Ɉeremi 8:22 - Yálá laawoo hɛɓɛ (dc)

²² Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Yálá laawoo hɛɓɛ

²² Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Bible

²² Sále fé ŋɔ́nɔ Gilia? Sále-tíi kɛ́-muu fé naa? Lé ƃé kɛ́ ŋánûai dífe ƃâloi?

Ɉeremi 8:22 Iomraidhean Croise

Zɛnɛse 37:25

Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Zɛnɛse 43:11

Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

Ɉeremi 14:19

Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Ɉeremi 22:6

«Mɛ̨nįi Yai-Laa kaa moi yɛ hvilɛn na Ɉuda tɔɔmun nwɔ pɛlɛ́i ɓa, ya ka: «Ə́ kaa kɛi ɲə́i yɛ Galaadə lɔi, yɛ Liban yee ton na, gáá pai ə́ mąąpənəi a lɔi pun, və́ pai kpaɠai mą, gáá ə́ kɛi a taa kpoloon, kwəi kwɛli hvo ɉu.

Ɉeremi 46:11

'Tɛ Galaadə lɔi hu, ə́ ə́ hali kwɛli laa, yɛ́i ɓaa Eziptə nɛ̨ɛ̨gbɛla. Nwululaa tamąąi ə́ kaa gulɔi, gaa a kpɛli-kpɛli, wululaa ta hva pɛli ə́ ɓaloi.

Ɉeremi 51:8

Ya ka, Babilonə aa too lɔ ŋɛ̨i tɔ̨nɔ̨, nuą tɛɠii pələ, ɉu aa yali. 'Ka wɔlɔ pu mɛ̨i, 'ka ɉali kɛ, gaa kiɛ pai ɓaloi.

Ɉeremi 6:7

Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Izikiɛ 27:17

Ə mą kɛ, Ɉuda da Israɛlə lɔi, ka diɛni ka kɛi yɔw kɛ; di kɛi Minitə mɔnun nɔwɔtɔɔ yɛ́, da hoo kpai pɛlɛɛ, da kwɛ̨i nwulɔ, da wulɔ kun nɛ̨ɛ̨.

Lonon mo 32:1

Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Lukə 8:43

Nɛ̨ɛ̨nu ta ə kɛ nu kpului tii lɔwai, ya hulɔ ɲɔ̨n yɛ ɓo mą, aa kwɛlan bow-kɔw-hveelɛ kɛ mą, yɛ mɔ̨nɔ̨ mį́į́ kpɔ la kɛnɛ̨. Nɛ̨ɛ̨nui tii, aa kɛ ɲəi hɛn gɔwɠaa kəlee kwɛlɛ, ɲɔ̨n ɉalə kɛ nuą diɛ, kɛlaa, da lɔpee hvo gɔlɔi pono.