Ɉeremi 51:7 - Yálá laawoo hɛɓɛ (dc)

⁷ Babilonə ə kɛ Yai-Laa yəi yɛ hɛni gəgən, ə kɛi lɔi kəlee kɛ a lɔɔ hon, yɛnɛ̨ɛ̨ nuą di kɛi nwɔ lɔɔi kpələ, diɛ ɓowo la.

Yálá laawoo hɛɓɛ

⁷ Babilonə ə kɛ Yai-Laa yəi yɛ hɛni gəgən, ə kɛi lɔi kəlee kɛ a lɔɔ hon, yɛnɛ̨ɛ̨ nuą di kɛi nwɔ lɔɔi kpələ, diɛ ɓowo la.

Bible

⁷ Babelɔŋ è wɔ́lɔ kɛ̀ ńyee-ŋa yɛ̂ɛ gôo-kpele kɔpu. È gɛ̀ ǹûai kélee dí ŋɔŋwãai kpéle. Ǹyaŋ ŋwãai kpîŋ a ǹɔii-ŋuŋ-ŋai kélee kɛ́ díŋuŋ-su a kɛ́ dùãa, dífe ŋɔ́nɔ díkili-pere pɔ́.

Ɉeremi 51:7 Iomraidhean Croise

Azaya 14:4

ya nwələi ŋɛ̨i too a Babilonə tɔɔmun naa, yɛ kɛ mą: Nuą mɔ̨nɔ̨ ɓomun tii nwɔ yɛnɛ̨ɛ̨ laa ə kulɔ pələ kɛ ləi yoo? Nwɔ ɲɛ̨itɛlaai ə kulɔ pələ kɛ ləi ɲəi yoo?

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 50:38

Gɔ kɔ́ ɓɔwa, ə hee nwɔ yaɠaai hu, daa kpala. Mąąhɔlɔɓo, aa lɛɛ a mąąnįnįn ɉaɠaa lɔi, a nu mąąnįnįn ɉaɠaaɠaai daa di kili kulɔ di yəi.

Izikiɛ 23:42

Di kɛi nu kpulu kɛnɛ̨ tin mąn, diɛ kwəinɛ̨ɛ̨ kulɔ, mɛ̨nį hvo kɛ di wəli pulu; nu kpulu kɛnɛ̨ ta kpɛli ə pa ə pɛlɛ yiliɠaai diɛ, diɛ həɠə nɔi pun ɉu pələ kəlee pɔ; di kɛi yee kwąną kwɛli too nɛ̨ąą yee ɓa, diɛ tɔɔɓɔlɔ lɛlɛɛɠaa lɔ di nwuɔ̨.

Danîa 2:32

Maa nįnįn ɉaɠaa tii, nwun galən ə kɛ a hɛni leelee, gəŋə da ɲeeɠaa diɛ ɓo a wali kwɛli, goo da nwɛlɛɠaa diɛ ɓo a ɓala kwɛli.

Danîa 2:38

Yálá aa hvaa mą, aa nu lonnii, da lɔwɔi huwɔɠaa, ə mą kɛ yələi nwɛ̨nįɠaa di lɔ ə yee mu, aa ə́ hee di mɛ̨i. Yɛ́ ɓə ə́ kaa a mąąnįnįn ɉaɠaa tii nwun galən yai kɛ a hɛni.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

M̀ɛni-lɛɛi 17:2

Yaa tii ɓə lɔi mɛ̨i tɔɔɓɛlaa daa di kpɔwɔ too bɔ nwɛlikɛɛ tii hu, ɛlɛɛ, nwɔ wɛlikɛ lɔɔ tii aa lɔi mɛ̨i nuą, hon.»

M̀ɛni-lɛɛi 17:4

Nɛ̨ɛ̨nui tii mąą yiliɛ a nįnį-kɔlɔ həɠə kpɔluɔ gbələtətə, mąą puɔ, a hɛni, a kúwɔ-kwɛnį lɛlɛɛɠaa. Hɛni kpələkɔwɔ ə kɛ yee ɲą, naahvɛɛ a mɛ̨nį kɔhɔɓoɔɠaa: a ŋą wɛlikɛ mąąliɓi túwɔ́ɠaa.

M̀ɛni-lɛɛi 18:23

Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»