Ɉeremi 8:9 - Yálá laawoo hɛɓɛ (dc)

⁹ Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Yálá laawoo hɛɓɛ

⁹ Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Bible

⁹ Kátare-ƃelai ŋí díkaa pâi ŋumɛ̂i. A pâi kɛ̂i a gúlaa a dia dí kɔ́ pɛ̀lɛ a ƃáre. Da dípôlu tɔɔ Yâwɛɛ wóo mà. Gɛ̀ ní, lé tàre ƃé dîai?

Ɉeremi 8:9 Iomraidhean Croise

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Zôo 5:12

A gbáná nuą di wɔ kiliŋąhiɛ hukala, mɛ̨nįɠaai di gili tee di kwəi, gəlee hu a kala di yəi.

Zôo 5:13

Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Mąątɛ̨nɛ̨ 19:7

A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.

Azaya 19:11

Tanisə ɲąąwooɓo nuą kili kpɛɛi kpɔ di yəi a neelee, Faraɔn nwɔ kalanɉonŋąąi, di kaa a nu tupɛ-tupɛ puɔ gii mɛ̨i; ka pɛli kɛi ləi Faraɔn ɓa: «Gáá a kili mąą mun, a tɔwɔ tɔwɔ tɔɔɓɛlaa yee pɔ mun da?»

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Azaya 43:27

Ə́ nąn dɔlɔɔ tɔlɔɔ ə ɉɔn gɛ, ə́ woo laa tɛɛ nuą di di kwɛli tee ɲə́i.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Zakari 13:4

Mąą yələi tii, Yálá kwəi mɛ̨nį hu kulɔ nuą, mɛ̨nįi da gaa diɛ mo, diɛ kɛ di kaa ɉəɠəi Yálá kwəi, da nwumɛ̨ ɉu; di hva kɛa biliɉu pili di kalan ɉu diɛ nuą ɓowo.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.