Ɉeremi 7:9 - Yálá laawoo hɛɓɛ (dc)

⁹ ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Yálá laawoo hɛɓɛ

⁹ ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Bible

⁹ Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́ pɛ̀lɛlɔŋ,

Ɉeremi 7:9 Iomraidhean Croise

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Azaya 1:13

Ka hvo gɔ́ a yɛlɛ kulɔ pələ ɉú, nulu ɓɛlɛ hvo gwə́i, ɲąnįn dɔɔ nįnɛ̨ hɛlii ka kɛ bui, da túwɔ́ yələ hɛli, ə mą kɛ hɛli kpɛa-kpɛaɠaai ka kɛ bui, yili nąą wɛli hvo kɛa mą́ą́.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 11:13

Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Ɉeremi 44:9

Akɛti, káá mɔ̨ɔ̨ lɛ̨ą ka nąnni di wɔ túwɔ́ pələ ɲɔ̨nŋaai diɛ, da Ɉuda tɔɔɓɛlaa di wɛiɠaa, bɛlɛɛ ka wɛiɠaa diɛ da ka nɛ̨ąni di wɛi? A nɛ̨ŋɛ̨nŋaai ka kɛi ɉəɠə Ɉuda lɔi hu da Ɉerusalɛmə gwəliɠaa hu?

Ɉeremi 48:35

Yai-Laa woo ka, yɛ diɛ: «Nui lɔpee a haláá kulɔ ɲaɠaa kɔ́i, yɛ lansan kələn ɲaɠaa tii diɛ, Moabə lɔi hu, ŋą́ mąą nu kulɔ nɔi.»

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Ɉeremi 5:7

Ɉerusalɛmə taa! Mɛ̨nį kɛ pələ a kɛ tii, ŋį́ pɛli ə́ mąą hvaalɛɛi ləi? Ə́ lonni daa nɛ́ɛ́ laa, diɛ di kwɛla hali ɓa. Ŋą́ di yee laholon, diɛ di kpɔɔ kɛ a wɛlii kɛ nuą, di pulu tɔɔ wɛli kɛ Nɛ̨ɛ̨nu yee bɛlɛ́ laaləi, diɛ nąą mąąkɔ̨nwɔ̨.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Izikiɛ 18:18

Nąn nwɛi ə wea mɛ̨nį kɛ, yɛ gaayɔwɔ nwuɔ̨, hvo túwɔ a nɛlɛɛ nwɔ́ nuąi lɔwai; gaa pai haai ɉɔn ɉu.

Izikiɛ 20:30

Yili mąą mɛ̨nį ɓa, 'mo Israɛlə nwɔ pɛlɛ́i mu nuą diɛ, yɛ́ diɛ: Mɛ̨nį kəlee ŋą Hééɓomun Yálá woo ka, yɛ; A kɛ ti, kaa ka mąąliɓi a hvilɛn ka mo ká nąnni hiɛ pələ pulu, kaa túwɔ pələ ɲɔ̨n gulɔ a di wɔ kilikpɛɛgwəi mɛ̨nįɠaai tii?

Izikiɛ 23:39

Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Osia 2:13

Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Osia 6:9

Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Lomaŋ 2:2

Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Dutɛrɔnome 32:17

Diɛ haláá kulɔ ɲinɛnŋąą diɛ, diɛi di hvo a Yálá. A haliɠaa di hvo kpɛli di kɔ́lɔn, a pa wɛɛ haliɠaa, diɛi di nąnni di hvo gɔlɔn.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

Nwun mąąɓo 5:8

Nąąlɔwai tii, Israɛlə nuą di kɛi hali nįnɛ̨ɠaa pɛli. Nąąlɔwai lɔ ɓə, kɔ́ ə kɛi too la diɛ. Yili a kɛ tii, nu ta hvo kpɛli kɛi kpala da hə́mə́ di hɔlɔɓo, Israɛlə hinąą waa pow nąąn mąą mɛ̨nį ɓa.