Ɉeremi 6:21 - Yálá laawoo hɛɓɛ (dc)

²¹ Yili mąą mɛ̨nį ɓa! Yai-Laa woo ka, yɛ diɛ: Gáá hɛn da laai nu huwui ŋɛ̨i tɔwɔ, di kaa pai kalin ɉii la, lon da nąn, heeyɔwɔ da di ɓɛlaa, gəlee di haa kpɔ kpai.

Yálá laawoo hɛɓɛ

²¹ Yili mąą mɛ̨nį ɓa! Yai-Laa woo ka, yɛ diɛ: Gáá hɛn da laai nu huwui ŋɛ̨i tɔwɔ, di kaa pai kalin ɉii la, lon da nąn, heeyɔwɔ da di ɓɛlaa, gəlee di haa kpɔ kpai.

Bible

²¹ M̀ɛni ma, ŋa pâi ǹûai ŋí perêi kpáaŋ sɛŋ lâai díŋɛi túɛ nyíi da pâi karênii lai. Ǹaŋ-nuui da ǹóŋ-surɔŋ, núu-naa kɔlɛ ma-nuui da ǹâoi, díkelee da pâi saâi.”

Ɉeremi 6:21 Iomraidhean Croise

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Azaya 8:14

Gaa a pɛlɛ mąąhəɠɛɛ Kɛlaa gaa a kwɛnii da kalin mą; gaa a nuą kɔ́wɔ tuwɔ kwɛni kpuɠulu Israsrɛlə nwɔ pɛ́lɛ́i, da Ɉuda nwɔ pɛ́lɛ́i diɛ, ə ɓo a tumɔ̨ da ɓaalə Ɉerusalɛmə nuą diɛ.

Azaya 8:15

Nu tamąą kaa pai kalin ɉi mą diɛ too, di hu yɛ yali, diɛ kɔ́ a ɓaale, diɛ di hon a luwɔ.

Ɉeremi 13:14

Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Levetekɔ 26:37

Diɛ kɛlɛ di kee hu, yɛ kɔ́ kɔ́ ɓɔwa a kɛ di pulu, ə mą kɛ nu ta hvo di kpɛi, ka hvo pai pɛli tɔɔi ka yowoɠaa tɔwɔ.

Lomaŋ 11:9

Davidə yaa kpɛli ə mo yɛ diɛ: «Di kpɔɔ kɔ̨nɔ̨n a kɛ diɛ a hɛlɛn, a di hon dúmɔ̨, a di too hɛn, di di hutɔɔ tii tələnmolaa hu.

Lomaŋ 9:33

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Gáá kwɛni laai Siɔn, nui a kɔwɔ tuwɔ mą a too. Kɛlaa, nui a laa na, hva nwumɛ̨.»

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.