Ɉeremi 6:26 - Yálá laawoo hɛɓɛ (dc)

²⁶ Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Yálá laawoo hɛɓɛ

²⁶ Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Bible

²⁶ Yâwɛɛ è mò ǹûai dîa ǹyɛɛi, “ŋánûa, ka seɣe sâa too kâa ká tóo ǹuui sú kákɛ kɔ̀-kɔ. Ka malôŋ see ƃó yɛ̂ɛ núu ǹóŋ-surɔŋ tɔnɔ à sàa. Ká wɔ́lɔ a ŋánaa, kpɛ́ni fêi, diai pâi ká paâi, díkaa nâa kákɔlɛ ma.

Ɉeremi 6:26 Iomraidhean Croise

Zɛnɛse 21:16

Yili pulu, Hagarə ə mąą tɛ tɔwɔ da yaa di lɔwai ə kwɛa gee ɓa, ə hee. Mąąhɔlɔɓo, ə kɛi giliŋąhiɛ yɛ kɛ mą: «Və́ bɔ, və́ nón ɉaai kaa.»

Zôo 15:21

Maa ɲɔw wooɠaa da too lɔ nwəlii a yələ kəlee, ɓɛlɔwai lɔ a liilaa yɛnɛ̨ɛ̨ hɔlɔɓo la, kɛlɛi nąąlɔwai, ɓə mɛ̨nį kalamun a wolo la ma.

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 22:4

Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Azaya 3:24

Wulɔ kun nɛ̨ɛ̨, mąą a hvalin a hɛn nulɔ kun, hɛ̨ą yili kɔ́lɔ mąą a hvalin a gɔtɔ yɛli, nwun naa lɛlɛɛ mąą a hvalin a nwun gbəlaan, həɠə lɛlɛɛ mąą a hvalin a mąąwɛli həɠə di wɔ lɛlɛ mąą a pənə a kwɛli kələn bɔɔ.

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Azaya 32:11

Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Ɉeremi 18:22

Wɔlɔ woo ə tɔɔ di wɔ pɛlɛ́ɠaai mu. Ɓɛlɔwai ə́ kaa pai toomɛ̨i kɛ nuą ɲąątɔɔ la diɛ di tɛɠi mąąhɔlɔɓo, daa mą́ą́ tinɛ̨n a hɛlɛn, ɉón mɛ̨nį ɓa. Daa hɛlɛn dɛ gɔ́wɔ́ mu.

Ɉeremi 30:5

Yai-Laa woo ka: ɲɔw woo kaa tɔɔi, tín ni, nu kəlee hu aa pu mą.

Ɉeremi 4:11

Maa hvólói tii, di kaa pai kɛi nuą ŋɛ̨i da Ɉerusalɛmə diɛ: «Hvaŋą kələnŋąą kaa bələ ɓa yɛ pa nwɔ́ nuąi pɔ, yɛ həɠə nɔi pun ɉu pələ. Hvó ɓaa hvaŋą holɛɛ yii da mɔ̨nun vɛɛ la.

Ɉeremi 4:20

Di kaa kɛi diɛ: «Kɛɛ kala mɛ̨nį ɓə-o, kɛɛ kala mɛ̨nį ɓə-o.» Nɔi kəlee aa lɛɛ a lɔi pun. Daa nwɔ́ pɛlɛ́ɠaa pu lɔ tɔ̨nɔ̨, kpulú! Daa ku nwun mąąkilɛi lɛɛ a hvea ŋą.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Ɉeremi 6:14

Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Ɉeremi 8:19

ka bɔ́ lɔi nuą wɔlɔ woo mɛ̨n dai! Di woo kaa tɔɔi nɔi nąą kəlee. Diɛ kɛ mą: «Akɛ tii, Yai-Laa hvó mɔ̨ɔ̨ Siɔn daai? Akɛ tii tɔɔmun hvo kɛa laa ɓəi?» «Lə ɓə kɛ yaai di nwąną lɔ diɛ kwɛli hvilɛn hali ɓa, a gbɛli-kpɛli hɛnŋaa tii həɠə pələ takpɛli.»

Ɉeremi 8:21

Ɉú kpɔ-kpɔɔ aa yali, nwɔ́ nuą di wɔ mɔ̨nɔ̨ kɛnɛ̨i mąą mɛ̨nį ɓa. Gaa kpinįi, mą́ą́ aa wɛli.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Woolaa 1:16

Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Woolaa 1:2

A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 3:16

Aa kwɛni hee ɲį́nŋą aa dóó luwu hu.

Woolaa 3:48

Ɲɛ̨́iyá aa gboloon naa nwɔ́ lɔi hu nɛ̨ɛ̨gbɛlaɠaa mąą mɛ̨ni ɓa.

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Woolaa 4:3

Pələi mąn lɔwɔ huwɔ kaa la, non mąą liihlɛn gaa mą, yɛ ɲįnį tɔɔ non na. Kɛlaa nwɔ́ nuą kaa yɛ kɔ̨nwɔ̨lee yii non mąą liihlɛn və mą. Yɛ bələi hɔ̨nwɔ̨gɔlɔn gaa la lɔi pun ɉu.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Zôna 3:6

Ɓɛlɔwai Ninivə tɔɔmun ə bələ mɛ̨n na, ə həɠə ɲəi dɔɔ kpəlin ɉu, ə nwɔ tɔɔ həɠəi kulɔ gwaną, di kəlee di mąąwɛli hee ɓo.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Lukə 7:12

Ɓɛlɔwai di kɛi kɛa tɛ la daai tii hu, di nu powa ta kaa laa ni, gbɛa-gbɛan ŋą diɛ li nooi. Nu powai tii, ə kɛ a kalanin ta lon ɉulɔnu kɔ́w tɔ̨nɔ̨ gbən. Nu kpulu kɛnɛ̨ɛ̨ ə kɛ nɛ̨ɛ̨nui tii pulu, diɛ li nu powai tii looi.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!