Ɉeremi 6:16 - Yálá laawoo hɛɓɛ (dc)

¹⁶ Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Yálá laawoo hɛɓɛ

¹⁶ Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Bible

¹⁶ Yâwɛɛ è mò ǹyɛɛi, “Ka tɔɔ bere tãɣaŋ lá ká wɔ́lɔ-wɔ́lɔi tí maa tûa-perei maa mare kɛ́ɛ kɛ́, ƃɛ́i tûa-pere lɛ́lɛɛ káa naai a gɛɛ kátûa tí, nyíi pâi gɛ̂i ká fii-tɔɔ sɔlɔ ƃó ká mɔ̂leŋ maa mɛ̂ni mai.” Kɛ́lɛ dí mò dîyɛɛi, “Kúfe pâi kúwoli tɔɔ̂i yâ.”

Ɉeremi 6:16 Iomraidhean Croise

Tɔɔɓɛlaa dɔlɔɔ 8:36

Ną́mu, yɛ́i ə́ kaa yələkɔlɔn ɉu, ə́ wəli tɔɔ, ə́ ə́ wɔɔ tímun Israɛlə ŋą nɛ̨ŋɛ̨n mąąhvaalɛɛ. Bələ haŋąąi mąą nɛ̨ɛ̨ di hiɛ la, ə́ nɛ diɛ, ə́ tulɔ tɛɛ ə́ wɔ lɔi pɔ, nɔi ŋɛ̨i ə́ dɛɛ ə́ wɔ nuąi pɔ a di kwɛlin.

Kɔlɔnikɔ Veerɛi 19:11

Ɉaláá laa həli mun gɛnɛ̨ Amariahu ɓə ka kəlee ka nwun na, Yai-Laa mąą mɛ̨nį kəlee hu, ɛlɛɛ, Ɉuda ŋą pɛlɛ́i nwun nąmu Yismaɛlə lon Ɉevadiahu ya ɓə gaa, mɛ̨nįi kpɔ hvilɛn na tɔɔmun mąą mɛ̨nį ɓa nwun na. Levi lonnii ɓə ka yəi a ɉɛɓɛ́kɛnuą. 'Ka tɔɔ a nwąnąi, 'ka goló kɛ! Nui a gɛ a nɛlɛɛ, Yai-Laa ə kɛ mąą nu pɔ!»

Mąątɛ̨nɛ̨ 116:7

Nį́į́ wolo, 'pənə ə́ ə́ hvįįtɔɔ, mąąhɔlɔɓo, Yai-Laa aa mɛ̨inɛ̨ɛ̨ kɛ yɛ́.

Azaya 2:5

Kaai ɓaa a Ɉakɔbə nwɔ pɛ́lɛ́i, 'ka tɛɛ ka gwə li, ka gu bɛlɛ gee ɓa, gu hiɛ Yai-Laa nwɔ kɛɛ pɔ̨nɔ̨i hu.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Azaya 57:2

Kɛlaa, liilaa yələ kaa pai, nuąi da hiɛ a ɉąŋąą, di kaa pai kɛi laai di yəi gbin ɲą a di wəli pulu laɠiɛ.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Ɉeremi 18:12

Kɛlaa ka káá pai kɛi diɛ: «Pɛli mąą hvo ɉu, ku kaa hiɛi yɛ bələi ku kwəi kili kaa la. Ku kaa kanąn ku wɔ lii pɔ ɲɔ̨nŋaa diɛ.»

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Ɉeremi 22:21

Ŋą́ pələ ɓo yɛ́, ɓɛlɔwai mɛ̨nį ta hvo kɛ la ə́ wəli pulu, ə́ bulu pənə mą́ą́, yɛ́ mą́ą́: «Və́ nwə́li tɔɔi mɛ̨nį ta ɓa.» Ə həɠə ə́ muhəɠə yələ ɓa, yili lɔ ɓə ə́ kaa ɉu. Hvə́ ta gɛ li, hvó ə́ wəli tɔɔ nwóó ɓa.

Ɉeremi 31:21

Ə́ kɔ́lɔn ɉiɠaa kɛ ə́ kpaalə hu. Bələi ə́ kaa ɉon ɉii la, ə́ ɲɛ̨i pɔɔ lɛɛ mą a nɛlɛɛ. Pənə ə́ pa Israɛlə nɛ̨ɛ̨gbɛla. 'Pənə ə́ pa ə́ wɔ taaɠaai hu.

Ɉeremi 42:3

Yai-Laa ə́ wɔ Yálái ə ku tənən dɔɔ, kwa gɛ pələ kɛ ləi?»

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Ɉeremi 50:5

Bələi a li Siɔn, di ka mąą mąąni kɛ kɛi, ɛlɛɛ, Siɔn pɔ pələ ɓə di ɲɛ̨i tinɛ̨nŋaa la. Di kaa pai, da Yai-Laa ni, di tɔɔi ə kɛ tɔ̨nɔ̨, diɛ mįnɛ̨ həɠə a yələ kəlee mɛ̨nį. Di hva kɛa lɛ̨ą mą, a yələ ta.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Ɉeremi 7:3

Yai-Laa Mɛ̨nį Kəlee ŋą Hééɓomun, yaai a Israɛlə Yálá nwoo ka, yɛ diɛ: 'Ka ka túwɔ́ pələ haŋą, ka ka hiɛ pələ ɲɛlɛ kɛ. Ka gɛ tii, ŋį́ pɛli ŋį́ hee ka lɔwai ɓɛ nɔi.

Lukə 16:29

«Abrahamə ə nwoo pulu pənə yɛ mą: ‹Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą hvaa woo pɛ̨ɛ̨ kaa laa di yəi; yɛ di kilaa pono, mąąnɛ̨ɛ̨ di di wəli tɔɔ nwoo ɓa!›

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Dutɛrɔnome 32:7

Ə́ kiliŋąhiɛ tɔwɔ-tɔwɔ hvólóɠaa hu, Gwɛlanŋąąi daa tɛɛ, ə́ kiliŋąhiɛ diɛ! Ə həɠə kpɔ tɔwɔtɔwɔ yələ ɓa, ə́ nąnni mąąnikɛ, da nɛ yɛ́. Ka wɔ kalanɉonŋąąi mąąnikɛ, da ɉukulɔ yɛ́.

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Hebreu 11:2

Yaa ɓə wɔlɔ gɛ, gu nąnni pɔlɔɠaa diɛ kɛla hvaa lɛlɛɛ hɔlɔɓo.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Nwun mąąɓo 2:17

Kɛlaa, di hvo kpɛli kɛi di wəli tɔɔ di nwun mąąɓo nuąi woo ɓa, mąą hɔlɔɓo, di kɛi lɔ kwɛli hvilɛn haliɠaa diɛ, di lɛ̨ą kpɔlɔ tii, bələi di nąnni di kɛi hiɛ mɛ̨i, mą; diɛi kɛi Yai-Laa nwɔ liɛwooɠaai hon.