Ɉeremi 6:7 - Yálá laawoo hɛɓɛ (dc)

⁷ Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Yálá laawoo hɛɓɛ

⁷ Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Bible

⁷ Ŋwana lɔ̂ɔ a kûla Zerusâlɛŋ taa leei su yɛ̂ɛ berei yá a kûla la ya ɣɛ̂li sui. Núu a mɛni nyɔ́mɔɔ da mɛni su kara mɛni maa mɛ̂ni m̀ɛni naa. Pala da kɔlɔ-fela díkaa nɔ́ m̀a.

Ɉeremi 6:7 Iomraidhean Croise

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Azaya 1:6

Ə həɠə ka nwuɔ̨, ə yɛɛ ka kɔ́wɔ ɓa, mɛ̨nį ta hvo kɛa a gɛ pələ, nąą kəlee kaa a pala hvaɠa kpidilin da pala kpɛa-kpɛa, nąą waamun və mą, di hvo ta hali kɛ li mą, di hvo ta wulɔ hiɛ li laa.

Azaya 57:20

Kɛlaa, nu ɲɔ̨nwɔ̨ɔ̨ɠaa kaa yɛ gboloyá nwąną a kulɔ, hva pɛli heei tin, ɲaɠaa diɛ palaya da kalaɠaa tɛ yələi.

Azaya 59:6

Nu hva pɛli ə́ kpaan dee a di kɛ koló, mɛ̨nį ɲɔ̨n mə da mąą kili tee di kwəi! Wɛa mɛ̨nį lɔ ɓə di ɲɛ̨́i pɔ.

Ɉeremi 20:8

Ŋą́ kɛi kɛ ŋį́ pələ ɓo, hvo kɛli ŋį́ nu təli mą́ą́, gɛ́ tomą, gɛ́ kɛ mą: «Too mɛ̨i da wea ɓə» Yai-Laa woo mąą mɛ̨nį ɓa, da túwɔ́ lɔ nálan ɉii, diɛ di laa pu ɉú.

Ɉeremi 30:12

Yai-Laa woo ka, yɛ diɛ: Ə́ kala mɛ̨nį hvo pai ɉəɠəi mą, di hvo pai pɛli ə́ mąą nwąną palaɠaa hali kɛi,

Ɉeremi 30:13

Nu ta hvo ə́ mąą mɛ̨nį niihɛlɛn ɉeei, ə́ wɔ palai mąą mɛ̨nį hu. Hali hvo laa di hvo bu ŋą.

Ɉeremi 30:15

Gbóó ɓə tii ə́ kaa dəlii ə́ kala mɛ̨nį hui? Ə́ wɔ palai ɉalə hva pɛli kɛi. Ə wɔ piɛn doo mɛ̨nį tamąą laa pɔɔ, da ə́ wɔ nɛ̨ŋɛ̨nŋaai pui gee mɛ̨i di laa pɔɔ ɓə gɛi, gɛ́ mɛ̨nįi tii laa la yɛ́.

Ɉeremi 32:31

Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Izikiɛ 21:29

Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Izikiɛ 24:7

Mąąhɔlɔɓo, ɲąmąi ə bu, gaa nii daai, ə bu kwɛni kpuwulu mɛ̨i lɔ tii, hvo bu li lɔi ɓa, hvo muluun bu li mɛ̨i.

Izikiɛ 45:9

Mɛ̨nį kəlee ŋą Hééɓomun Yálá woo ka, yɛ: «Aa tɛɛ ɲɛ̨n ɉu, Israɛlə ɲɛ̨itɔwɔ nuą, 'ká kpəla wea da toomɛ̨i kɛɛ ɓa; ka túwɔ a tɛ̨ą da tələnmolaa. Ka hvo kɛa hee nwɔ́ lɔi lonnii mɛ̨i, Mɛ̨nį kəlee ŋą Hééɓomun Yálái woo li.

Izikiɛ 7:11

Wea mɛ̨nį aa muhəɠə, kili ɲɔ̨nwɔ̨ɔ̨ yəi hɛn ni, nu hva kɛa di pɔɔ kaa. Nu hva kɛa di tomą woo mɛ̨n, da di huluun nwoo; hvitɔɔ hvə di yəi.

Izikiɛ 7:23

Yɔwɔn bɛli, mąąhɔlɔɓo nɔi laahvɛɛi a nu paa kili, daa laahvɛɛ a wea mɛ̨nį.

Sofoni 3:1

Kpalo ɓɛlaai gulɔ nwoo mu taa ŋɛ̨i ɓa, a yaa ŋɛ̨i gɔhɔɓoɔ, yɛ nwąnąlɔɔ kulɔ!