Ɉeremi 7:21 - Yálá laawoo hɛɓɛ (dc)

²¹ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, woo ka, yɛ diɛ: Ɉaláá hɛnŋaai da gəlee kələn, da ɉaláá takpɛliɠaa, ka gəlee pɛlɛ gee ɓa, ka di mį́i.

Yálá laawoo hɛɓɛ

²¹ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, woo ka, yɛ diɛ: Ɉaláá hɛnŋaai da gəlee kələn, da ɉaláá takpɛliɠaa, ka gəlee pɛlɛ gee ɓa, ka di mį́i.

Bible

²¹ “Ńyãai a Ŋ̀wála-wâla kélee Yâwɛɛ nyíi gáa a Eezuɛ-ŋai Díɣâlai, ŋa môi a gɛɛ ká kákereŋ sama-sɛŋ da kásâla-sãai kélee pú gîe ma ká mii.

Ɉeremi 7:21 Iomraidhean Croise

Mąątɛ̨nɛ̨ 50:8

Və́ ə́ hvalai ə́ wɔ halááɠaai mąą mɛ̨nį ɓa, ə́ wɔ haláá hɛnŋaai yá gəlee kələn, di kaa ɲɛ̨́i ɓa a yələ kəlee.

Azaya 43:23

Yili kulɔ ə́ wɔ kiliŋąhiɛ hu, yɛ́ kɛ, mɛlaa lonnii ə́ kɛi gulɔ a haláái da kəlee kələn, ɲą́ą́ hvəi ə́ gɛ mą́ą́, a yai ə́ kɛi kɛ yɛ́, ə́ kaa nwɔ́ mą́ą́wiɛ ta pɛlɛi la mą a ə́ wɔ taatɛlɛɛɠaai. Gulɔ nwɔ̨nɔ̨ ə́ nwun ɉu, yɛ́ kɛ, haláá kulɔ mɛ̨nį mą́ą́ ɓə gɛ, gɛ́ ə́ too la luwɔlaa hu, yili hvəi-ee, ɛlɛɛ və́ ta ə́ hviikpɛɛli, gɛ́ kɛ yɛ́, lansan kələn mą́ą́.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Dutɛrɔnome 12:27

Ka káá pai kɛi haláá yii da gəlee kələn gulɔi, Yai-Laa ka wɔ Yálá nwɔ haláá kulɔ kəhi mɛ̨i, a ɉuwɔ da ɲąmą. Kɛlaa, ɉaláá takpɛliɠaa tii ka di kulɔ, ka ɲąmą pu Yai-Laa nwɔ haláá kulɔi, ka ɉuwɔ mįi.