Ɉeremi 8:10 - Yálá laawoo hɛɓɛ (dc)

¹⁰ Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Yálá laawoo hɛɓɛ

¹⁰ Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Bible

¹⁰ Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Ɉeremi 8:10 Iomraidhean Croise

Zôo 31:10

Akɛ ŋą́ą́ gɛ ti, nɛ̨́ą nwɔ kwɛnąi ə lɛɛ a nu takpɛli nwɔɔ, nu takpɛliɠaa di laa la.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 17:11

Nui a hɛn ɉɔlɔɓo a hulu, gaa yɛ háɉalii a mɛlan gbɛ ɲąnįn mɛ̨i, ə pɛlɛ laa. Mąą nu nwɔ yɛnɛ̨ɛ̨ hva kpɛli həli ɉąąi, nwɔ hɛn gɔw yɛ kpɛɛ ɲəi; A nwɔ yɛnɛ̨ɛ̨ laa kulɔ nu kpoloon naa hu.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Ɉeremi 32:32

Mɛ̨nį ɲɔ̨nwɔ̨ɔ̨ɠaai Israɛlə nuą da Ɉuda nuą di gɛ, mąą mɛ̨nį ɓa, di nwą́nąlɔ, diɛ-oo, di wɔ tɔɔɓɛlaai-oo, di wɔ kalanɉonŋaai-oo, di wɔ haláá laahəli nuąi-yoo, di wɔ Yálá kwəi mɛ̨nį hukulɔ nuąi-yoo; Ɉuda lɔi hu nuą kəlee, ɛlɛɛ, da Ɉerusalɛmə hee ɓo nuą.

Ɉeremi 38:22

Nɛąąi tii nii dɔɔ pɛlɛ́ mu, da li a gəlee Babilonə tɔɔmun nwɔ kɔlaɠai ɲɛ̨itɔwɔ nuą kpɛa-kpɛa pɔ. Diɛ wələ too, diɛ kɛ mą: «‹Daa ə́ nwun ɉu lan, daa ə́ ɓowo, ə́ ɓɛlaa lɛlɛɛɠaai tii, ə́ kɔwɔ a lɔ palayá hu, lɛani daa di wɔ li ɓo.›

Ɉeremi 42:1

Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Sofoni 1:13

Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.