Ɉeremi 52:9 - Yálá laawoo hɛɓɛ (dc)

⁹ Kalde kɔ́kulááɠaa di Sedesiasə hon, di tɛ la Rivla daai, Hamatə lɔi hu, Babilonə tɔɔmun bɔ, yili ə Sedesiasə kiti tee.

Yálá laawoo hɛɓɛ

⁹ Kalde kɔ́kulááɠaa di Sedesiasə hon, di tɛ la Rivla daai, Hamatə lɔi hu, Babilonə tɔɔmun bɔ, yili ə Sedesiasə kiti tee.

Bible

⁹ Gɔ-kuluƃa-ŋai dí Zɛdikaya sìɣe dí lí la Babelɔŋ kaloŋ Nɛbukinaza pɔ́ naa Lebila Taa-leei su nyíi kɛ̀ Ama lɔii-kpiniŋ sui. Nɛbukinaza è Zɛdikaya ŋɔmɛnii ŋá tèe gwaa tɔ̂nɔi tí ma.

Ɉeremi 52:9 Iomraidhean Croise

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Tɔɔɓɛlaa veelɛ 23:33

Eziptə tɔɔmun Neko ə Yoakazə hon a luwɔ Rivla daai Hamatə lɔi hu, ə doo yɔwɔn ŋą, ə gɛ, hvo kɛa tɔɔlaa kɛ Ɉerusalɛmə daai. Eziptə tɔɔmun Neko ə Nįįhɔ̨nwɔ̨ laa Ɉuda nɔi nuą nwuɔ̨ a wali kwələ kilə waa nwun ɉaaɓa, diɛ gulɔ kwɛlan mą da hɛni kilə pow haaɓa.

Tɔɔɓɛlaa veelɛ 25:6

Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 8:3

Salomɔn ə pɛlɛ Hamat-Sova ɓa ə ɉon.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 39:5

Kɛlaa, Kalde kɔ́kulááɠaa di hvilɛn di pulu, di Sedesiasə hon Ɉeriko yɛɛkɔwɔ hu, də li la Rivla, Hamatə lɔi hu, Babilonə tɔɔmun Nabukodonosorə pɔ. Yili ə giti tee.

Woolaa 4:20

Dɔɔmun Yai-Laa ə ku wɔ yɛnɛ̨ɛ̨ tɛɛ bɔ, yaamun ga ŋɛ̨i, ku yowoɠaa daa gɛ a di wɔɔ luwɔ, yɛ ɓo di yəi gaho ŋą; Yaai kɛ kwa ku kili kɛ mą, kuɔ kɛ diɛ: «Kwá kɛ yaa tii vaŋan mu, kwa pɛli yɛnɛ̨ɛ̨ kɛi hį́itakpɛliɠaa lɔwai!»

Izikiɛ 11:10

Ka káá pai haai a kɔ́ kɔ́ ɓɔwa laa pɔɔ, gáá pai ka kiti teei ɓɛ Israɛlə lɔi hu. Ɲələ ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Izikiɛ 23:24

Mąą yələ, kɔ́ kɔ́ wotoloɠaa, da tiɛ̨ həɠə-wotoloɠaa da həɠə ɲánwuɔ̨ pələ diɛ pa pɛlɛi yɛ́. Da kɛ a nu huwu yee lɔɔ gee hu; da ə́ mąątínɛ̨n a kɔ́ kɔ́ kwɛlihɛnŋąą, di doo gee hu. Ŋą́ nwóó hu kulɔ diɛ, diɛ kɛa ə́ kiti tee yɛ bələi di kaa la bɔ.

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Lonon mo 34:11

Ə həɠə Sefamə, ka ɲɛn a yɛɛ Rivla tənən ma pələ, nu a kɛ Ain voló həɠəi pələ; yili pulu, ə yɛɛ ə hee Kinerɛtə yee kpu kpu ɓa gboloyá kwɛlɛ,

Zasua 13:5

Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.