pu, diɛ li ɓɛi di hvo nąą kɔ́lɔn, nąą nuą da kɛ diɛ: «Di hvo kɛ di kaa heei ɓɛ, ku wɔ nwɛ̨ąą hvaa diɛ.»

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Izikiɛ 27:2

Hulɔnu lon, ə́ woo laa Tirə taa mɛ̨́i.

Levetekɔ 18:25

Nuą daa nɔi mąąliɓi, ŋą́ di hutɔɔ nwɔ nɛ̨ŋɛ̨n tii mąą mɛ̨nį ɓa. Yili ɓə gɛ nɔi yɛ ɲee kulɔ di mu.

Levetekɔ 18:28

Ka gɛ a nɛlɛɛ, nɔi hvo pa ɲee kulɔ ka mu, a gɛi ka mo a lɔi mąąliɓiɛ, hvo nəi pa ɲee kulɔ ka mu, yɛ bələi ə gɛ la a nuąi kɛ ka tɔwɔ ɓɛ nɔi.

Levetekɔ 20:22

«Ka ka yee kanąn nwɔ́ tɔ́nŋąą da bɔ liɛwooɠaa kələə ɓa, ka bɔ mɛ̨nį kɛ, əgɛ, nɔi ŋɛ̨i gáá ka lɔi ɉu, kaa hee laa, nɔi hvo pa nəi ɲee kulɔ ka mu.

Mise 2:10

'Ka ka muhəɠə ka həɠə ɓɛ, hvįįtɔɔ yələ hvəi kɛa. Ə́ túwɔ́ pələ ɲɔ̨nwɔ̨i moɔ̨i, ə́ hukala pələ ɓə yá gwɛli. Ə́ hu kaa pai kalai, ə lɔ kpɔ yɛ́ hɔ̨ɔ̨.

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Dutɛrɔnome 28:29

Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.