Ɉeremi 7:5 - Yálá laawoo hɛɓɛ (dc)

⁵ Kɛlaa, 'ka tɔɔ kpɔ a ka nwąnąąi, ka ka túwɔ́ pələ haŋą, ka ka hiɛ pələ ɲɛlɛ kɛ yɛ bələi viɛlaɓoɔ la. 'Ka kiti tee a ɉaŋaa nuą lɔwai.

Yálá laawoo hɛɓɛ

⁵ Kɛlaa, 'ka tɔɔ kpɔ a ka nwąnąąi, ka ka túwɔ́ pələ haŋą, ka ka hiɛ pələ ɲɛlɛ kɛ yɛ bələi viɛlaɓoɔ la. 'Ka kiti tee a ɉaŋaa nuą lɔwai.

Bible

⁵ “À kɛ̀ ka kátûa-pere pɛ́ŋ pɛ̀lɛ a tɔ̃yâ, kátûa a kákîe-ni a teniŋ ƃô pere,

Ɉeremi 7:5 Iomraidhean Croise

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Azaya 16:3

Diɛ kɛ diɛ: «Ku liɛwoo ɓo, ku tɛnɛn dɔɔ, ka ka nwun dɔɔ, ka woo ta ɓo, a hvóló tɔɔ nwun ma; ə́ nįnįn bɛlɛ yɛ kpinį, nuąi daa too di hu, di di mąąkilɛ ə́ hvaŋąn mu, əgɛ, di hvo nəi pa nuąi pui di kaa.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 22:15

Ə́ kaa bɔ ə́ ə́ wɔ tɔɔlaai hee a nɛlɛɛ, ə́ nuą ɲɛ̨i tinɛ̨n, ə́ ɉee yɛ́, a kpitili wulu kɛ mɛ̨nį ə́ wɔ pɛlɛ́ nwąnąi ɓa? Ə́ nąn və́ kɛi mɔ̨ɔ̨ naa mįi, yɛ gbələ, yɛ tələnmolaa da tɛ̨ą mɛ̨nį di mąąkɔ̨nwɔ̨? Kɛlaa ə kɛ lɔ nɛɛ hu-ee?

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Ɉeremi 26:13

Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Ɉeremi 7:3

Yai-Laa Mɛ̨nį Kəlee ŋą Hééɓomun, yaai a Israɛlə Yálá nwoo ka, yɛ diɛ: 'Ka ka túwɔ́ pələ haŋą, ka ka hiɛ pələ ɲɛlɛ kɛ. Ka gɛ tii, ŋį́ pɛli ŋį́ hee ka lɔwai ɓɛ nɔi.

Izikiɛ 18:17

yɛ ɲee kulɔ hulu mɛ̨nį hu, hva kwələ kulɔ hon hvo dɛɛ yii ə dɔɔ mą, hva tɔ̨nɔ̨ hɔlɔɓo a hulu; yɛ nwɔ́ tɔ́n nwooɠai hon, yɛ nwɔ́ tíɓoɠaai pɔ hiɛ ɓo, mąą lon tii hva haa nąn nwɔ nɛ̨ŋɛ̨nŋaai mąą mɛ̨nį ɓa; a lɛɛ yɛnɛ̨ɛ̨, yili ɉəɠə mąą hvo mą.

Izikiɛ 18:5

«Tələnmo mun da akɛi túwɔ a ɉaŋąą, a gwəi kwəlɛɛ,

Izikiɛ 18:8

hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Levetekɔ 25:17

Ka ta hvo kɛ gaa gaayɔwɔ hvului yɛ tɔ̨nɔ̨ kulɔ mą. Bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa. Mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Zakari 7:7

Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Nwun mąąɓo 21:12

Yavɛsə-Galaadə nuą lɔwai, nɛ̨ąąi di hvo hulɔnu mɛ̨nį hu kɔ́lɔn, di kɛ a nu nwun-nąąn, diɛ ɓə di pa a diɛ Silo daai ɲąąkpɔn ɉu, Kanaan lɔi hu.

Nwun mąąɓo 5:1

Mąą yələi tii Israɛlə lonnii di yeetɛɛmąą kɛ la, Debora da Avinoamə lon Barakə di nwələ ŋɛ̨i too; diɛ kɛ mą: