Ɉeremi 6:11 - Yálá laawoo hɛɓɛ (dc)

¹¹ Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Yálá laawoo hɛɓɛ

¹¹ Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Bible

¹¹ Yâwɛɛ, ńii ŋwânai kpɔ́ dîa yɛ̂ɛ berei í liî ŋwânai la dîa ǹyaŋ fa pɔ̂ri ńii maa sonîi.” Nya ƃe Yâwɛɛ è mò ḿâ ǹyɛɛi, “Ílii ŋwána ǹîa-pɛlɛɛi díkaa berei mai dîa é pɛ́lɛ ǹyaŋkpa-ŋai díkaa kɔyɛ̂ŋ sui, é pɛ́lɛ ǹɛyãai da dísinâai dîa da ǹúu-pɔlɔ-ŋai.

Ɉeremi 6:11 Iomraidhean Croise

Azaya 40:30

Nu nwunuɠaa hu a haa, di hvii yɛ kpɛɛ, ə mą kɛ kɔ́ kuláaɠaa, di kɔ́wɔ hu a haa, diɛ kɛ di too.

Ɉeremi 15:17

Və́ kɛ gwə́inɛɛ mɛ̨nį kwɛli li ɓowo pələ kɛ nuą pɔ. Ə́ yee huwalawala, ə dɔ́ɔ́ a déé. Hvo gaai, ə́ nwɔ liikələn gwəi aa hee ɉú kpɔ kɛnɛ̨.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Izikiɛ 3:3

yɛ mą́ą́: «Hulɔnu lon, ɉɛɓɛ́i ti ŋą́ dɛɛ ə́ pɔ, mįi ə́ pilɛ ɉu, ə́ ə́ koo laahvɛɛ la.» Ŋą́ mįi; nɛ̨ɛ̨ ná, yɛ kwɛin nwulɔ.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Lukə 17:34

Gáá moi kaa, mąą kpinįi tii hu, nu hveelɛ da kɛ kpin dɔ̨nɔ̨ ŋą, da dɔ̨nɔ̨ həɠə di dɔ̨nɔ̨ lɛɛ.

Gɛlaɠaa 17:16

Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»