Ɉeremi 7:25 - Yálá laawoo hɛɓɛ (dc)

²⁵ Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Yálá laawoo hɛɓɛ

²⁵ Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Bible

²⁵ É síɣe tãi ma kánâŋ pɔlɔ-ŋai díwɔ́lɔ kùla la Izei é tóo sâai ma, ŋa wɔ́lɔ kɛ́ nɔ́ ŋálono kɛ́-ƃelai tɛɛ̂i dípɔ naa a tãi kélee.

Ɉeremi 7:25 Iomraidhean Croise

Kɔlɔnikɔ Veerɛi 24:19

Yálá ə nɛɛmą ə gwəi mɛ̨nį hukulɔ nuą tɔɔ di pɔɔli, əgɛ, di di liɛwoo kɛ, di pənə di paa a diɛ Yai-Laa pɔ; kɛlaa, nuą di hvo di wəli tɔɔ di woo ɓa.

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Azaya 5:4

Lə kpɔ ɓə ŋą́ pɛli gɛi mą, ə tɛɛ yili ɓa? Ŋą́ kɛi viɲə ɓá lɛlɛɛɠaa mąąkpɔn, Lə ɓə kɛ yai ə ɓá a ɲɔ̨nwɔ̨ɔ̨?

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 29:19

Mąąhɔlɔɓo, di hvo di wəli tɔɔ li nwóó ɓa. Ɲą́ą́ Yai-Laa nwóó li! Ya pa, ŋą́ kɛi nwɔ́ tínuą tɔɔ di pɔ, diɛ gwə́i mɛ̨nį hukulɔ diɛ, vįi hvo kpɛɛ li; kɛlaa di kɛɛ mɔ̨ɔ̨ ŋɛ̨i, di hva mɛ̨nį mɛ̨n. Ɲą́ą́ Yai-Laa nwóó li!

Ɉeremi 35:14

Nɔɔ tɔ́n Rekavə lon Yonadavə ə dɔɔ nonnii diɛ, di ɉon, di hvo ta mąą kala li, di hvo ta lɔɔ kpələ li, aa lɛɛ ɉu háákələi aa həli; daa lɛɛ di kalaɓɔlɔ woo ɲą. Kɛlaa nwɛ́i, ŋą́ pələ ɓo káá, vįi hvo ta kpɛɛ li; kɛlaa, ka hva mɛ̨n. Ŋą́ túwɔ́ pələ ɓoi kaa, ka hva mɛ̨n.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Izikiɛ 2:3

yɛ mą́ą́: «Hulɔnu lon, gáá ə tɔɔi Israɛlə lonnii pɔ, a gulɔ nwoomu nu huwui tii, a nuąi daa tɔɔ ná a kɔ́, diɛ mąn di nąnni mąn, aa lɛɛ ɉu háákələi aa həli.

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Osia 12:10

Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.

Amɔsə 2:11

Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Malasi 3:7

Ə həɠə kpɔ ka kalaɓɔlɔni diɛ, ə həli la káá, kaa ká pulu tɔɔ nwɔ́ liɛwooɠaai diɛ, ka hvo ɉon ni. 'Ká pənə ka pa bɔ́, ŋą́ pənə ŋą́ pa ka pɔ. Ɲą́ą́ Yai-Laa Mɛ̨nį Kəlee ŋą Hééɓomun nwóó li. Kɛlaa, yii ka kɛ moi, ya ka, káá kɛ mą: «Kwá pa pələ kɛ ləi?»

Lukə 11:49

Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.